Vaheveru 2:11 - Testamente Leyimpsha Xichangana

¹¹ Hambi ali Yesu lweyi abasisaka vanhu svijohweni, hambi vali lavabasisiwaka, hinkwavu vahuma ka Tatana mun'we. Hi yona mhaka leyi yendlaka lesvaku Yesu anga khomiwi hi tingana nikuvavula vamakwavu,

BIBELE Mahungu Lamanene

¹¹ Hambi a ri Yesu loyi a basisaka vanhu eswidyohweni, hambi va ri lava basisiwaka, hinkwavo va huma eka Tatana un'we. Hi yona mhaka leyi endlaka leswaku Yesu a nga khomiwi hi tingana ku va vula vamakwavo,

Xitsonga (Bibele)

¹¹ Hikuva, hambi a ri la basisaka, hambi va ri lava basisiweke, hinkwavo va huma eka un'we; hikwalaho a nga na tingana ku va vula vamakwavo,

Vaheveru 2:11 Iomraidhean Croise

Matewu 25:40

“Hosi yitavahlamula, yiku: ‘Nitiyisile nili ka n'wina, lokomitshama misviyendla svilo lesvi ka mun'we wa vamakwerhu lavatsongo lava, misviyendlele mina.’”

Matewu 28:10

Hi loko Yesu aku ka vona: “Mingachaveni, fambani miyabzela vamakwerhu lesvaku vaya Galileya; vatanivona kona.”

Marka 3:34

Kutani Yesu alanguta vanhu lava avamurhendzelile, aku: “Langutani, mamana wa mina ni vamakwerhu, hi volava;

Marka 8:38

Lweyi anga ni tingana hikolaho ka mina ni marito ya mina rixakeni leri ra vawosvi ni vajohi, N'wana-wa-Munhu na yena atakhomiwa hi tingana hikolaho ka munhu lweyi siku leri angatavuya akukwetsimeni ka Tatana na ali ni tintsumi letokwetsima.”

Luka 9:26

Lweyi akhomiwaka hi tingana hikolaho ka mina ni marito ya mina, N'wana-wa-Munhu na yena atakhomiwa hi tingana hikolaho ka munhu yelweyo, siku leri angatavuya kukwetsimeni ka yena, na ali ni Tatana wa yena ni tintsumi letokwetsima.

Yohane 17:19

Kutani nitikwetsimisa hikolaho ka vona, lesvaku na vona vakwetsimisiwa antiyisweni.

Yohane 17:21

ninavela lesvaku hinkwavu vava mun'we, kufana ni lesvi wena Tatana unga ka mina, na mina ninga ka wena, lesvaku na vona vava ka hina, kutani misava yitapfumela lesvaku unirhumile.

Yohane 20:17

Yesu aku ka yena: “Unganikhomi, hikuva anisitlhantukela ka Tatana; kambe yana ka vamakwerhu, uyavativisa lesvaku nitlhantukela ka Tatana wa mina, anga Tatana wa n'wina, ka Xikwembu xa mina, xinga Xikwembu xa n'wina.”

Timhaka 17:26

Hi munhu mun'we xiyendlile vanhu van'wana hinkwavu lesvaku vayeneta misava hinkwayu; xivavekele tinguva leti xitihlawuleke khale, xiveka ni mindzilekana ya lomu vafanelaka kutshama kona.

Timhaka 17:28

hikuva ka xona, ha hanya, ha tshukatshuka, na svona, hi kona, kukotisa lesvi vatlhokovetseli van'wana va n'wina vangavula vaku: ‘Na hina hi va rixaka ra xona.’

Varhoma 8:29

Hikuva lava xivativeke kahali kusunguleni, xilulamisile kahali khale lesvaku vatavonaka na vali lavafanaka ni N'wana wa xona, ni lesvaku ava yena wa mativula xikarhi ka vamakwavu lavanyingi.

Vagalatiya 4:4

Kambe loko nkama wufikile hi ndlela leyi yihetisekeke, Xikwembu xirhumile N'wana wa xona, lweyi avelekiweke hi wansati, avelekiwa na ali hansi ka Nawu,

Vaheveru 10:10

Kutani, lesvi ayendleke kurhandza loku ka Xikwembu, hina hiyendliwile lavahlawulekeke hi miri wa Yesu Kriste, lowu awunyiketeke kuva mhamba kan'we ntsena sviva svihela kolaho.

Vaheveru 10:14

Hikuva, hi kuhumesa mhamba kan'we ntsena, ayendlile lesvaku lavangakwetsimisiwa, vakuma kuhetiseka lokungaheliki.

Vaheveru 11:16

Kambe, hilaha svinga hakona, vanavela tiko lerinene kutlula leriya, anga lesvaku ra le tilweni; hi kolaho Xikwembu axi na tingana hi vona, ni loko vaxivula Xikwembu xa vona, hikuva xivalungiselile doropa.

Vaheveru 13:12

Hi mukhuva wolowo, na yena Yesu atwisiwe kuvaviseka na ali handle ka nyangwa ya doropa, lesvaku atabasisa vanhu vakwetsimisiwa hi ngati ya yena ya xiviri.

Vaheveru 2:14

Hikolaho, lesvi vana vanga va nyama ni ngati yin'we hinkwavu, svitano na yena: I wa ntumbuluku mun'we na vona lesvaku, hi rifu ra yena, atakota kuhelisa lweyi anga ni matimba ya rifu, anga yena Diyavulosi,

Vaheveru 3:1

Loko svilitano, vamakwerhu lavakwetsimaka, lava na n'wina miyaveliwaka kuvitaniwa ka le tilweni, yanakanyani Yesu, murhumiwa wa Xikwembu ni Muprista lwenkulu wa vukhongeli bza hina.