Vaheveru 2:10 - Testamente Leyimpsha Xichangana

¹⁰ Hikuva asvifanela lesvaku Xikwembu, lexi svilo hinkwasvu svihanyelaka xona ni kuhlayisiwa hi xona, loko xifikisa vana va xona lavotala kukwetsimeni, xiyendla lesvaku murhangeli wa kuponisiwa ka vona ava lweyi ahetisekeke, hi mhaka ya kuvaviseka ka yena

BIBELE Mahungu Lamanene

¹⁰ Hikuva a swi fanela leswaku Xikwembu, lexi swilo hinkwaswo swi hanyelaka xona ni ku hlayisiwa hi xona, loko xi fikisa vana va xona lavo tala eku kwetsimeni, xi endla leswaku murhangeri wa ku ponisiwa ka vona a va loyi a hetisekeke, hi mhaka ya ku vaviseka ka yena.

Xitsonga (Bibele)

¹⁰ Hikuva a swi n'wi fanela, loyi hinkwaswo swi endleriweke yena, kambe swi endliwe hi yena, leswaku loko a lave ku yisa lavo tala eku vonakaleni, a hetisisa hi ku vaviseka, la nga n'wini wa ku hlayiseka ka vona.

Vaheveru 2:10 Iomraidhean Croise

Luka 13:32

Yesu ahlamula aku ka vona: “Fambani, miyabzela khanga leriya miku: ‘Svitive lesvaku, nihlongola madimoni ni kuhanyisa vanhu namuntlha ni mundzuku, kutani hi siku ra vunharhu nitaheta ntirho wa mina.’

Luka 2:14

“Kudzuneka akuve ka Xikwembu matilweni ya le henhlahenhla, kurhula akuve misaveni ka vanhu lava xivatsakelaka.”

Luka 24:26

Xana asvingafaneli lesvaku Kriste atwisiwa kuvaviseka koloko, atlhela anghena kukwetsimeni ka yena ke?”

Luka 24:46

Kutani aku ka vona: “Matsalwa mali: ‘Mesiya atatwisiwa kuvaviseka, atlhela apfuka kufeni hi siku ra vunharhu.

Yohane 11:52

nasvona kungali ntsena kufela rixaka, kambe kuli kuhlengeleta vanhu va Xikwembu lavahangalakeke, avayendla van'we.

Yohane 19:30

Loko Yesu anwile, akuma lesvaku i ntsuvi, aku: “Svihetisekile.” Kutani akorhamisa nhloko, afa.

Timhaka 3:15

kutani midlaya munyiki wa vutomi; kambe Xikwembu ximupfuxile kufeni; hina hi timboni ta svona.

Timhaka 5:31

Hi yena lweyi Xikwembu xingamutlakusa, atshama vokweni ra xona ra xinene kuva Murhangeli ni Muponisi, lesvaku atanyika Vaisrayele akuhundzuka ni kurivaleliwa ka svijoho.

Varhoma 11:36

Hikuva svilo hinkwasvu svihuma ka yena, sviko na hikolaho ka yena, svikongoma yena. Ka yena akuve kudzuneka hilaha kungaheliki! Amen!

Varhoma 9:23

Kumbe, kuyini ka svona, loko xiyendlele kutivisa vukulu bza kukwetsima ka xona, henhla ka svibza lesvi asvivumbeliwile kutsetseleliwa, svinga svibza lesvi xisvilungiseke kahali kusunguleni lesvaku svitanyikiwa kukwetsima ka xona, ke?

1 Vakorinto 2:7

kambe hivulavula hi sva vutlhari bza Xikwembu, bzinga bza xihundla, vutlhari lebzi bzifihliweke, lebzi Xikwembu xibzilungiseke kahali kusunguleni, bzintahinyika kudzuneka.

1 Vakorinto 8:6

kambe ka hina ku ni Xikwembu xin'we ntsena, Tatana lweyi svilo hinkwasvu svihumaka ka yena, na hina hihanyelaka yena; nasvona ku ni Hosi yin'we ntsena, Yesu Kriste lweyi hinkwasvu svitumbulukaka hi le ka yena, na hina hihanyaka hikolaho ka yena.

2 Vakorinto 3:18

Hina hinkwerhu lava hinga ni tinghohe tofununguliwa, hikombaka kuphatima ka Hosi kufana ni xib'uku, hihundzukile lavafanaka na yena hi kuphatima loku kungangamukaka kuya mahlweni. Hosi yiyendlile svosvo, yona yinga Moya.

2 Vakorinto 4:17

Hikuva maxangu lawa mangaliki na kutika ngopfu, lawa manga ya nkamanyana ntsena, mahitisela kukwetsima loku kunga ni ntikelo svinene, lokungaheliki, lokutlulaka ngopfu mpimo hinkwawu.

2 Vakorinto 5:18

Hinkwasvu lesvi svihuma ka Xikwembu, lexingayendla lesvaku hivuyelelana na xona ha Kriste; kutani xihinyikile ntirho woyendla lesvaku vanhu vavuyelelana na xona.

2 Vakorinto 6:18

Nitava tatana wa n'wina, na n'wina miva vana va mina vaxinuna ni vaxisati.” Hosi ya matimba hinkwawu yihlaya svosvo.

Vagalatiya 3:26

Hikuva ka Yesu Kriste hinkwenu mi vana va Xikwembu hi mhaka ya kupfumela.

Vaefesa 2:7

Xiyendlile lesvi kukomba minkarhi leyitaka, kutala lokungapimekiki ka timpsalu ta xona, hi vunene lebzi xihiyendleleke bzona ha Yesu Kriste.

Vaefesa 3:10

lesvaku minkameni ya svosvi, hi kutirhisa kereke, xitativisa vutlhari bza xona hi matlhelo hinkwawu ya bzona ka mimoya ya tihosana ni ya matimba henhla matilweni.

Vakolosa 3:4

Vutomi bza n'wina bza xiviri i Kriste, kutani loko ahumelela, na n'wina mitahumelela na yena kukwetsimeni.

2 Timotiya 2:10

kutani, timhakeni hinkwatu, nitiyisela hikolaho ka vahlawuliwa va Xikwembu, lesvaku na vona vatakuma kuponisiwa loku kuhumaka ka Kriste Yesu, vakuma ni kukwetsima lokungaheliki.

Vaheveru 12:2

Ahilanguteni Yesu, musunguli ni muhetisisi wa kupfumela ka hina, lweyi angachavangiki kurhwala xihambanu, angavuli nchumu hi tingana takona, hikolaho ka kutsaka loku kuvekiweke mahlweni ka yena; kutani svosvi atshamile vokweni ra xinene xiluvelweni xa Xikwembu.

Vaheveru 6:20

Yesu anghenile kona kuva murhangeli hikolaho ka hina, yena lweyi avekiweke Muprista lwenkulu hilaha kungaheliki, hi lesvi anga wa rixaka rin'we na Melkisedeke.

Vaheveru 7:26

Asvifanela lesvaku hiva ni Muprista lwenkulu wotanu, wokwetsima, wopfumala nandzu, wokala xivati, wohambana ni vajohi, lweyi atlakusiweke henhla ka matilo.

Vaheveru 7:28

Hakunene Nawu wuveka vanhu lesvaku vava Vaprista lavakulu, hambilesvi vangaliki na matimba; kambe rito ra kuhlambanya leriteke ndzhaku ka Nawu, riveka N'wana kuva Muprista, yena lweyi ahetisekeke hilaha kungaheliki.

1 Petro 1:12

Vakombisiwile hi kuhlavuteliwa lesvaku avangatitirheli, kambe avatirhela n'wana, ka svilo lesvi mitivisiweke svona svosvi. Mitivisiwile svilo svakona hi lava vapaluxeke Evhangeli ka n'wina, hi Moya Lowokwetsima lowurhumeliweke hi le tilweni. Svilo svakona, tintsumi na tona tanavela kusvihlometela.

1 Petro 5:1

Svosvi-ke, ni khongotela vakulukumba lavanga mahlweni ka n'wina, lesvi na mina ninga mun'we wa vona; ningamboni ya kuvaviseka ka Kriste, ni lweyi atshembaka kuyaveliwa kukwetsima lokungatahumelela, kutani nili:

1 Petro 5:10

Kutani ndzhaku ka loko mitava mixanisiwile nkamanyana. Xikwembu xa timpsalu hinkwatu lexi ximivitaneke kunghena kukwetsimeni ka xona lokungaheliki, ka Kriste, xona hi xoxe xitamipfuxa, ximiyaka ni kumitiyisa, mingatsekatseki.

Nhlavutelo 4:11

“Svakufanela we Hosi, Xikwembu xa hina, kuyamukela kutwala, ni kudzunisiwa, ni matimba, hikuva hi wena Muyendli wa svilo hinkwasvu, kutani hi kurhandza ka wena svitumbulukile, svikuma kuhanya.”

Nhlavutelo 7:9

Ndzhaku ka svosvo, nilanguta, kutani nivona xitshungu lexikulu xa vanhu. Akungali na munhu lweyi akotaka kuvakonta. Avahuma matikweni hinkwawu, ni le tinxakeni hinkwatu, na vali va svib'ongo hinkwasvu ni va tindzimi hinkwatu. Avayimile mahlweni ka xiluvelo ni le mahlweni ka Xinyempfana na vayambale sviyambalu svoleha lesvobasa, na vatamele mincindzu mavokweni ya vona.