Vaheveru 12:2 - Testamente Leyimpsha Xichangana

² Ahilanguteni Yesu, musunguli ni muhetisisi wa kupfumela ka hina, lweyi angachavangiki kurhwala xihambanu, angavuli nchumu hi tingana takona, hikolaho ka kutsaka loku kuvekiweke mahlweni ka yena; kutani svosvi atshamile vokweni ra xinene xiluvelweni xa Xikwembu.

BIBELE Mahungu Lamanene

² A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

Xitsonga (Bibele)

² hi ri karhi hi languta eka Yesu, musunguri ni muhetisi wa ku pfumela, la nga tiyela xihambano hikwalaho ka ku tsaka loku a ku vekeriweke, a nga vulanga nchumu hi tingana, kutani u tshamisile exiluvelweni, evokweni ra xinene ra Xikwembu.

Vaheveru 12:2 Iomraidhean Croise

Matewu 16:21

Kusukela nkarhini wolowo Yesu asungula kubzela vajondzisiwa va yena lesvaku afanele kuya Yerusalema ayatwisiwa kuvava lokukulu hi vakulukumba ni Vaprista lavakulu ni Vatsali, adlawa, atlhela apfuka kufeni hi siku ra vunharhu.

Matewu 20:28

tani hi lesvi N'wana-wa-Munhu angatelangiki kutirheliwa, kambe kutirhela van'wana ni kunyiketa vutomi bza yena kuponisa lavotala.”

Marka 14:36

Aku: “Aba, Tatana! Ka wena hinkwasvu svakoteka; ndzheko lowu wutshinete kule na mina; ntsena kungayendliwi kurhandza ka mina, kambe akuyendliwe kurhandza ka wena.”

Marka 15:28

Hi loko kuhetiseka tsalwa leringe: “Ahlayiwile svin'we ni vajohi.”]

Marka 16:19

Kuteloko Hosi Yesu avulavulile na vona, atlakuliwa aya tilweni, ayatshama vokweni ra xinene ra Xikwembu.

Marka 9:12

Avahlamula aku: “Eliya afanele kurhanga ata hakunene, atlhela apfuxeta hinkwasvu; kambe hikolaho ka yini kutsaliwile lesvaku N'wana-wa-Munhu atafanela kutwisiwa kuvaviseka lokukulu, ava asoliwa ke?

Marka 9:24

Tatana wa n'wana ahantla atlakusa rito, aku: “Napfumela! Nipfune kutiyisa vupfumeli bza mina.”

Luka 17:5

Vapostola vaku ka Hosi: “Hiyengetele kupfumela.”

Luka 23:11

Hi loko Heroda ni masochwa ya yena vamusandza, ni kumutseketsela; kutani vamuyambexa nguvu, kumbe jansi rokala mavoko leri riyambaliwaka henhla ka yovangama, vamutlhelisela ka Pilato.

Luka 24:26

Xana asvingafaneli lesvaku Kriste atwisiwa kuvaviseka koloko, atlhela anghena kukwetsimeni ka yena ke?”

Yohane 1:29

Amundzuku wakona Yohani avona Yesu na ali karhi ata, amukongomile, kutani aku; hi lexi Xinyempfana xa Xikwembu lexisusaka svijoho sva misava!

Yohane 12:24

Nitiyisisile nili ka n'wina: Loko ndzhoho ya vele yingaweli misaveni yifa, yitotshama yiritano; kambe loko yifa, yitachela ngopfu.

Yohane 12:32

Kambe mina, loko nitava nitlakuliwile nisuka misaveni, nitakokela vanhu hinkwavu ka mina.”

Yohane 13:3

Yesu, hi kutiva lesvaku Tatana avekile svilo hinkwasvu mavokweni ya yena, ni lesvaku ahumile ka Xikwembu, nasvona aya ka Xikwembu,

Yohane 6:40

Tatana wa mina alava lesvaku mani na mani lweyi alangutaka N'wana, ava apfumela ka yena, ava ni vutomi lebzingaheliki, kutani mina nitamupfuxa hi siku ra makumu.”

Yohane 8:56

Tatana wa n'wina Abrahamu atsakile ngopfu hi kuvona siku ra mina; arivonile, avuya atsaka.”

Timhaka 2:36

“Hikolaho rixaka hinkwaru ra Vaisrayele rifanele kutiva mhaka leyi svinene lesvaku Yesu lweyi mingamuvamba, hi yena lweyi Xikwembu ximuyendleke Hosi ni Mesiya.”

Timhaka 3:15

kutani midlaya munyiki wa vutomi; kambe Xikwembu ximupfuxile kufeni; hina hi timboni ta svona.

Timhaka 5:31

Hi yena lweyi Xikwembu xingamutlakusa, atshama vokweni ra xona ra xinene kuva Murhangeli ni Muponisi, lesvaku atanyika Vaisrayele akuhundzuka ni kurivaleliwa ka svijoho.

Timhaka 5:41

Loko vali vona, vahuma hubzeni na vatsakile, hikuva avakumiwile na vali lavafanelaka kusoliwa hikolaho ka vito ra Yesu.

1 Vakorinto 1:18

Jondzo ya xihambanu i vuhunguki ka lavalovaka; kambe ka hina lavaponisiwaka i matimba ya Xikwembu.

1 Vakorinto 1:23

kambe loko ali hina hitwalisa Kriste lweyi avambiweke, lweyi anga xikhunguvanyiso ka Vayuda ni vuhunguki ka vamatiko;

Vaefesa 2:16

Hi kufa ka yena xihambanwini, Kriste ahelisile rivengo, kutani, hi xihambanu, ahlanganisile tinxaka leti timbirhi tiva vanhu van'we, avavuyisa ka Xikwembu.

Vaefesa 5:2

Hanyani hi moya wa rirhandzu, tani hi Kriste lweyi ahirhandzeke ni kutinyiketa hikolaho ka hina ahumesela Xikwembu nyiko ni mhamba ya risima, leyi yixitsakisaka.

Vafilipiya 1:6

Ni ni kutshemba svinene ka lesvaku Xikwembu lexisunguleke ntirho lowosaseka xikarhi ka n'wina, xitawuyisa mahlweni kuyafika makumu ya wona, hi siku ra Yesu Kriste.

Vafilipiya 3:20

Kambe ra hina kaya ri le matilweni, kutani hi langutela hi mbilu hinkwayu Muponisi wa hina lweyi angatata na ahuma kona, anga Hosi Yesu Kriste.

2 Timotiya 4:8

Lesvisaleke hi lesvaku hari ya vahluli yinirindzelile, kunga kululama loku Hosi, muyavanyisi lweyi wolulama, yingataninyika hi siku lerikulu; kutani ayinganyiki mina ntsena, kambe yitanyika ni hinkwavu lavatsakeleke kuhumelela ka yona.

Vaheveru 1:13

Xana Xikwembu xitshama xibzela yihi ka tintsumi xiku: “Tshama vokweni ra mina ra xinene, nikondza niveka valala va wena hansi ka minkondzo ya wena” ke?

Vaheveru 1:3

Hi yena lweyi kukwetsima ka Xikwembu kutikombaka ka yena, kutani atekelele lesvi Xikwembu xinga svona hi xiviri xa xona; nasvona atamele ntumbuluku hinkwawu hi rito ra yena ra matimba. Loko ahlampsile svijoho sva vanhu, atshamile vokweni ra xinene ra Lweyi anga ni vukulu hinkwabzu, henhla matilweni,

Vaheveru 10:14

Hikuva, hi kuhumesa mhamba kan'we ntsena, ayendlile lesvaku lavangakwetsimisiwa, vakuma kuhetiseka lokungaheliki.

Vaheveru 10:33

Nkarhi wun'wana amiyimisiwa mahlweni ka vanhu mirhuketeliwa ni kuxanisiwa; nkarhi wun'wana amiyima ni lava avaxanisiwa hi ndlela yoleyo.

Vaheveru 11:36

Van'wana vaxanisiwile ni kutseketseliwa ni kubiwa, hambi kuli kubohiwa hi machini, vanghenisiwa jele.

Vaheveru 12:3

Yanakanyani yena lweyi angatiyisela hi ndlela leyotano, loko vajohi valwa na yena, lesvaku mingakarhali kumbe kuhela mbilu.

Vaheveru 13:13

Hikolaho, ahihumeni hiya le ka yena handle ka vugovelo, nahirhwele kurhuketeliwa ka yena.

Vaheveru 5:9

Kutani loko ayendliwile lweyi ahetisekeke, ahundzukile xihlovo xa kuponisiwa lokungaheliki ka hinkwavu lava vamuyingisaka,

Vaheveru 7:19

(hikuva Nawu awuyendlanga xilo ni xin'we xiva lexihetisekeke); hi tlhelo rin'wana kutisiwile kulangutela lokumpsha, loku hakona hitshinelelaka Xikwembu.

Vaheveru 8:1

Kutani-ke, nhlokomhaka ya lesvi hisvivulaka hi leyi: Hi ni Muprista lwenkulu wofana na yena, lweyi atshameke tlhelweni ra xinene ra xiluvelo xa vuhosi matilweni,

Vaheveru 9:28

svafana na Kriste: Anyiketiwile kan'we kurhwala svijoho sva lavotala; hi kolaho, atahumelela ka vumbirhi, kungali kutasusa svijoho, kambe kutaponisa lava vamulanguteleke hi kuhiteka.

Yakobo 2:1

Vamakwerhu, lesvi minga ni kupfumela ka Hosi ya hina Yesu Kriste, Hosi ya kukwetsima, mingayeneni hi nghohe.

1 Petro 1:11

vakambisisile hi kulava kutiva lesvaku xana Moya wa Kriste lowu avali na wona, awukomba mani kumbe nkama wihi ke, loko wuli karhi wutivisa ta mahlomulu ya Kriste lweyi, ni kudzunisiwa loku akutalandzela ndzhaku.

1 Petro 3:18

Kriste na yena afele svijoho kan'we, afela n'wina; yena munhu lowolulama afele lavangalulamangiki, lesvaku atamifikisa ka Xikwembu; adlayiwile hi tlhelo ra miri, kambe ayendliwile lweyi ahanyaka hi tlhelo ra moya.

1 Petro 3:22

yena lweyi ayeke tilweni, kutani svosvi anga vokweni ra xinene ra Xikwembu, na tintsumi ni vafumi ni lesvi sva matimba svili hansi ka yena.

Yuda 1:21

Tshamani rirhandzwini ra Xikwembu. Langutelani musa wa Hosi ya hina Yesu Kriste lowuyisaka vuton'wini lebzingaheliki.

Nhlavutelo 1:11

riku: “Tsala bukwini lesvi usvivonaka, kutani uyirhumela tikerekeni leti ta ntlhanu ni timbirhi: Kereke ya le Efesa ni ya le Smirna ni ya le Pergamo ni ya le Tiyatira ni ya le Sarda ni ya le Filadelfiya ni ya le Lawudokiya.”

Nhlavutelo 1:17

Loko nimuvona, niwela milengeni ya yena, nifana ni munhu lweyi afeke. Kambe yena atlhanteka voko ra xinene henhla ka mina, aku: Ungachavi! Ni lweyi wosungula ni lweyi wogamesa,

Nhlavutelo 1:8

“Hi mina Alfa na Omega”, wosungula ni wa makumu, kuvula Hosi Xikwembu “lweyi anga kona, lweyi aali kona, lweyi angatata, lweyi wa matimba hinkwawu.”

Nhlavutelo 2:8

Tsalela ni ntsumi ya kereke ya le Smirna, uku: Marito ya lweyi wosungula ni lweyi wogamesa, lweyi afeke atlhela apfuka, hi lawa: