Vafilipiya 3:18 - Testamente Leyimpsha Xichangana

¹⁸ Nitshama nimibzela mhaka leyi hakanyingi, kutani svosvi nitlhela nimibzela yona na nirila: Ku ni lavotala lava kuhanyeni ka vona vanga valala va xihambanu xa Kriste.

BIBELE Mahungu Lamanene

¹⁸ Ndzi tshama ndzi mi byela mhaka leyi hakanyingi, kutani sweswi ndzi engeta ndzi mi byela yona hi mihloti: Ku ni lavo tala lava eku hanyeni ka vona va nga valala va xihambano xa Kriste.

Xitsonga (Bibele)

¹⁸ Hikuva lavo tala lava ndzi va vuleke ngopfu eka n'wina, ni sweswi, ndza ha va vula hi ku rila, volavo va famba va ri valala eka xihambano xa Kriste:

Vafilipiya 3:18 Iomraidhean Croise

Luka 19:41

Kuteloko afikile kusuhi ni doropa, arivona, ali rilela,

Timhaka 20:19

Anili karhi nitirhela Hosi hi kutitsongahata lokukulu, ni minhloti, ni miringo leyi yinihumeleleke hi kutshamiwa xikungu hi Vayuda.

Varhoma 9:2

Hi lesvaku ni ni kuvaviseka lokukulu mbilwini ni vusiwana lebzingaheliki, hikolaho ka vamakwerhu.

1 Vakorinto 1:18

Jondzo ya xihambanu i vuhunguki ka lavalovaka; kambe ka hina lavaponisiwaka i matimba ya Xikwembu.

1 Vakorinto 6:9

Xana amisvitivi lesvaku lavohomboloka vangakala vangaji ndzhaka ya Mfumu wa Xikwembu, ke? Mingatshukeni mitikanganyisa: Loko ali lavobiha, ni lavagandzelaka svikwembu svokala svingali svona, ni vunghwavana, ni vavanuna lavayendlaka sva tingana ni vavanunakulobze,

2 Vakorinto 11:13

Vanhu lavotano, i vapostola va mavunhwa, i vatirhi lavaxisaka, lavatiyendlaka onge i vapostola va Kriste.

2 Vakorinto 11:29

Loko mun'we atsanile, xana anitsananga na mina ke? Loko mun'wana awisiwa, xana na mina anitwi kuvava ngopfu ke?

2 Vakorinto 2:4

Nimitsalelile, na nitwa kuvava ngopfu, nikuvaviseka svinene, ni hi kurila; akungali kumitlhava timbilu, kambe akuli kuyendlela lesvaku mitiva rirhandzu lerikulu ngopfu leri nimirhandzaka ha rona.

Vagalatiya 1:7

Kasi Evhangeli yin'wana ayikona. Nihlaya lesvi hikuva ku ni van'wana lava vamipfilunganyisaka tinhloko, lavaringetaka kujikisa Evhangeli ya Kriste.

Vagalatiya 2:14

Kambe loko nivonile lesvaku lesvi avasviyendla asvingafambelani ni ntiyiso wa Evhangeli, nibzelile Petrosi mahlweni ka vona hinkwavu, niku: “U Muyuda wena hi kuvelekiwa, kambe uhanya hi mukhuva wa vamatiko, kungali wa Vayuda; hikolaho ka yini usindzisa vamatiko kuhanya hi mukhuva wa Vayuda ke?”

Vagalatiya 2:21

Anifularheli timpsalu ta Xikwembu, hikuva loko vanhu vangayendliwa lavalulameke hi mhaka ya kuhlayisa Nawu, svihlaya lesvaku kufa ka Kriste akupfunanga nchumu.

Vagalatiya 5:21

ni mavondzo ni vudakwa ni magolo ni svofana ni svosvo. Namitsundzuxa, hilaha nitshamaka nimitsundzuxa hakona, lesvaku lavayendlaka svofana ni lesvo, vangakala vangavi na kuyaveliwa kufumeni ka Xikwembu.

Vagalatiya 6:12

Hinkwavu lavaringetaka kutikomba vali lavanene ni kutidzunisa hi svilo sva laha misaveni, hi vona lava vamisindzisaka kuyimba; vayendlela ntsena lesvaku vatakala vangaxanisiwi hikolaho ka xihambanu xa Kriste;

Vagalatiya 6:14

Loko ali mina, asvive kule na mina kutidzunisa, loko kungali hi xihambanu xa Hosi ya hina Yesu Kriste, hikuva hikolaho ka xihambanu xa yena, sva misava ka mina svivambiwile svifa, na mina nifile hi tlhelo ra sva misava.

Vaefesa 4:17

Hikolaho, nivula lesvi ni kusvitiyisa hi vito ra Hosi, nili: Mingahahanyeni kufana ni lesvi vamatiko vahanyisaka xisvona, hi kuyanakanya ka vona lokungapfuniki nchumu.

Vafilipiya 1:4

Nkama wun'wana ni wun'wana loko ni mikhongelela n'wina hinkwenu, nikhongela hi kutsaka,

1 Vatesalonika 4:6

Amhakeni leyi, kungavi ni lweyi ajohelaka makwavu, kumbe kumukanganyisa, hikuva Hosi i murihiseli wa svilo lesvi hinkwasvu, hilaha hingamibzela khale ni kumitsundzuxa svinene hakona.

2 Vatesalonika 3:11

Hihlaya lesvi hikuva hitwile lesvaku ku ni van'wana xikarhi ka n'wina lavahanyaka hi vulolo, vangalaviki kutirha, kambe vanghenelela timhaka ta van'wana.

2 Petro 2:10

ngopfungopfu lavalandzaka sva nyama, vanavela kutitsakisa hi svilo sva chaka, vasandza ni vuhosi bza Xikwembu. Vanhu lava vatitshemba ngopfu, nasvona vatitiva; avachavi kusandza sva le henhla lesvikwetsimeke.

Yuda 1:13

i magandlati yoleva ya lwandle, lawa matlhutlhaka khuvi ra tingana ta vona; i tinyeleti totsendzeleka letihlayiseliweke munyama lowukulu ngopfu, hilaha kungaheliki.