Vafilipiya 3:15 - Testamente Leyimpsha Xichangana

¹⁵ Hina hinkwerhu lava hihetisekeke moyeni, hifanele kuva ni miyanakanyu leyotano; kambe loko, ka svin'wana, miyanakanya hi ndlela yin'wana, Xikwembu xitasvihlavutela ka n'wina.

BIBELE Mahungu Lamanene

¹⁵ Hina hinkwerhu lava hi kuleke emoyeni, hi fanele ku va ni mianakanyo leyo tano; kambe loko, eka swin'wana, mi anakanya hi ndlela yin'wana, Xikwembu xi ta swi hlavutela eka n'wina.

Xitsonga (Bibele)

¹⁵ Hikwalaho, hina lava hetisekeke, a hi anakanyeni sweswo; kutani loko mi ri ni ku anakanya kun'wana emhakeni yin'wana, Xikwembu xi ta mi pfuletela na yona.

Vafilipiya 3:15 Iomraidhean Croise

Matewu 5:48

Hikolaho-ke, na n'wina mifanele kuhetiseka, kufana ni lesvi Tatana wa n'wina wa le tilweni ahetisekeke.

Luka 11:13

Kutani-ke, lesvi n'wina minga vanhu vatihanyi, mitivaka kunyika vana va n'wina svilo lesvinene, xana Tatana wa letilweni angetlulisi ngopfu kunyika Moya Lowokwetsima ka lavakombelaka ka yena ke?”

Yohane 6:45

Kutsaliwile tibukwini ta vaprofeta, vaku: “‘Hinkwavu vatajondzisiwa hi Xikwembu.’” Mani na mani lweyi atweke Tatana ni kujondza ka yena, wata ka mina.

Yohane 7:17

Loko munhu alava kuyendla sva yena, atasvitiva lesvaku jondzo leyi yihuma ka Xikwembu, kumbe no tivulavulela sva mina ntsena?

Varhoma 15:1

Hina lava hinga ni matimba, hifanele kurhwala kuhluleka ka lava vanga ni gome, kungali kutitsakisa hina vinyi.

1 Vakorinto 14:20

Vamakwerhu, mingafaneni ni vatsongwana kuyanakanyeni ka n'wina. Loko kuli ka lesvobiha mifanele kufana ni svihlangi kambe miva lavakuleke kuyanakanyeni.

1 Vakorinto 2:6

Hambi svilitano, hivulavula hi sva vutlhari xikarhi ka lavakuleke moyeni, bzingali vutlhari bza minkama leyi, kumbe bza tihosi ta minkama leyi, hikuva va le kuhelisiweni;

Vagalatiya 5:10

Mina ni ni kutshemba ka lesvaku, lesvi hinga va Hosi hinkwerhu, amingavi ni miyanakanyu yohambana ni ya mina, ni lesvaku lweyi amipfilunganyisaka, atakuma kuyavanyisiwa ka yena, hambi angava mani na mani.

Vaefesa 1:17

nikombela lesvaku Xikwembu xa Hosi ya hina Yesu Kriste, Tatana lweyi adzunekaka, ximinyika Moya wa vutlhari, xitipfuletela ha wona ka n'wina, lesvaku mitaxitiva svinene

Vakolosa 1:28

Hi yena lweyi hi mutwalisaka, na hili karhi hi tsundzuxa ni kujondzisa vanhu hinkwavu, hi vutlhari hinkwabzu; hi yendlela kutisa vanhu hinkwavu ka Xikwembu na vali lavahetisekeke ka Kriste.

Vakolosa 4:12

Epafrasi, lweyi anga mun'we wa n'wina, mutirhi wa Yesu Kriste, wamirungula; wa mitsundzuka svinene masiku hinkwawu mikhongelweni ya yena, akombela lesvaku miva lavahetisekeke ni lavatiyeke, kuyendleni ka hinkwasvu lesvi Xikwembu xisvirhandzaka.

1 Vatesalonika 4:9

Loko tili ta kurhandzana ni vamakwenu Hosini, amifaneli kutsaleliwa nchumu hi tona; hikuva i Xikwembu lexi ximijondziseke kurhandzana;

2 Timotiya 3:17

lesvaku mutirheli wa Xikwembu ava lweyi ahetisekeke, atilulamisela kuyendla ntirho wini na wini lowunene.

Vaheveru 5:14

Kambe svakuja lesvitiyeke i sva lava vakuleke, i sva lava miyehleketo ya vona yitoloveleke kuyehleketa, lavatoloveleke kuhlawula lesvinene ka lesvobiha.

1 Yohane 2:5

Kambe, mani na mani, lweyi ahlayisaka rito ra yena, rirhandzu ra Xikwembu ri kona ka yena, nasvona rihetisekile hakunene. Xilesvo hitiva lesvaku hina hi le ka xona.