Vafilipiya 3:12 - Testamente Leyimpsha Xichangana

¹² Anivuli lesvaku nisvikumile svosvo, kumbe lesvaku nihetisekile, ihim; kambe niringeta kutikarhata lesvaku nisvikuma sviva sva mina, hikuva Yesu Kriste anikumile aniyendla wa yena.

BIBELE Mahungu Lamanene

¹² A ndzi vuli leswaku ndzi swi kumile sweswo, kumbe leswaku ndzi hetisekile, e-e; kambe ndzi ringeta ku tikarhata leswaku ndzi swi kuma swi va swa mina, hikuva Kriste Yesu ú ndzi kumile a ndzi endla wa yena.

Xitsonga (Bibele)

¹² Swi nga ri leswaku ndzi tekile hakelo, kumbe swi ri leswaku ndzi hetisekile; kambe ndzi ri karhi ndzi tsutsuma leswaku ndzi yi khoma; kutani, hikwalaho ka swona, na mina ndzi khomiwile hi Kriste.

Vafilipiya 3:12 Iomraidhean Croise

Matewu 5:48

Hikolaho-ke, na n'wina mifanele kuhetiseka, kufana ni lesvi Tatana wa n'wina wa le tilweni ahetisekeke.

Timhaka 9:15

Hosi yiku ka yena: “Yana, hikuva munhu lweyi i xitirho lexi ningatihlawulela xona kuyapaluxa vito ra mina ka vamatiko, ni ka tihosi, ni ka Vaisrayele;

Varhoma 8:39

leyinga henhla mpfhukeni kumbe leyinga hansi ka misava, hambi xingava xivumbiwa xihi ni xihi, nili: Axi kona lexingatakota kuhihambanisa ni rirhandzu ra Xikwembu leri ringa kona ka Kriste Yesu, Hosi ya hina.

1 Vakorinto 13:10

kambe loko kutafika lesvihetisekeke, lesvi svingahetisekangiki svitahundza.

1 Vakorinto 13:12

Svosvi hivona hi riphume tani hi le ka xivonivoni; kambe nkameni wolowo, hitalangutana hi mahlo; svosvi vutivi bza mina abzihetisekanga, kambe nkameni wolowo nitativa hi kuhetiseka, tani hi lesvi Xikwembu na xona xinitivaka hi kuhetiseka.

1 Vakorinto 9:24

Xana amisvitivi lesvaku, hambi loko lavaphikizanaka hi kutsutsuma rivaleni ra mintlangu vatsutsuma hinkwavu, kambe lweyi akumaka hakelo i mun'we ntsena ke? Tsutsumani hi ndlela leyi yingatamipfuna kukuma hakelo yakona.

2 Vakorinto 13:9

Hitsakile loko hitsanile, ni loko n'wina mitiyile; kutani lesvi hisvikombelaka, hi lesvaku n'wina miva lavahetisekeke.

2 Vakorinto 7:1

Varhandziwa, svitshembiso lesvi svinyikiwile hina. Hikolaho, hifanele kutibasisa, hisusa chaka hinkwaru ra miri ni ra moya, hihetiseka vutowini lebzohlawuleka, na hili karhi hichava Xikwembu.

Vagalatiya 5:17

hikuva kunavela ka nyama kulwa ni Moya; nasvona kunavela ka Moya kulwa ni nyama. Svilo lesvi svimbirhi svalwetana, kutani mahluleka kuyendla lesvi milavaka kusviyendla.

Vaefesa 1:4

Ni loko misava yingasitumbuluxiwa, Xikwembu axihihlawulile ka Kriste, lesvaku hitava lavahlawulekeke ni kupfumala nandzu mahlweni ka xona.

Vaefesa 4:12

Ntirho wa vona i kupfuna vahlawuliwa va Xikwembu lesvaku vatakota kutirhela van'wana, vayaka miri wa Kriste.

Vafilipiya 1:1

Mina Pawulo, nandza wa Kriste Yesu, na Timotewu nandzakulorhi, hitsalela vakwetsimi va Xikwembu hinkwavu lavatshamaka Filipi, lavanga va ka Yesu Kriste, svin'we ni vabixopo va kereke ni vadiyakoni, hili:

Vafilipiya 3:16

Ntsena ahikhomeni svitiya ka lesvi hingafika ka svona.

Vafilipiya 3:3

hikuva hi hina hingayamukela kuyimba ka xiviri, hina lava higandzelaka Xikwembu hi Moya wa xona, hina lavatidzunisaka ha Yesu Kriste, hingavekiki kutshemba ka hina ka lesviyendliwaka hi vanhu ntsena.

Vafilipiya 3:8

Kungali svona ntsena: Nitekile hinkwasvu svili lesvingahapfuniki nchumu, loko sviringanisiwa ni risima leritlulaka hinkwasvu, ra kutiva Yesu Kriste Hosi ya mina. Hikolaho ka yena, nifularhele hinkwasvu ni svivona na svili nsila ntsena, lesvaku nitakuma Kriste,

1 Vatesalonika 5:15

Vonani lesvaku kungavi ni lweyi atlheliselaka svobiha hi lesvobiha; kambe hi masiku hinkwawu, ringetani kuyendlelana lesvinene, misviyendla ni le ka hinkwavu.

2 Vatesalonika 2:13

Svahifanela kukhensa Xikwembu masiku hinkwawu hikolaho ka n'wina vamakwerhu, n'wina lava Hosi yimirhandzaka, hikuva Xikwembu ximihlawulile lesvaku miva lavorhanga kuponisiwa, hi Moya lowumiyendlaka lavabaseke, ni kupfumela ka n'wina ka ntiyiso.

1 Timotiya 5:10

nakona afanele kuva ni vumboni lebzitwalaka hi tlhelo ra mintirho leyinene ya yena, kufana ni kuwundla vana hi ndlela yakona, ni kutsakela vayendzi, ni kuhlampsa milenge ya vahlawuliwa va Xikwembu, ni kupfuna lava vaxanisekaka, ni kutshama na ali karhi ayendla lesvinene hi matlhelo hinkwawu.

1 Timotiya 6:19

Hi ndlela leyi vatihlengeletela xuma lexinene, lexitiyeke, xa minkama leyitaka, lesvaku vatayamukela vutomi bza ntiyiso.

Vaheveru 12:14

Ringetani hi matimba kuhanya hi kurhula ni vanhu hinkwavu, miringeta ni kukwetsima, hikuva handle ka kukwetsima aku na munhu ni mun'we lweyi angatavona Hosi.

Vaheveru 12:23

ni le nhlengeletanweni ya vanhu va mativula lava mavito ya vona matsaliweke tilweni, ni le ka Muyavanyisi lweyi anga Xikwembu xa vanhu hinkwavu, ni le ka mimoya ya vanhu lavolulama lavanyikiweke kuhetiseka;

Vaheveru 13:21

ingi xingamilongisa hinkwasvu lesvinene lesvingatamipfuna kuyendla kurhandza ka xona, na xili karhi xitirha ka hina lesvi xisvitsakelaka, ha Yesu Kriste. Ka xona akuve kudzuneka hi masiku ni masiku. Amen!

Yakobo 3:2

Hina hinkwerhu hi ni svihoxo lesvotala, kambe loko munhu angahoxi kuvulavuleni ka yena, munhu yelweyo ahetisekile, wasvikota kufuma miri wa yena hinkwawu.

1 Petro 5:10

Kutani ndzhaku ka loko mitava mixanisiwile nkamanyana. Xikwembu xa timpsalu hinkwatu lexi ximivitaneke kunghena kukwetsimeni ka xona lokungaheliki, ka Kriste, xona hi xoxe xitamipfuxa, ximiyaka ni kumitiyisa, mingatsekatseki.

2 Petro 3:18

Kambe kulani, na mili timpsalwini ni le kutiveni ka Yesu Kriste, Hosi ya hina ni Muponisi wa hina. Ka yena akuve kutwala svosvi, ni kuyafika sikwini leringaheliki. Amen!