Vafilipiya 2:3 - Testamente Leyimpsha Xichangana

³ Mingayendleni nchumu hi moya wa kutirhandza, kumbe hi kutidzunisa hi sva hava, kambe mun'wana ni mun'wana aatitsongahate ka van'wana, angayanakanyi lesvaku wavatlula hi vunene.

BIBELE Mahungu Lamanene

³ Mi nga endli nchumu hi moya wa ku tirhandza, kumbe hi ku tidzunisa hi swa hava, kambe un'wana ni un'wana a a titsongahate eka van'wana, a nga anakanyi leswaku wa va tlula hi vunene.

Xitsonga (Bibele)

³ Mi nga endli nchumu hi ku kanetana, hambi ku ri hi ku tidzunisa ka swahava, kambe un'wana ni un'wana hi ku titsongahata ka yena, a a anakanye leswaku van'wana va n'wi tlula hi vunene.

Vafilipiya 2:3 Iomraidhean Croise

Luka 18:14

“Nili ka n'wina: Murhesisi lweyi atlhelele kaya ka yena na ahlayiwile lweyi alulameke kutlula Mufarisi; hikuva mani na mani lweyi atikulisaka, atatsongahatiwa, ni lweyi atitsongahataka atakulisiwa.”

Varhoma 12:10

Tolovelanani, mirhandzana tani hi vamakwavu, mitlula van'wana hi kuxiximana.

Varhoma 13:13

Ahifambeni kuvonakeleni, kufana ni vanhu lavafambaka ninhlekanhi, kungali hi minkhuvu ni kupopsa, kungali hi lesvobiha ni vunghwavana, kungali hi kuholova ni vukwele;

Varhoma 2:8

kambe lavanga ni moya wa kutirhandza, vayalaka ntiyiso, vafambaka hi kuhomboloka, xitavahlundzukela ni kuvakarihela.

1 Vakorinto 15:9

Ni lwentsongo ka vapostola, asvinifanelanga kuhlayiwa mupostola, hikuva nixanisile kereke ya Xikwembu.

1 Vakorinto 3:3

hikuva mahali va nyama ntsena. Hikuva, loko mavondzo ni kuholova svili kona xikarhi ka n'wina, xana amifani ni vanhu ntsena ke? Xana amihanyi kufana na vona ke?

2 Vakorinto 12:20

Nichava lesvaku, loko ni ta, nitamikuma na mingahafani ni lesvi nisvilavisaka xisvona, ni lesvaku na mina, mitanikuma na ningahafani ni lesvi misvilavisaka svona. Nichava lesvaku loko ni ta, nitakuma timholova, ni mavondzo, ni vumpsaka, ni kutirhandza, ni kurhuketelana, ni mahlevo, ni kutikukumuxa, ni madzolonga

Vagalatiya 5:15

Kambe loko milumana ni kukakatlulana, tivoneleni lesvaku mingahetani hi rixaka.

Vagalatiya 5:26

Hingatshukeni hitilavela kutidzunisa ka hava; ahichaveni kupfukana ni kutshohokana.

Vaefesa 4:2

Masiku hinkwawu, titsongahateni, miva ni musa, milehisa mbilu; kombani rirhandzu ra n'wina hi kuyingiselana.

Vaefesa 5:21

Titsongahateni, van'we ka van'wana, hikolaho ka xichavu lexi minga na xona ka Kriste.

Vafilipiya 2:14

Yendlani svilo hinkwasvu handle ka kuvulavulela matlhelweni ni kuphikizana,

Vakolosa 3:12

Hikolaho, lesvi mingavitaniwa hi Xikwembu kuva vahlawuliwa va xona lavarhandziwaka, yambalani moya wa timpsalu, ni vunene, ni kutitsongahata, ni kurhula, ni kuleha mbilu.

Vakolosa 3:8

Kambe svosvi, svicukumeteni hinkwasvu, kunga kukarhata, ni kuleva, ni tihanyi. Kulumbeta, ni mavulavulela ya nsila, svingatshuki svihuma milon'wini ya n'wina.

1 Timotiya 6:4

munhu yelweyo wa kutikulisa ni kutikukumuxa, angativi nchumu. Afa hi kunavela kuphikizana ni madzolonga henhla ka marito ntsena, svinga lesvivangaka mavondzo, ni madzolonga, ni kurhuketelana, ni kulumbetana;

1 Petro 3:8

Kuheteleleni: N'wina hinkwenu mifanele kuva ni moya wun'we, mitwelana vusiwana, miva ni rirhandzu ka vamakwenu, miva ni mbilu ya vumunhu ni miyehleketo ya kutitsongahata.

1 Petro 5:5

Svixitanu na n'wina lavampsha: Titsongahateni ka lavakulu. Hinkwenu yambalani kutitsongahata, mitiveka hansi, van'we ka van'wana, hikuva va khale vate: “Xikwembu xiyalela lavatikulisaka, kambe xitsetselela lavatitsongahataka.”