Vafilipiya 2:29 - Testamente Leyimpsha Xichangana

²⁹ Loko svilitano, muyamukeleni hi kutsaka hinkwaku kukota makwenu Hosini. Xiximani vanhu lavotano,

BIBELE Mahungu Lamanene

²⁹ Loko swi ri tano, n'wi amukeleni hi ku tsaka hinkwako kukota makwenu eHosini. Kombani xichavo eka vanhu lavo tano,

Xitsonga (Bibele)

²⁹ N'wi amukeleni eHosini hi ku tsaka hinkwako, mi va ni xichavo eka vanhu lavo tano,

Vafilipiya 2:29 Iomraidhean Croise

Luka 9:5

Kambe loko vangamiyamukeli, humani doropeni rakona, kutani migungundza ntshuri milengeni ya n'wina; svitava vumboni ka vona.”

Yohane 13:20

Nitiyisisile nili ka n'wina: Lweyi ayamukelaka mani na mani lweyi nimurhumaka, ayamukela mina; ni lweyi aniyamukelaka, ayamukela lweyi anirhumeke.”

Timhaka 2:46

Masiku hinkwawu avachivirika kukumana Tempeleni, vali mbilu yin'we, nasvona avakumana vakhema xinkwa minjangwini ya vona, vaja svakuja sva vona hi kutsaka lokukulu ni timbilu tobasa,

Timhaka 28:10

Vahikhensa hi kuhumesa tinyiko tinyingi; kutani siku leri hisukaka, vahilongelela lesvi hingatasvilava ariyendzweni.

Timhaka 8:8

Kutani akuli ni kutsaka lokukulu doropeni rolero.

Varhoma 10:15

Kutani vatavachumayelisa kuyini, loko vangarhumiwanga ke? Hilaha kutsaliweke hakona vaku: “Ahikutsakisa ka svona kuvona lavataka, vapaluxa Evhangeli!”

Varhoma 16:2

Muyamukeleni hi vito ra Hosi, hilaha vakwetsimi va Xikwembu vafanelaka kuyamukeliwa hakona; kutani mimupfuna hi xin'wana ni xin'wana lexi angakombelaka lesvaku mimupfuna ha xona, hikuva apfunile lavanyingi, na mina anipfunile.

1 Vakorinto 16:10

Loko Timotewu ata, vonani lesvaku atitwa na atshunxekile loko ali ka n'wina; atirha ntirho wa Hosi kufana na mina.

1 Vakorinto 16:18

Vanirhulise mbilu, na n'wina vamirhulise timbilu hi kuyendla svosvo. Vanhu lavotano, vafanela kukhensiwa!

2 Vakorinto 10:18

Hikuva lweyi adzunisiwaka, ahi yena lweyi ativonaka ali lwenkulu, kambe hi yena lweyi Hosi yimuvonaka ali lwenkulu.

2 Vakorinto 7:2

Hiyamukeleni timbilwini ta n'wina. Ahiyendlelanga munhu ni mun'we lesvobiha; ahinghenisanga munhu ni mun'we khombzeni; ahikangayisanga munhu ni mun'we.

Vafilipiya 2:28

Hikolaho, ninavela kuhantla nimurhuma ka n'wina lesvaku loko mitlhela mimuvona, mitatsaka, ni mbilu ya mina yitahungula kuvaviseka.

Vakolosa 4:10

Arixtarko, lweyi anga jele svin'we na mina, wamirungula; svafana na Marka makwavu wa Barnaba, lweyi nimileleteke lesvaku mimuyamukela, loko ata koseno .

1 Vatesalonika 5:12

Vamakwerhu, ha mikombela hi matimba lesvaku mixixima lavatirhaka xikarhi ka n'wina lava vamirhangelaka ndleleni ya Hosi, ni kumitsundzuxa;

1 Timotiya 5:17

Yendla lesvaku vakulukumba lavatirhaka khwatsi ntirho wa vufambisi vaxiximiwa svinene, ngopfungopfu lavatikarhatelaka Rito ni kujondzisa,

Vaheveru 13:17

Yingisani varhangeli va n'wina, mititsongahata ka vona, hikuva vahitekela mimoya ya n'wina, kufana ni vanhu lavangatavutisiwa henhla ka yona. Mivona lesvaku valandza ntirho wa vona hi kutsaka, vangawuyendli hi kuvilela, hikuva loko vavilela, asvingamipfuni nchumu n'wina.

3 Yohane 1:10

Hikolaho, loko nita, nitapaluxa lesvi asviyendlaka, hikuva wahihleva hi timhaka tobiha. Handle ka svona svosvo, ayala ni kuyamukela vamakwerhu, atlhela asivela lava vanavelaka kuvayamukela, avahlongola ni le kerekeni.