Vafilipiya 2:15 - Testamente Leyimpsha Xichangana

¹⁵ lesvaku mitapfumala nandzu, miva lavabaseke, miva vana va Xikwembu lavangaliki na xisandzu xikarhi ka rixaka lerohomboloka, leritiyalisaka; mifanela kuphatima xikarhi ka rona kufana ni tinyeleti, laha misaveni,

BIBELE Mahungu Lamanene

¹⁵ leswaku mi ta pfumala nandzu, mi va lava tengeke, mi va vana va Xikwembu lava nga riki na xisandzu exikarhi ka rixaka lero homboloka, leri tiarisaka; mi fanele ku vangama exikarhi ka rona kukota timboni, laha misaveni,

Xitsonga (Bibele)

¹⁵ leswaku mi pfumala xisandzu ni xivati, mi va vana va Xikwembu lava nga solekiki exikarhi ka rixaka leri onhakeke, lero homboloka, rolero mi nga va ni ku vangama exikarhi ka rona, kukotisa mavoningo emisaveni, mi ri karhi mi tamela rito ra vutomi;

Vafilipiya 2:15 Iomraidhean Croise

Matewu 10:16

Vonani, nimirhuma na mifana ni tinyempfu xikarhi ka mahlolwa; hi kolaho ke tlharihani kufana ni tinyoka, miva lavorhula kufana ni svituvana.

Matewu 17:17

Yesu ahlamula, aku: “Ha! Rixaka leringapfumeliki, lerohomboloka, nitava na n'wina kufika rini xana? Nitamixanisekela kufika kwihi ke? Mutiseni halenu.”

Matewu 5:45

lesvaku mihundzuka vana va Tatana wa n'wina lweyi anga matilweni, hikuva axisa jambu ra yena henhla ka lavobiha ni lavanene, anisa mpfula henhla ka lavolulama ni lavohomboloka.

Matewu 5:48

Hikolaho-ke, na n'wina mifanele kuhetiseka, kufana ni lesvi Tatana wa n'wina wa le tilweni ahetisekeke.

Luka 1:6

Havambirhi avalulamile mahlweni ka Xikwembu, avafamba minaweni hinkwayu ya Hosi ni ka svileriso sva yona, valihava xo soliwa ha xona.

Luka 6:35

Kambe n'wina, rhandzani valala va n'wina, miyendlela vanhu lesvinene; lombani mingalanguteli kutlheliseliwa, kutani hakelo ya n'wina yitava leyikulu; mitava vana va Lweyi anga henhlahenhla, hikuva yena anitimpsalu ka lavangativiki kukhensa ni ka lavobiha.

Yohane 5:35

Yohani aali ngoti ya rivoni leyipfurhaka ni kuvangama; kutani n'wina misvikhensile, mitsakela hi nkarhinyana kuvonakala ka yena.

Timhaka 2:40

Petrosi atiyisa vumboni bza yena hi marito man'wana lawa yotala, avakhongotela aku: “Hambanani ni rixaka leri rohomboloka lesvaku mitapona.”

Timhaka 20:30

na svona, nitiva lesvaku kutahuma van'wana xikarhi ka n'wina lavangatahlaya mavunhwa kutilavela vajondzisiwa.

Varhoma 16:19

Kuyingisa ka n'wina kutwakale ka vanhu hinkwavu; nitsaka hi n'wina mhakeni leyi; kambe nilava lesvaku miva lavatlhariheke hi tlhelo ra lesvinene, ni lava vangativiki nchumu hi tlhelo ra lesvobiha.

1 Vakorinto 1:8

lweyi angatamitiyisa kuyisa kuheteleleni, miva lava vangasolekiki hi siku ra Hosi ya hina Yesu Kriste.

2 Vakorinto 6:17

Hikolaho, Hosi yili: “Humani xikarhi ka vona, mihambana na vona; mingatshukeni mikhumba lesvinyameke, kutani nitamiyamukela.

Vaefesa 5:27

Anavelile kuyimisa Kereke mahlweni ka yena, hi kusaseka ka yona hinkwaku, na yingali na xivati kumbe minkonya, kumbe xin'wana lexifanaka na svona, kambe yili leyihlawulekeke, leyingaliki ni xisandzu.

Vafilipiya 1:10

na mitakota kuhlawula lesvinga svinene kutlula svin'wana; hi ndlela yoleyo, mitava lavatengeke, mingahali na nandzu kufikela sikwini ra Kriste;

Vafilipiya 3:6

Loko kuli kuhiseka, hi mina ningaxanisa kereke; hi tlhelo ra kuva munhu wolulama hi kuhlayisa Nawu, aningali na xisandzu.

1 Vatesalonika 5:23

Ingi Xikwembu xa kurhula, xona ha xoxe, xingamiyendla lavahlawulekeke hi matlhelo hinkwawu. Ingi mimoya ya n'wina, ni timbilu ta n'wina, ni miri wa n'wina, svingatshama na svibasile, na svingali ni nandzu siku leri Hosi ya hina Yesu Kriste angatavuya.

1 Timotiya 3:10

Nasvona, avarhange hi kukambiwa, kutani loko vatikomba lesvaku ava na xisandzu, vangatirha ntirho wa vona wa vudiyakoni kerekeni.

1 Timotiya 3:2

Hikolaho, bixopo afanele kuva munhu lweyi angaliki na xisandzu, aave wanuna wa nsati mun'we, atikhoma, axiximeka, atsakela vayendzi, akota kujondzisa.

1 Timotiya 5:14

Mina anitatsakela lesvaku vavasati va vafelakazi lavampsha vatekiwa, vakuma vana, vahlayisa minjangu ya vona, vanganyiki nala nkama wa kuhleva.

1 Timotiya 5:20

Loko kuli ni vakulukumba lava vaphikelelaka kujoha, vatshinye rivaleni, lesvaku lavan'wana vatachava.

1 Timotiya 5:7

Leleta timhaka leti, lesvaku vatapfumala xisandzu.

Tito 1:6

Mukulukumba afanela kuva munhu lweyi angaliki na xisandzu, anga ni nsati mun'we ntsena; vana va yena vafanela kuva vapfumeli, lavangasoliwiki hikolaho ka mahanyela ya vona ya mpfilumpfilu, ni kutiyalisa ka vona,

Tito 2:10

kumbe kuvayivela, handle ka lesvo avakombise lesvaku valulamile ni kutshembeka masiku hinkwawu, kutani ka hinkwasvu lesvi vasviyendlaka vatakomba kusaseka ka lesvijondzisiwaka hi tlhelo ra Xikwembu Muponisi wa hina.

Tito 2:15

Jondzisa timhaka leti, utirhisa matimba hinkwawu lawa unganyikiwa wona kukhutaza ni kutshinya van'wana. Ungachipisiwi hi munhu.

Vaheveru 7:26

Asvifanela lesvaku hiva ni Muprista lwenkulu wotanu, wokwetsima, wopfumala nandzu, wokala xivati, wohambana ni vajohi, lweyi atlakusiweke henhla ka matilo.

1 Petro 2:12

Hanyani hi mukhuva lowolulama xikarhi ka vamatiko, lesvaku loko vatshuka vamilumbeta, vaku mivajohi, vatavona mintirho ya n'wina leyosaseka, vadzunisa Xikwembu, hi siku leri xingatata ha rona.

1 Petro 2:9

Kambe n'wina, mi rixaka lerihlawuliweke, mi vaprista va Hosi, mi tiko lerihlawulekeke, vanhu lavanga va Xikwembu hi ntiyiso, lesvaku mitakota kutwalisa mintirho leyosaseka ya lweyi amivitaneke kuhuma munyameni, mitanghena kuvonakaleni ka yena loku kuhlamalisaka.

2 Petro 3:14

Hikolaho varhandziwa, lesvi milanguteleke svilo lesvi, tikarhateni lesvaku Xikwembu ximikuma na mingali na xivati ni xisandzu, kambe ximikuma na mili ni kurhula.

Nhlavutelo 2:5

Hikolaho-ke, tsundzuka laha ungawa kona, kutani hundzuka uvuyela mintirhweni leyi awuyiyendla kusunguleni. Loko svingalitano, nitata ka wena, nitasusa xitlhomativoni xa wena laha xinga kona, loko ungahundzuki.

Nhlavutelo 3:9

Vona, loko vali va ntlawa wa ka Sathana, vahembi lavativulaka Vayuda kuve ahi vona, nitayendla lesvaku vata, vatakhinsama mahlweni ka wena vakugandzela; vatativa lesvaku nikurhandzile.