Vafilipiya 1:27 - Testamente Leyimpsha Xichangana

²⁷ Ntsena, mahanyela ya n'wina mafanela kufambelana ni Evhangeli ya Kriste, lesvaku hambi ni ta nitatamivona, hambi ni ngati, nitatwa lesvaku mahayimile na mitiyile moyeni wun'we, milwa svin'we hi mbilu yin'we, milwela kupfumela loku kutisiwaka hi Evhangeli.

BIBELE Mahungu Lamanene

²⁷ Ntsena, mahanyelo ya n'wina ma fanele ku fambelana ni Evhangeli ya Kriste, leswaku hambi ndzi ta ku ta mi vona, hambi ndzi nga ti, ndzi ta twa leswaku ma ha yimile mi tiyile emoyeni wun'we, mi lwa swin'we hi mbilu yin'we, mi lwela ku pfumela loku tisiwaka hi Evhangeli.

Xitsonga (Bibele)

²⁷ Ntsena, tifambeleni hi mukhuva lowu fanelaka Evhangeli ya Kriste, leswaku hambi ndzi ta mi vona, hambi ndzi nga ri kona, ndzi nga twa timhaka ta n'wina leswaku ma ha yima emoyeni wun'we, ni ku lwela swin'we ku pfumela ka Evhangeli hi mbilu yi ri yin'we,

Vafilipiya 1:27 Iomraidhean Croise

Matewu 12:25

Kambe Yesu, hi kutiva miyehleketo ya vona, aku ka vona: Mfumu wun'wana ni wun'wana lowuyavaneke hi le xikarhi, wutawa; svitano ni ka doropa rin'wana ni rin'wana, hambi wuli njangu, lowuyavaneke hi le xikarhi, wungakala wungatiyi.

Timhaka 2:46

Masiku hinkwawu avachivirika kukumana Tempeleni, vali mbilu yin'we, nasvona avakumana vakhema xinkwa minjangwini ya vona, vaja svakuja sva vona hi kutsaka lokukulu ni timbilu tobasa,

Timhaka 24:24

Loko kuhundzile masiku mangali mangani, Felikisi ata na Drusila, nsati wa yena lweyi aali Muyuda; kuteloko avitanile Pawulo, amuyingisela loko avulavula hi ta kupfumela ka Yesu Kriste.

Timhaka 4:32

Nhlengeletanu ya lava vapfumeleke ayili mbilu yin'we ni moya wun'we; akungali na munhu ni mun'we lweyi aavula lesvaku svilo lesvi anga na svona hambi xili xin'we xa svona, i sva yena ntsena; kambe svilo hinkwasvu avaku, i sva vona hinkwavu.

Varhoma 1:16

Mhaka hi lesvaku a ni na tingana hi Evhangeli, hikuva i matimba ya Xikwembu yoponisa hinkwavu lavapfumelaka, kusukela ka Vayuda, kuyafika ka vamatiko.

Varhoma 1:5

Ha yena, hinyikiwile nkateko wa kuva vapostola vitweni ra yena, lesvaku vanhu va matiko hinkwawu vapfumela, vatlhela vayingisa;

Varhoma 1:9

Xikwembu lexi nixitirhelaka moyeni wa mina hi kuvula Evhangeli ya N'wana wa xona, i mboni ya mina: Animirivali,

Varhoma 10:8

Kasi kululama kuvula lesvi: “Rito ri le kusuhi na wena, ri le non'weni wa wena ni le mbilwini ya wena.” Hi rona rito ra kupfumela leri hirichumayelaka hiku:

Varhoma 15:16

kuva mutirhi wa Yesu Kriste xikarhi ka vamatiko. Mina, kufana ni Muprista, nivula Mahungu Lamanene ya Xikwembu lesvaku vamatiko vava mhamba leyiyamukelekaka ka xona, leyihlawulekisiweke hi Moya Lowokwetsima.

Varhoma 15:29

Nasvitiva lesvaku, loko nifika ka n'wina, nitamitisela minkateko hinkwayu ya Kriste.

1 Vakorinto 1:10

Namikhongotela vamakwerhu, hi vito ra Hosi ya hina Yesu Kriste, nili: Twananani hinkwenu kuvulavuleni. Kungatshuki kuva ni kuhambana xikarhi ka n'wina, kambe mihlangana miva van'we kupimiseni ni le makungwini ya n'wina;

1 Vakorinto 15:58

Hikolaho, vamakwerhu lavarhandzekaka, tiyani svinene mingatsekatsekeni; tiyiselani svinene, mitirhela Hosi masiku hinkwawu, na mili karhi misvitiva lesvaku mintirho ya n'wina Hosini ayingaweli hansi.

2 Vakorinto 13:11

Svosvi-ke, vamakwerhu, nili: Salani! Vanani lavahetisekeke; yamukelani kuchaveleliwa; miva ni kuyanakanya kun'we; mihanya hi kurhula; kutani Xikwembu xa rirhandzu ni xa kurhula xitava na n'wina.

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

2 Vakorinto 9:13

Ntirho lowu i xikombiso xa kupfumela ka n'wina, kutani vadzunisa Xikwembu hikolaho ka svona: Evhangeli ya Kriste, miyipaluxile, mitlhela miyendla lesvi yihlayaka svona, loko mili karhi miyavelana ni vahlawuliwa hinkwasvu lesvi minga na svona, miyavela ni vanhu van'wana, hi kunyika lokukulu.

Vagalatiya 1:7

Kasi Evhangeli yin'wana ayikona. Nihlaya lesvi hikuva ku ni van'wana lava vamipfilunganyisaka tinhloko, lavaringetaka kujikisa Evhangeli ya Kriste.

Vaefesa 1:13

Asvili tano na n'wina vamatiko, loko mitwile Rito ra ntiyiso, anga Evhangeli ya kuponisiwa ka n'wina: Mipfumelile ka Kriste, kutani Xikwembu ximifungile hi Moya Lowokwetsima lowu axitshembisile kuminyika wona.

Vaefesa 1:15

Hikolaho na mina, kusukela loko nitwile ta kupfumela ka n'wina ka Hosi Yesu, ni ta rirhandzu ra n'wina ka vahlawuliwa va Xikwembu hinkwavu,

Vaefesa 4:1

Hikolaho-ke, mina ninga mubohiwa ntirhweni wa Hosi, na mikhongotela kuhanya hi ndlela leyifambelanaka ni kuvitaniwa ka n'wina.

Vafilipiya 1:5

hikolaho ka ndlela leyi minipfuneke ha yona ntirhweni wa Evhangeli, kusukela siku rosungula kufikela namuntlha.

Vafilipiya 2:12

Varhandziwa, kufana ni lesvi miniyingiseke masiku hinkwawu, ni svosvi, kungali ntsena loko nili na n'wina kambe ngopfungopfu loko ningali na n'wina, tirhelani kuponisiwa ka n'wina hi kuchava ni kurhurhumela;

Vafilipiya 2:24

Kutani ni ni kutshemba ka Hosi lesvaku kungali khale, na mina hi xiviri nitata le ka n'wina.

Vafilipiya 3:18

Nitshama nimibzela mhaka leyi hakanyingi, kutani svosvi nitlhela nimibzela yona na nirila: Ku ni lavotala lava kuhanyeni ka vona vanga valala va xihambanu xa Kriste.

Vafilipiya 3:20

Kambe ra hina kaya ri le matilweni, kutani hi langutela hi mbilu hinkwayu Muponisi wa hina lweyi angatata na ahuma kona, anga Hosi Yesu Kriste.

Vafilipiya 4:1

Hikolaho vamakwerhu, n'wina lava nimirhandzaka ni kunavela kumivona, n'wina lava minga kutsaka ka mina ni hari ya nhloko ya mina, yimani na mitiyile Hosini hi ndlela yoleyo, varhandziwa vanga.

Vakolosa 1:10

hi ndlela leyi, mitahanya vutomi lebzi bzifanelaka Hosi, miyitsakisa timhakeni hinkwatu, miveka mihandzu hi kutirha mintirho leyinene ya tinxakaxaka, miya mikula hi tlhelo ra kutiva Xikwembu.

Vakolosa 1:4

hikuva hitwile ta kupfumela ka n'wina ka Yesu Kriste, ni ta rirhandzu ra n'wina ka vahlawuliwa va Xikwembu hinkwavu,

1 Vatesalonika 3:6

Kambe svosvi Timotewu wahakuvuya hi le ka n'wina kutani ahitisele mahungu lamanene ya kupfumela ka n'wina ni ya rirhandzu ra n'wina; ahitivisile lesvaku mahaya mahlweni mihiyanakanya hi moya lowunene masiku hinkwawu, minavela kuhivona kufana ni lesvi na hina hinavelaka kumivona.

1 Vatesalonika 4:1

Kutani-ke, vamakwerhu, mijondzile ka hina hilaha mifanelaka kuhanya hakona lesvaku mitsakisa Xikwembu, kutani mihanyile hi ndlela yoleyo. Hikolaho, ha mikombela hi matimba ni kumikhutaza hi vito ra Hosi Yesu, lesvaku miya mikula, na mili karhi mihanyisa svosvo.

1 Timotiya 1:11

Jondzo yakona yiyelana ni Evhangeli leyivekiweke mavokweni ya mina, leyitwalisaka kukwetsima ka Xikwembu, xihlovo xa minkateko.

1 Timotiya 1:19

uhlayisa kupfumela hi ripfalu leritshunxekeke. Hi kudlaya mapfalu ya vona, van'wana valahlekeliwile hi kupfumela.

2 Timotiya 4:7

Nilwile nyimpi leyinene, nihetile mpfhuka wa mina wa kutsutsuma, nihlayisile kupfumela.

Tito 2:10

kumbe kuvayivela, handle ka lesvo avakombise lesvaku valulamile ni kutshembeka masiku hinkwawu, kutani ka hinkwasvu lesvi vasviyendlaka vatakomba kusaseka ka lesvijondzisiwaka hi tlhelo ra Xikwembu Muponisi wa hina.

Filemoni 1:5

na nili karhi nitiyile hi ta rirhandzu ni kupfumela loku unga nakona ka Hosi Yesu ni ka vakwetsimi hinkwavu,

Yakobo 3:18

Kutani mihandzu ya mahanyela lamalulameke yihuma ka mbewu leyingabzaliwa hi kurhula, hi vanhu lavatirhaka mintirho ya kurhula.

2 Petro 3:11

Lesvi kungatapsha svilo lesvi hinkwasvu svihela hi ndlela leyi, mifanele kuva ni vutomi lebzohlawuleka bza vukhongeli,

2 Petro 3:14

Hikolaho varhandziwa, lesvi milanguteleke svilo lesvi, tikarhateni lesvaku Xikwembu ximikuma na mingali na xivati ni xisandzu, kambe ximikuma na mili ni kurhula.

Yuda 1:3

Varhandziwa, aninavela ngopfu kumitsalela timhaka ta kuponisiwa lokunga ka hina hinkwerhu, kambe nikumile lesvaku svanifanela kumitsalela nimikhongotela kulwela vupfumeli lebzi Xikwembu xibzinyikeke kan'we vahlawuliwa va xona.