Vaefesa 4:10 - Testamente Leyimpsha Xichangana

¹⁰ Lweyi axikeke, wahali yena lweyi atlhantukeleke henhla, kuhundza ni matilo hinkwawu, lesvaku atata matilo ni misava hi vukona bza yena.

BIBELE Mahungu Lamanene

¹⁰ Loyi a xikeke, wa ha ri yena loyi a tlhandlukeleke ehenhla, ku hundza ni matilo hinkwawo, leswaku a tata matilo ni misava hi vukona bya yena.

Xitsonga (Bibele)

¹⁰ Loyi ingi a xikile, wa ha ri yena yeloyi a tlhandlukeke ehenhla ka matilo hinkwawo, hileswaku a tata swilo hinkwaswo.

Vaefesa 4:10 Iomraidhean Croise

Matewu 24:34

Nitiyisile nili ka n'wina: Rixaka leri ringakala ringahundzi, kungasihumelela svilo lesvi hinkwasvu.

Luka 24:44

Kutani aku ka vona: “Hi tona timhaka leti ningamitivisa tona, loko nahali na n'wina, loko nite: ‘Hinkwasvu lesvitsaliweke mayelanu na mina Nawini wa Moxe ni ka Vaprofeta, ni ka Tipisalma, svifanela kuhetiseka.’”

Yohane 1:16

Kutani hina hinkwerhu hiyamukelile hi ntalu atimpsalu, hi kuphindha.

Yohane 19:24

Kutani vabzelana, vaku: “Hingawuhandzuleni, kambe ahihlahluveni hi tinhlolo, hitativa lesvaku wutava wa mani.” Lesvi akuli kuhetisa Tsalwa leringe: “Vayavelane sviyambalu sva mina, vasvihlahluva hi nhlolo.” Hi lesvi masochwa mangayendla svona.

Yohane 19:28

Yesu, hi kutiva lesvaku svilo hinkwasvu svihetisekile, aku: “Ni ni torha”, kuli kuhetisa Matsalwa.

Yohane 19:36

Hakunene timhaka leti tihumelelile lesvaku Tsalwa rihetiseka, leringe: “Aku na rhambu ni rin'we ra yena leringatatshoviwa.”

Timhaka 1:11

vaku: “Vavanuna va Galeliya, miyimela yini na milangutile tilweni ke? Yesu lweyi asusiweke xikarhi ka n'wina ni kutlhantukisiwela tilweni, atatlhela avuya hi ndlela leyi mingamuvona aya tilweni ha yona.”

Timhaka 1:9

Loko avulavulile timhaka leto, atlhantukisiwa na vamuvona, kutani refu rimusiva, vangahamuvoni.

Timhaka 2:33

Svosvi-ke atlhantukisiwile aya vokweni ra xinene ra Xikwembu; ayamukele Moya Wokwetsima lowutshembisiweke, wunga lowuhumaka ka Tatana, kutani achelile henhla ka hina lesvi misvivonaka ni lesvi misvitwaka.

Timhaka 3:18

kambe hi mukhuva wolowo, Xikwembu xiyendlile lesvaku kuhetiseka lesvi xingasvitivisa khale hi milomo ya vaprofeta hinkwavu: Hi lesvaku Mesiya wa xona aata xanisiwa.

2 Vakorinto 12:2

Nitiva munhu wa ka Kriste lweyi atlakuliweke ayisiwa tilweni ra vunharhu, kuhundze malembe ya khume na mune svosvi (kumbe aali mirini wa yena, kumbe aangali ka wona, anisvitivi, svotivawa hi Xikwembu).

Vaefesa 3:19

Mawaku loko ingi mingativa rirhandzu ra yena, hambi loko svingayendleki kuritiva hi kuhetiseka kutani, mitatala hi vukona bza Xikwembu matlelo hinkwawu.

Vakolosa 1:19

Hikuva svitsakisile Xikwembu lesvaku kuhetiseka hinkwaku ka xona kutshama ka yena,

Vakolosa 2:9

Hikuva vukwembu hinkwabzu bziyakile hi ntalu mirini wa yena,

1 Timotiya 3:16

Hakunene, hingatiyisa lesvaku xihundla xa vukhongeli bza hina i xikulu: “Ahumelelile tani hi munhu, ahlayiwile lweyi alulameke moyeni, avoniwile hi tintsumi; apaluxiwile matikweni, apfumeliwile laha misaveni, atekeliwa henhla kukwetsimeni.”

Vaheveru 4:14

Loko svilitano, lesvi hinga ni Muprista lwenkulu svinene lweyi atsemakanyeke matilo, anga yena Yesu N'wana wa Xikwembu, ahikhomeni svitiya ka vumboni bza kupfumela ka hina.

Vaheveru 7:26

Asvifanela lesvaku hiva ni Muprista lwenkulu wotanu, wokwetsima, wopfumala nandzu, wokala xivati, wohambana ni vajohi, lweyi atlakusiweke henhla ka matilo.

Vaheveru 8:1

Kutani-ke, nhlokomhaka ya lesvi hisvivulaka hi leyi: Hi ni Muprista lwenkulu wofana na yena, lweyi atshameke tlhelweni ra xinene ra xiluvelo xa vuhosi matilweni,