Vaefesa 2:2 - Testamente Leyimpsha Xichangana

² Minkameni yoleyo, amihanya ka svona, loko mahalandza svihena lesvobiha sva misava leyi. Amili hansi ka hosana leyifumaka mimoya ya le henhla mpfhukeni, wunga moya lowutirhaka ni svosvi xikarhi ka vanhu lavangayingisiki Xikwembu.

BIBELE Mahungu Lamanene

² Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Xitsonga (Bibele)

² leswi khale mi nga famba ka swona, hi maendlelo ya misava leyi, loko ma ha fumiwa hi hosi leyi fumaka matimba ya mimpfhuka, wu nga moya lowu tirhaka sweswi, eka vanhu lava tiarisaka;

Vaefesa 2:2 Iomraidhean Croise

Matewu 11:19

N'wana-wa-Munhu atile aja, anwa, kutani vaku: ‘Langutani, munhu wa makolo hi lweyi, wa xidakwa, lweyi atwananaka ni vahakelisi va rhesa ni vajohi!’ Kambe vutlhari bza Xikwembu bzitikomba na bzilulamile hi mintirho ya bzona.”

Matewu 13:22

Mbewu leyihaxiweke mintweni svifana ni loko munhu atwa Rito; kambe kuvilela hi sva misava ni kukanganyisiwa hi rifuwo svikamanyeta Rito, kutani ritsandzeka kuveka mihandzu.

Matewu 13:38

nsimu i misava; mbewu leyinene i vana va Mfumu; mfava i vana va Lweyi Wobiha.

Marka 4:19

kambe kuvilela hi sva misava leyi, ni kukanganyisiwa hi rifuwo ni kunavela svilo svin'wana ni svin'wana, svinghena ka vona, svikamanyeta Rito, kutani ritsandzeka kuveka mihandzu.

Luka 16:8

Kutani n'winyi adzunisa mulanguteli wokala angatshembekanga, hikuva aayendlile hi vutlhari.” Yesu atlhela aku: “Vanhu va misava leyi vatlharihile kutirhisaneni ni va ka vona kutlula vanhu vakuvonakala.

Luka 22:31

Yesu aku ka Petrosi: “Simoni, Simoni, yingisa: Sathana amikombelile kumihlela hinkwenu kufana ni mavele,

Yohane 12:31

Misava leyi svosvi yikarhi yiyavanyisiwa, kutani hosana ya misava leyi atahlongoliwa svosvi.

Yohane 13:2

Diyavulosi akuli khale abohile makungu ya lesvaku Yudasi, n'wana Simoni Iskariyota, ataxenga Yesu. Loko kulikarhi kulaleliwa,

Yohane 13:27

Loko Yudasi axijile, angheniwa hi Sathana. Hi loko Yesu aku ka yena: “Lexi uxiyendlaka, hantlisa uxiyendla.”

Yohane 14:30

Aningahavulavuli svotala na n'wina, hikuva mufumi wa misava leyi wata; kambe anga na matimba henhla ka mina.

Yohane 15:19

Loko amili vanhu va misava, misava ayitarhandza sva yona. Kambe lesvi n'wina mingaliki va misava, ni lesvi nimihlawuleke ka yona, vanhu va misava vamivenga.

Yohane 16:11

hi ta kuyavanyisa, hikuva mufumi wa misava leyi ayavanyisiwile.

Yohane 7:7

Misava yingakala yingamivengi, kambe mina yanivenga, hikuva nivula vumboni bza lesvaku mintirho ya yona yibihile.

Yohane 8:23

Aku ka vona: N'wina mihuma kola hansi, mina nihuma hi le henhla; n'wina mi va misava leyi; mina ani wa misava leyi.

Yohane 8:44

Tatana wa n'wina i Diyavulosi, kutani mitsakela kuyendla kurhandza ka tatana wa n'wina. Aali mudlayi ni le kusunguleni. Angatshamanga ntiyisweni, hikuva kuhava ntiyiso ka yena. Loko avulavula mavunhwa, akombisa lesvi anga svona, hikuva i muhembi, ni tatana wa mavunhwa.

Timhaka 19:35

Hi loko matsalana wa doropa amiyeta ntshungu, aku: “Vaefesa va ka hina! Xana i mani lweyi angativiki lesvaku doropa ra Vaefesa i muhlayisi wa tempele ya Artemiza lwenkulu ni wa xifaniso xa yena lexiweke hi le tilweni ke?

Timhaka 5:3

Hi loko Petrosi aku ka yena: “Ananiya, hikolaho ka yini upfumelela Sathana kunghena mbilwini ya wena, lesvaku uhembela Moya Wokwetsima, ni kutipambulela hi tlhelo ka nxavu wa nsimu xana?

Varhoma 12:2

Mingalandzeni hanyela ra nguva leyi, kambe mipfumela kuhundzuka miva vampsha kupimiseni ka n'wina, mitakota kutwisisa lesvi kurhandza lokunene ka Xikwembu, lokukhensekaka ni kuhetiseka, kunga svona.

1 Vakorinto 5:10

aningavuli nikutsongo kuhambana ni vanhu va misava leyi lavanga vawosvi, kumbe lavanga ni makwanga, kumbe vayivi, kumbe lavagandzelaka svikwembu sva hava; ihim, hikuva loko miyendla svosvo, asvitahlaya lesvaku mirhurha misaveni leyi.

1 Vakorinto 6:11

Hi lesvi van'wana va n'wina amili svona; kambe svosvi mibasisiwile, nasvona miyendliwile lavahlawulekeke ni lavalulameke, hi vito ra Hosi Yesu Kriste ni Moya wa Xikwembu xa hina.

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

Vagalatiya 1:4

yena lweyi atinyiketeke hikolaho ka svijoho sva hina, lesvaku atahiponisa ka nguva leyobiha ya masiku lawa. Ayendle svosvo hi kuyingisa kurhandza ka Xikwembu Tatana wa hina;

Vaefesa 1:21

Kriste wafuma kona, henhla ka hinkwasvu lesvinga ni vukulukumba, ni kufuma, ni matimba, ni vuhosi; na svona, a le henhla ka mavito hinkwawu lawa mangavuliwaka, kungali minkameni leyi ntsena, kambe ni ka minkama leyingatata.

Vaefesa 2:11

N'wina vamatiko, lava va khale hi kuvelekiwa amihlayiwa “lavokala vangayimbanga” hi Vayuda lavatihlayaka “lavoyimba”, hikolaho ka kuyimba lokuyendliwaka hi mavoko ya vanhu mirini wa vona, tsundzukani lesvi amili xisvona.

Vaefesa 2:13

Kambe svosvi, ka Yesu Kriste, n'wina lava va khale amili kule ni Xikwembu, mitshinetiwile kusuhi na xona hi kufa ka Kriste.

Vaefesa 2:3

Na hina hinkwerhu khale ahifana na vona, hihanya hi kunavela ka nyama ya hina ya laha misaveni, hiyendla hinkwasvu lesvitsakisaka miri ni kuyehleketa ka hina; kutani na hina, hi kutumbuluka, ahifaneliwile hi vukarhi bza Xikwembu, kufana ni vanhu van'wana.

Vaefesa 4:17

Hikolaho, nivula lesvi ni kusvitiyisa hi vito ra Hosi, nili: Mingahahanyeni kufana ni lesvi vamatiko vahanyisaka xisvona, hi kuyanakanya ka vona lokungapfuniki nchumu.

Vaefesa 4:22

Hikolaho, tshikani mahanyela ya n'wina ya khale, mihlivila munhu wa khale lweyi aawonhiwa hi mhaka ya kunavela ka yena loku kukanganyisaka.

Vaefesa 5:6

Kungavi na munhu lweyi amikanganyisaka hi marito lamangapfuniki nchumu: Svijoho lesvi, hi svona lesviyendlaka lesvaku vukarhi bza Xikwembu bziwela vanhu lavangayingisiki.

Vaefesa 5:8

Hikuva khale n'wina hi n'wexe amili munyameni, kambe svosvi, lesvi mingahundzuka vanhu va Hosi, mi le kuvonakaleni. Hanyani kufana ni vanhu va kuvonakala,

Vaefesa 6:12

Hikuva ahilwi ni vanhu va misava leyi, kambe hilwa ni mimoya leyobiha leyinga mpfhukeni: Hilwa ni vafumi, ni vuhosi, ni vakhinyavezi va misava leyi ya munyama, ni mimoya yobiha leyi hanyaka pfukeni.

Vakolosa 1:21

Na n'wina lava va khale amili kule ni Xikwembu, amili valala va xona hi miyanakanyu ya n'wina ni mintirho ya n'wina leyobiha;

2 Timotiya 4:10

Hikuva Demasi, hi kurhandza ngopfu sva misava leyi, anibalekile aya Thesalonika. Kreskene ayile Galatiya, na Tito ayile Dalmasiya.

Yakobo 1:27

Vukhongeli lebzitengeke, lebzingasolekiki mahlweni ka Xikwembu Tatana, hi lebzi: Kuyendzela lavafeliweke hi vapsele, ni kuyendzela vafelakazi maxangwini ya vona, ni kutikhoma ka vuherheki bza misava leyi.

Yakobo 1:7

Munhu lweyi wotanu angatshuki ayehleketa lesvaku atanyikiwa nchumu hi Xikwembu,

Yakobo 4:4

N'wina vanhu va vuwosvi, xana amisvitivi lesvaku kurhandza sva misava svivula kulwa na Xikwembu xana? Hikolaho, lweyi atinyiketaka kurhandzeni ka sva misava, atiyendla nala wa Xikwembu.

1 Petro 1:14

Kufana ni vana lavanga ni kuyingisa, mingalandzeni kunavela ka n'wina lokobiha loku amili nakona na mingasitiva nchumu.

1 Petro 4:3

Tshikani kuyendla lesvitsakeliwaka hi vamatiko, hikuva sviringene loko misviyendlile minkameni leyihundzeke. Khale amihanya hi kuyendla sva kubiha, hi kunavela kutitsakisa, hi kudakwa, ni makolo, ni kuhanya mabzaleni, ni kugandzela svikwembu sva hava lesvingalavekiki.

2 Petro 2:14

Va ni mahlo lawa mataleke hi vunghwavana, lawa manga ni torha ra svijoho. Varhiya mimoya leyingatiyangiki. Va ni timbilu leti toloveleke makolo. I vanhu lavarhukiweke hi Xikwembu.

1 Yohane 3:10

Hikolaho, kuvonekaka lava vanga vana va Xikwembu ni lava vanga vana va Diyavulosi: Mani na mani lweyi angayendliki lesvinene, lweyi angarhandziki makwavu ahi wa Xikwembu.

1 Yohane 3:8

Lweyi ajohaka i wa Diyavulosi, hikuva Diyavulosi i mujohi kusukela kusunguleni. Hi svolesvi sviyendleke lesvaku N'wana wa Xikwembu atikombisa lesvaku mitshunxiwa ka mintirho ya Diyavulosi.

1 Yohane 4:4

Vananga, n'wina mi va Xikwembu, kutani mivahlulile va mavunhwa; hikuva Moya lowunga ka n'wina wutlula hi vukulu moya lowu wunga misaveni.

1 Yohane 5:19

Hasvitiva lesvaku hi va Xikwembu, ni lesvaku misava hinkwayu yi le ka lweyi wobiha.

1 Yohane 5:4

Hikuva mani na mani lweyi apsaliweke hi Xikwembu, ahlula misava, kutani kuhlula loku, hi loku kuhlulaka misava, angakupfumela ka hina.

Nhlavutelo 12:9

Hi loko dragona lerikulu ricukumetiwa riyawela hansi, rona nyoka ya khale leyivuliwaka Diyavulosi kumbe Sathana, Mukanganyisi wa misava hinkwayu; ricukumetiwa riyawela hansi misaveni, tintsumi ta rona na tona ticukumetiwa kun'we na rona.

Nhlavutelo 13:14

Kutani hi masingita lawa xipfumeleliwaka kumayendla mahlweni ka xivandzana lexorhanga, xikanganyisa vayaki va misava, xivabzela kuyendla xifaniso vayendlela xivandzana lexi axitsemiwile hi banga kambe xiya mahlweni xihanya.

Nhlavutelo 13:8

Kutani vayaki hinkwavu va laha misaveni vataxigandzela; vanga lava mavito ya vona mangatsaliwangiki ka Buku ya Xinyempfana lexi xingadlawa kusukela kutumbulukeni ka matilo ni misava.

Nhlavutelo 16:17

Ntsumi ya vuntlhanu ni timbirhi yichulula lesvi asvili ndzhekweni wa yona mpfhukeni, kutani kutwala rito lerotlakuka, na rihuma hi le Xitshan'wini xa Vuhosi Tempeleni ya tilo, riku: “Sviyendlekile!”

Nhlavutelo 20:2

Kutani yikhoma dragona, nyoka leyi ya khale yiriboha nkarhi woringana malembe ya khulu (1 000).