Tito 3:7 - Testamente Leyimpsha Xichangana

⁷ lesvaku, hi timpsalu ta xona, hitayendliwa lavalulameke mahlweni ka xona, ni kuyamukela ndzhaka ya vutomi lebzingaheliki, lebzi hibzilangutelaka.

BIBELE Mahungu Lamanene

⁷ leswaku, hi tintswalo ta xona, hi ta endliwa lava lulameke emahlweni ka xona, ni ku amukela ndzhaka ya vutomi lebyi nga heriki, lebyi hi byi langutelaka.

Xitsonga (Bibele)

⁷ leswaku, leswi hi nga hlayiwa lava lulameke hi tintswalo ta xona, hi ta va ni ku tshemba ku endliwa vadyandzhaka va vutomi lebyi nga heriki.

Tito 3:7 Iomraidhean Croise

Matewu 25:34

Hilaha Hosi yingatabzela lavanga vokweni ra yona ra xinene yiku: “‘Tanani n'wina lavakatekisiweke hi Tatana wa mina, yamukelani Mfumu lowungalungiseliwa n'wina hi mpfhuka misava yitumbuluka;

Marka 10:17

Kuteloko Yesu ahumile ni kukhoma ndlela, munhu mun'wana ata ka yena hi kutsutsuma, afika awa, akhinsama mahlweni ka yena, amuvutisa aku: “Mujondzisi lwenene, ningayendla yini lesvaku nitaja rifuwo ra vutomi lebzingaheliki?”

Varhoma 11:6

Xilesvo-ke, loko sviya hi timpsalu, asvihumi mintirhweni; hikuva loko kuli hi mintirho, timpsalu tingahundzuka tingahali timpsalu.

Varhoma 3:24

Kambe vahlayiwa lavalulameke hi timpsalu ta Xikwembu, hi kunyikiwa, ha Yesu Kriste lweyi avaponiseke.

Varhoma 3:28

Hikuva hivonile lesvaku munhu ahlayiwa lweyi alulameke hi kupfumela, kungali hi kuyendla lesvitsemiweke hi Nawu.

Varhoma 4:16

Kupfumela i mhaka leyilavekaka, lesvaku hinkwasvu sviva lesvitirhiwaka hi timpsalu ta Xikwembu, ni kuyendlela lesvaku xitshembiso xiva lexitiyeke ka vatukulu hinkwavu va Abrahamu, kungali ntsena ka lava vanamarhelaka Nawu, kambe ni ka lava vanamarhelaka kupfumela loku aali nakona; hi yena lweyi anga tatana wa hina hinkwerhu,

Varhoma 4:4

Ka lweyi atirhaka, lesvi akumaka svona i hakelo ya ntirho wa yena; asvihlayiwi lesvaku i nyiko.

Varhoma 8:17

Loko hili vana, svivula lesvaku hi vinyi va ndzhaka ya Xikwembu, nivaji va ndzhaka svin'we na Kriste; lesvi kunene hixanisekaka na yena, svivula lesvaku hitakwetsimisiwa na yena.

1 Vakorinto 6:11

Hi lesvi van'wana va n'wina amili svona; kambe svosvi mibasisiwile, nasvona miyendliwile lavahlawulekeke ni lavalulameke, hi vito ra Hosi Yesu Kriste ni Moya wa Xikwembu xa hina.

Vagalatiya 2:16

Hambi svilitano, hitiva lesvaku munhu angayendliwi lweyi alulameke mahlweni ka Xikwembu hi kuhlayisa Nawu, kambe kuli ntsena hi kupfumela ka Yesu Kriste; kutani hina hipfumelile ka Yesu Kriste, lesvaku hiyendliwa lavalulameke hi kupfumela ka yena, kungali hi kuhlayisa Nawu; hikuva kutsaliwile lesvi: “Aku na munhu ni mun'we lweyi angatayendliwa lweyi alulameke hi kuhlayisa Nawu.”

Vagalatiya 3:29

Kutani, loko mili va ka Kriste, svihlaya lesvaku mi rixaka ra Abrahamu, mivaji va ndzhaka hikolaho ka xitshembiso.

Vagalatiya 4:7

Hikolaho wena awahali xikarawa, kambe n'wana; kutani lesvi unga n'wana, u mujandzhaka hi kurhandza ka Xikwembu.

2 Vatesalonika 2:16

Svosvi-ke, ingi Hosi ya hina Yesu Kriste hi yoxe, ni Xikwembu Tatana wa hina lweyi angahirhandza, lweyi angahinyika, hi timpsalu ta yena, kuchavelela lokungaheliki ni kulangutela lokunene,

Tito 1:2

bzinga lebziyakiweke henhla ka kulangutela vutomi lebzingaheliki. Xikwembu lexingaliki na kuhemba xihitshembisile vutomi lebzi, na minkarhi yingasiva kona;

Tito 2:11

Hakunene timpsalu ta Xikwembu ta kuponisa vanhu hinkwavu, tihumeseliwe rivaleni;

Tito 2:13

na hili karhi hilangutela minkateko leyi hitshembisiweke yona, siku leri kungatahumelela kukwetsima ka Xikwembu Nkulukumba, ni Muponisi wa hina Yesu Kriste.

Vaheveru 1:14

Xana tintsumi hinkwatu ahi mimoya leyitirhelaka Xikwembu, leyirhumiweke kupfuna vanhu lavafanelaka kukuma kuponisiwa ke?

Vaheveru 11:7

Hi kupfumela, Nowa ayingisile svinene loko Xikwembu ximutivisa lesvi asvingasivoneka; kutani ayaka ngalawa kutaponisa va njangu wa yena; hi kuyendla svosvo, ayavanyisile misava, ava ayamukela kululama loku kunyikiwaka hi mhaka ya kupfumela.

Vaheveru 11:9

Hi kupfumela, atshamile tikweni leri atshembisiweke rona afana ni muluveli tikweni ra van'wana, ahanya matendeni na ali na Izaki na Yakobe, vajandzhaka va xitshembiso xin'we ni xa yena.

Vaheveru 6:17

Hikolaho, loko Xikwembu xinavelile kukombisa hi ndlela leyikholwisaka, ka lava avali vamajandzhaka vaxitshembiso, lesvaku xingakala xingatlheleli ndzhaku makungwini ya xona, xisvitiyisile hi kuhlambanya.

Yakobo 2:5

Yingisani, vamakwerhu lavarhandzekaka: Xana Xikwembu axihlawulanga lavanga svisiwana misaveni leyi lesvaku vava lavafuweke hi tlhelo ra kupfumela ke? Xana axivahlawulelanga kuja ndzhaka ya Mfumu lowu xiwutshembiseke lava vaxirhandzaka ke?

1 Petro 3:7

Hi ndlela yoleyo, na n'wina vavanuna, hanyisanani ni vasati va n'wina hi kutwisisana, hikuva vafana ni svibza lesvingatiyangiki, nasvona mivaxixima, hikuva vataja ndzhaka ya timpsalu ni vutomi svin'we na n'wina. Vaxiximeni lesvaku mikhongelo ya n'wina yitakala yingasiveliwi.