Tito 2:14 - Testamente Leyimpsha Xichangana

¹⁴ Hi yena lweyi atinyiketeke hikolaho ka hina, lesvaku ahikutsula kuhombolokeni hinkwaku, ahiyendla vanhu lavatengeke, lava vanga va yena ntsena, ni lava vachivirikelaka kuyendla lesvinene.

BIBELE Mahungu Lamanene

¹⁴ Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Xitsonga (Bibele)

¹⁴ la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Tito 2:14 Iomraidhean Croise

Matewu 1:21

Ataveleka n'wana wa mufana, kutani wena utamuchula vito ra Yesu, hikuva hi yena lweyi angataponisa vanhu va yena asvijohweni sva vona.”

Matewu 20:28

tani hi lesvi N'wana-wa-Munhu angatelangiki kutirheliwa, kambe kutirhela van'wana ni kunyiketa vutomi bza yena kuponisa lavotala.”

Matewu 3:12

Rihlelo ri le vokweni ra yena; ataphepheta hinkwasvu lesvinga xibulelweni xa yena, kutani atrigu, atarichela tshaleni ra yena; kambe muhungu wona, atawuhisa ndzilweni lowungatimekiki.”

Yohane 10:15

Tani hilaha Tatana anitivaka hakona, ni hilaha na mina nitivaka Tatana hakona; kutani ninyiketa vutomi bza mina nifela tinyempfu.

Yohane 6:51

Hi mina vusva lebzi bzihanyaka lebzixikeke hi le tilweni; loko munhu aja vusva bzakona, atahanya hilaha kungaheliki, kutani vusva lebzi ningatabzinyika vanhu, i nyama ya mina; leyi ningatayinyika misava, lesvaku yihanya.”

Timhaka 15:14

Simoni wa ha kuhlamusela hilaha Xikwembu xingasungula kutikarhata hakona, xitilavela, xikarhi ka vamatiko, vanhu lavangatahlayiwa va xona hakunene.”

Timhaka 15:9

xikarhi ka hina na vona, axihlawulanga: Xibasisile timbilu ta vona, hikuva vapfumelile.

Timhaka 20:28

Tilanguteleni ke, milangutela ni kereke hinkwayu leyi Moya Wokwetsima wungamiveka kuva vabixopo va yona; risani Kereke ya Xikwembu, leyi xingatikumela yona hi rifu ra N'wana wa xona wa xiviri.

Timhaka 9:36

Doropeni ra Yopa, akuli ni mujondzisiwa wa xisati, lweyi avaku i Tabita (hi Xigirika: Dorkazi, hi lesvaku N'wa-Mhunti); aatolovela kutirha mintirho leyinene, arhandza ni kunyika.

Vagalatiya 1:4

yena lweyi atinyiketeke hikolaho ka svijoho sva hina, lesvaku atahiponisa ka nguva leyobiha ya masiku lawa. Ayendle svosvo hi kuyingisa kurhandza ka Xikwembu Tatana wa hina;

Vagalatiya 2:20

hi kolaho, angahali mina lweyi ahanyaka, kambe i Kriste lweyi ahanyaka ka mina. Svosvi, loko nihanya mirini, nihanya hi kupfumela, kunga kupfumela ka N'wana wa Xikwembu lweyi anirhandzeke, ava atinyiketa hikolaho ka mina.

Vagalatiya 3:13

Kriste ahiponisile khombzeni ra xirhuko xa Nawu, hi kutiyendla lweyi arhukiweke hikolaho ka hina, hikuva Matsalwa mali: “Akurhukiwe mun'wana ni mun'wana lweyi ahayekiweke mhandzeni.”

Vaefesa 1:11

Hakunene Xikwembu xiyendla hinkwasvu hilaha xirhandzaka hakona ni hilaha xipimaka hakona, kutani xihlawule hina Vayuda kuva vamajandzhaka va xona ka Kriste, hi kutilulamisela ka xona ka khale,

Vaefesa 2:10

Hikuva hina hivumbiwile hi Xikwembu, kutani, ka Yesu Kriste, Xikwembu xihivumbele kutirha mintirho leyinene, leyi xihilungiseleke yona khale, lesvaku hitayendla yona.

Vaefesa 5:2

Hanyani hi moya wa rirhandzu, tani hi Kriste lweyi ahirhandzeke ni kutinyiketa hikolaho ka hina ahumesela Xikwembu nyiko ni mhamba ya risima, leyi yixitsakisaka.

1 Timotiya 1:15

Rito leri ritiyile, rifanele kuyamukeliwa hi mandla mambirhi, leringe: “Kriste Yesu atile misaveni kutaponisa vajohi.” Kutani ka vajohi lava, mina ni lweyi worhanga hi vubihi.

1 Timotiya 2:10

kambe avatibombise hi mintirho leyinene, hilaha svifanelaka hakona vavasati lavativulaka va vukhongeli.

1 Timotiya 2:6

lweyi atinyiketeke kuva muponisi wa vanhu hinkwavu; hi bzona vumboni bza makungu ya Xikwembu, lebzingahumelela hi nkama lowufanekelaka.

1 Timotiya 6:18

Vabzele kuyendla lesvinene, vatala rifuwo ra mintirho leyinene, vanyika, vativa ni kupambulela van'wana.

Tito 2:7

Rhanga wena uva xikombiso xa mintirho leyinene hi matlhelo hinkwawu. Kujondzisa ka wena akuve loku kubaseke ni kutshembeka;

Tito 3:8

Mhaka leyi yitiyile. Kutani nilava lesvaku utiyisa timhaka leti svinene, lesvaku lava vapfumeleke ka Xikwembu, valava tindlela ta kutinyiketa, vatirha mintirho leyinene. Hi svona lesvinga svinene, lesvipfunaka vanhu.

Vaheveru 1:3

Hi yena lweyi kukwetsima ka Xikwembu kutikombaka ka yena, kutani atekelele lesvi Xikwembu xinga svona hi xiviri xa xona; nasvona atamele ntumbuluku hinkwawu hi rito ra yena ra matimba. Loko ahlampsile svijoho sva vanhu, atshamile vokweni ra xinene ra Lweyi anga ni vukulu hinkwabzu, henhla matilweni,

Vaheveru 10:24

Ahilaveni tindlela topfuxana, hikombana rirhandzu ni mintirho leyinene.

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.

Yakobo 4:8

Tshinelani kusuhi ni Xikwembu kutani xitatshinela kusuhi na n'wina. Hlambani mandla ya n'wina, n'wina vajohi, mibasisa timbilu ta n'wina, n'wina vanhu va miyehleketo yimbirhi.

1 Petro 1:18

Masvitiva lesvaku miponisiwile ka tindlela letingapfuniki nchumu, leti mitikumeke ka vatatana va n'wina; miponisiwile kungali hi svilo lesviwonhekaka kufana ni silivhere kumbe golidi,

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

1 Petro 2:12

Hanyani hi mukhuva lowolulama xikarhi ka vamatiko, lesvaku loko vatshuka vamilumbeta, vaku mivajohi, vatavona mintirho ya n'wina leyosaseka, vadzunisa Xikwembu, hi siku leri xingatata ha rona.

1 Petro 2:9

Kambe n'wina, mi rixaka lerihlawuliweke, mi vaprista va Hosi, mi tiko lerihlawulekeke, vanhu lavanga va Xikwembu hi ntiyiso, lesvaku mitakota kutwalisa mintirho leyosaseka ya lweyi amivitaneke kuhuma munyameni, mitanghena kuvonakaleni ka yena loku kuhlamalisaka.

1 Petro 3:18

Kriste na yena afele svijoho kan'we, afela n'wina; yena munhu lowolulama afele lavangalulamangiki, lesvaku atamifikisa ka Xikwembu; adlayiwile hi tlhelo ra miri, kambe ayendliwile lweyi ahanyaka hi tlhelo ra moya.

1 Yohane 1:7

Loko hifamba kuvonakaleni, kufana na xona xinga kuvonakaleni, hi ni vuhlengeli, kutani angati ya Yesu Kriste N'wana wa xona yahibasisa ka svijoho hinkwasvu.

1 Yohane 1:9

Kambe loko hitisola svijoho sva hina, xona xitshembekile, nasvona xilulamile akuva xihirivalela svijoho sva hina, ni kuhibasisa xihisusela kuhomboloka hinkwaku.

1 Yohane 3:2

Varhandziwa, svosvi hi vana va Xikwembu, asvisitikomba lesvi hingatava svona. Kambe hasvitiva lesvaku, loko yena atatikombisa ka hina, hitafana na yena, hikuva hitamuvona tani hi lesvi anga xisvona.

Nhlavutelo 1:5

ni le ka Yesu Kriste, mboni leyotshembeka, mativula ya lavafeke ni mufumi wa tihosi ta misava. Ka lweyi ahirhandzaka, lweyi ahitshunxeke svijohweni sva hina hi ngati ya yena,

Nhlavutelo 5:9

Vayimbelela risimu lerimpsha vaku: “Afanekeliwa hi kuteka buku ni kupfula mimfungu ya yona, hikuva aadlayiwile, kutani hi ngati ya yena, axavile vanhu avaxavela Xikwembu, vahuma tinxakeni hinkwatu, na vali va tindzimi hinkwatu ni svib'ongo hinkwasvu ni va matiko hinkwawu.”