Tito 2:13 - Testamente Leyimpsha Xichangana

¹³ na hili karhi hilangutela minkateko leyi hitshembisiweke yona, siku leri kungatahumelela kukwetsima ka Xikwembu Nkulukumba, ni Muponisi wa hina Yesu Kriste.

BIBELE Mahungu Lamanene

¹³ hi ri karhi hi langutela minkateko leyi hi tshembisiweke yona, siku ku nga ta humelela ku kwetsima ka Xikwembu Nkulukumba, ni Muponisi wa hina Yesu Kriste.

Xitsonga (Bibele)

¹³ hi ri karhi hi langutela ku tshemba loku nga ni ku kateka, ni ku humelela ka ku vonakala ka Xikwembu lexikulu, ni Mukutsuri wa hina, Yesu Kriste,

Tito 2:13 Iomraidhean Croise

Matewu 16:27

Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena.

Matewu 25:31

Siku leri N'wana-wa-Munhu angatata hi kutwala ka yena, na tintsumi hinkwatu tili na yena, atatshamisa xiluvelweni xa kutwala ka yena.

Matewu 26:64

Yesu amuhlamula aku: Wena se uvulile! Ntsena namibzela nili: “‘Kusukela svosvi, mitavona N'wana-wa-Munhu na atshamile vokweni ra xinene ra Lweyi anga ni matimba hinkwawu, mitamuvona ata hi marefu ya le tilweni.’”

Marka 14:62

Yesu aku: “Mina ni yena!” “‘Kutani mitavona N'wana-wa-Munhu atshamile vokweni ra xinene ra Lweyi anga ni matimba hinkwawu, mitamuvona ata hi marefu ya le tilweni.’”

Marka 8:38

Lweyi anga ni tingana hikolaho ka mina ni marito ya mina rixakeni leri ra vawosvi ni vajohi, N'wana-wa-Munhu na yena atakhomiwa hi tingana hikolaho ka munhu lweyi siku leri angatavuya akukwetsimeni ka Tatana na ali ni tintsumi letokwetsima.”

Timhaka 24:15

Lesvi nisvilanguteleke ka Xikwembu, hi svona lesvi na vona vasvilanguteleke: Hi lesvaku lavolulama ni lavangalulamangiki vatapfuka kufeni.

Varhoma 15:13

Ingi Xikwembu lexi kulangutela kuhumaka ka xona xingamitata hi kutsaka hinkwaku ni kurhula hinkwaku kupfumeleni, lesvaku, hi matimba ya Moya Lowokwetsima, kulangutela kumitalela, kuva kuhalakela.

Varhoma 5:5

kutani kulangutela akuhikhomisi tingana, hikuva Xikwembu xichelile rirhandzu ra xona timbilwini ta hina hi Moya Lowokwetsima lowu hinyikiweke wona.

Varhoma 8:18

Hikolaho-ke, nitshemba lesvaku kuxaniseka ka nkama wa svosvi akufaneli kuringanisiwa ni kukwetsima loku hingatakombiwa kona.

1 Vakorinto 1:7

hi kolaho amipfumali nyiko ni yin'we ya Moya, loko mili karhi milangutela kuhlavuteliwa ka Hosi ya hina Yesu Kriste,

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

2 Vakorinto 4:6

Hikuva hi xona Xikwembu lexi nga te: “Kuvonakala akuvoninge munyameni!” Hi xona lexingavonakalisa kuvonakala atimbilwini ta hina, hitativa kukwetsima ka xona loku kuvonakalaka nghoheni ya Kriste.

Vakolosa 1:23

Kambe mifanele kutiya kupfumeleni, na miyimile masungulweni yakona mingatsekatseki, na mingahambani ni kulangutela loku mikukumeke hi kutwa Evhangeli. Evhangeli leyi yitwalisiwile ka svivumbiwa hinkwasvu lesvinga hansi ka tilo, kutani mina Pawulo, ni yendliwile mutirhi wa yona.

Vakolosa 1:27

Ka vona Xikwembu xirhandzile kutivisa rifuwo ra xihundla lexi, ni kutwala ka xona xikarhi ka vamatiko; xihundla xakona hi lesvaku Kriste a le ka n'wina, kutani ha yena milangutela kutwala ka Xikwembu lokutaka.

Vakolosa 1:5

hikolaho ka kulangutela loku kuhlayiseliweke n'wina matilweni. Kutshemba loku, mirhange mikutwa ritweni ra ntiyiso, yinga Evhangeli,

Vakolosa 3:4

Vutomi bza n'wina bza xiviri i Kriste, kutani loko ahumelela, na n'wina mitahumelela na yena kukwetsimeni.

2 Vatesalonika 2:16

Svosvi-ke, ingi Hosi ya hina Yesu Kriste hi yoxe, ni Xikwembu Tatana wa hina lweyi angahirhandza, lweyi angahinyika, hi timpsalu ta yena, kuchavelela lokungaheliki ni kulangutela lokunene,

2 Vatesalonika 2:8

Kutani hi kona munhu lweyi wohomboloka angatahumeseliwa rivaleni, kutani Hosi Yesu atamudlaya hi moya lowuhumaka non'weni wa yena, amuhelisa hi kukwetsima ka yena, siku leri avuyaka.

1 Timotiya 1:1

Mina Pawulo, mupostola wa Kriste Yesu hi kulerisa ka Xikwembu Muponisi wa hina ni ka Kriste Yesu kulangutela ka hina,

2 Timotiya 1:2

nitsalela Timotewu n'wananga lweyi arhandzekaka, nili: Timpsalu, ni vunene, ni kurhula, asvive na wena, svihuma ka Xikwembu Tatana, ni le ka Kriste Yesu Hosi ya hina.

2 Timotiya 4:1

Mahlweni ka Xikwembu ni le ka Kriste Yesu lweyi angatayavanyisa lavahanyaka ni lavafeke, ni hikolaho ka kuhumelela ka Yesu ni Mfumu wa yena, na kukhongotela svinene nili:

2 Timotiya 4:8

Lesvisaleke hi lesvaku hari ya vahluli yinirindzelile, kunga kululama loku Hosi, muyavanyisi lweyi wolulama, yingataninyika hi siku lerikulu; kutani ayinganyiki mina ntsena, kambe yitanyika ni hinkwavu lavatsakeleke kuhumelela ka yona.

Tito 1:2

bzinga lebziyakiweke henhla ka kulangutela vutomi lebzingaheliki. Xikwembu lexingaliki na kuhemba xihitshembisile vutomi lebzi, na minkarhi yingasiva kona;

Tito 1:4

Nitsalela Tito, n'wananga wa xiviri, kupfumeleni loku hinga nakona svin'we, nili: Timpsalu ni kurhula, asvive na wena, svihuma ka Xikwembu Tatana, ni ka Yesu Kriste Muponisi wa hina!

Tito 3:4

Kambe siku leri musa wa Xikwembu Muponisi wa hina, ni rirhandzu ra xona, svihumeleleke,

Vaheveru 9:28

svafana na Kriste: Anyiketiwile kan'we kurhwala svijoho sva lavotala; hi kolaho, atahumelela ka vumbirhi, kungali kutasusa svijoho, kambe kutaponisa lava vamulanguteleke hi kuhiteka.

1 Petro 1:3

Akukhensiwe Xikwembu, Tatana wa Hosi ya hina Yesu Kriste! Hi timpsalu ta yena letikulu, ahivelekile ra vumbirhi, lesvaku hiva ni kulangutela loku kuhanyaka, hikolaho ka kupfuka ka Yesu Kriste xikarhi ka vafi,

1 Petro 1:7

Miringo leyi yiyendla lesvaku kupfumela ka n'wina, loku kutlulaka golidi hi risima, kuvoneka na kutiyile. Golidi, hambilesvi riringetiwaka hi ndzilo, rawonheka; kambe kupfumela ka n'wina, lokutiyeke, kutadzunisiwa, kutwalisiwa, siku leri Yesu Kriste angatahumelela.

2 Petro 1:1

Mina Simoni Petrosi, nandza ni mupostola wa Yesu Kriste, nitsalela lavanyikiweke kupfumela loku hi risima leriringanaka ni kupfumela ka hina, hi kululama ka lweyi anga Xikwembu ni muponisi wa hina Yesu Kriste, nili:

2 Petro 3:18

Kambe kulani, na mili timpsalwini ni le kutiveni ka Yesu Kriste, Hosi ya hina ni Muponisi wa hina. Ka yena akuve kutwala svosvi, ni kuyafika sikwini leringaheliki. Amen!

1 Yohane 4:14

Kutani na hina hisvivonile, hiva hiveka vumboni, lesvaku Tatana arhumele N'wana kuva Muponisi wa misava.

Yuda 1:21

Tshamani rirhandzwini ra Xikwembu. Langutelani musa wa Hosi ya hina Yesu Kriste lowuyisaka vuton'wini lebzingaheliki.

Nhlavutelo 1:7

Vonani, wata ni marefu! Mahlo hinkwawu matamuvona, hambi lava vamutlhaveke. Tinxaka hinkwatu ta vanhu va misava titaba nkosi tirila hikolaho ka yena, hakunenenene! Amen.