Tito 1:16 - Testamente Leyimpsha Xichangana

¹⁶ Hi milomo ya vona, vavula lesvaku vativa Xikwembu, kambe hi mintirho ya vona vaxilandzula. Hikolaho vanyenyentsa, vayala kuyingisa, avakoti kuyendla ntirho ni wun'we lowunene.

BIBELE Mahungu Lamanene

¹⁶ Hi milomo ya vona, va vula leswaku va tiva Xikwembu, kambe hi mintirho ya vona va xi landzula. Va nyangatsa, va ala ku yingisa, a va koti ku endla ntirho ni wun'we lowunene.

Xitsonga (Bibele)

¹⁶ Hi nomu va vula leswaku va tiva Xikwembu, kambe va xi landzula hi mitirho ya vona; i manyala, ni lava alaka ku yingisa, kutani va tsandzeka ku tirha mitirho leyo saseka, hambi wu ri wun'we.

Tito 1:16 Iomraidhean Croise

Varhoma 1:28

Kutani lesvi vanhu lava vangayala kutiva nchumu hi tlhelo ra Xikwembu, Xikwembu xivanyiketile kupimiseni lokungalavekiki, vakondza vayendla ni lesvingafaneliki.

Vaefesa 5:6

Kungavi na munhu lweyi amikanganyisaka hi marito lamangapfuniki nchumu: Svijoho lesvi, hi svona lesviyendlaka lesvaku vukarhi bza Xikwembu bziwela vanhu lavangayingisiki.

1 Timotiya 1:9

na ali karhi atwisisa lesvaku milawu ayivekeliwanga lavalulameke, kambe yivekeliwile lavohomboloka ni lava vatiyalisaka; yiyendleliwile lavangachaviki Xikwembu ni lavajohaka, ni lavangakhongeliki, ni lavasandzaka lesvohlawuleka, ni lavadlayaka vatatana va vona kumbe vamamana va vona; milawu leyi yiyavanyisa svigevenga,

1 Timotiya 5:8

Loko munhu angapfuni maxaka ya yena, ngopfungopfu lavanga va njangu wa yena wa ntiyiso, ayalile vupfumeli, kutani abihile kutlula ni lweyi angapfumeliki.

2 Timotiya 3:17

lesvaku mutirheli wa Xikwembu ava lweyi ahetisekeke, atilulamisela kuyendla ntirho wini na wini lowunene.

Tito 3:1

Tsundzuxa lava uvajondzisaka kutitsongahata ka vafumi ni ka tihosi, ni kutiyingisa, vatshama vatilungiselile kutirha mintirho hinkwayu leyinene;

Tito 3:3

Na hina khale ahili sviphukuphuku, hihumile ndleleni, hiyala kuyingisa; ahili svikarawa sva kunavela, ni sva kutitsakisa kohambanahambana; ahili lavahanyaka hi mona ni mavondzo; ahivengiwa, na hina hivengana.

1 Yohane 2:4

Lweyi avulaka lesvaku: “Mina namutiva”, kambe angahlayisi milawu ya yena, wahemba, ka yena ntiyiso awu kona.

Yuda 1:4

Hikuva vanhu van'wana vangungumelile vanghena xikarhi ka hina; kuyavanyisiwa ka vona kulungisiwe khale. I vanhu lavangaliki na mhaka ni vukhongeli; vahundzula timpsalu ta Xikwembu xa hina, vayendla sva manyala ha tona, nasvona valandzula Yesu Kriste, yena N'winyi wa hinkwasvu ni Hosi ya hina.

Nhlavutelo 21:27

Kambe akungangheni xilo ni xin'we xa chaka kona, hambi ali lweyi ahanyaka hi sva manyala ni mavunhwa; kutanghena ntsena lava mavito ya vona matsaliweke bukwini ya vutomi ya Xinyempfana.

Nhlavutelo 21:8

Kambe loko mali matoya ni lavayalaka kupfumela ni lavayendlaka sva manyala, ni vadlayi ni vawosvi ni valoyi ni lavagandzelaka svikwembu sva hava ni vahembi hinkwavu, makumu ya vona kutava kuhoxiwa tiveni leripfurhaka ndzilo ni xivavula, ringa rona rifu ra vumbirhi.