Timhaka 27:1 - Testamente Leyimpsha Xichangana

¹ Kuteloko kutsemiwile lesvaku hitaya le Italiya hi ngalawa, vanyiketa Pawulo ni vabohiwa van'wana ka ndhuna ya dzana ra masochwa lweyi avaku i Xjuliyo, wa ntlawa lowuvuliwaka “wa hosi leyikulu”.

BIBELE Mahungu Lamanene

¹ Kuteloko ku tsemiwile leswaku hi ta ya le Italiya hi ngalava, va nyiketa Pawulo ni vabohiwa van'wana eka ndhuna ya dzana ra masocha leyi a va ku i Yuliyo, ya ntlawa lowu vuriwaka “wa hosi leyikulu”.

Xitsonga (Bibele)

¹ Kuteloko ku lerisiwile leswaku hi ta ya eItaliya hi ngalava, va nyiketa Pawulo, ni van'wana lava bohiweke eka ndhuna ya dzana, loyi va nge i Yuliyo wa nyimpi ya Sebasto.

Timhaka 27:1 Iomraidhean Croise

Matewu 27:54

Loko ndhuna ya dzana ra masochwa ni lava avali na yona kurindza Yesu, vavona kutsekatseka ka misava ni lesvihumeleleke, vachava ngopfu, vaku: “Hakunene munhu lweyi aali N'wana wa Xikwembu.”

Luka 23:47

Loko ndhuna ya dzana ra masochwa yivonile lesvihumeleleke, yidzunisa Xikwembu, yiku: “Hakunene munhu lweyi aalulamile.”

Luka 7:2

Akuli ni ndhuna ya dzana ra masochwa kona; ayili ni mutirhi lweyi yimurhandzaka ngopfu, kambe mutirhi lweyi aavabza, ali kusuhi ni kufa.

Timhaka 10:1

Doropeni ra Khezariya akuli ni munhu lweyi avaku i Korneliyo; aali ndhuna ya dzana ra masochwa ntlaweni lowuvuliwaka “wa Italiya”;

Timhaka 10:22

Vaku: “Hirhumiwile hi Korneliyo, ndhuna ya dzana ra masochwa, wanuna wa kululama lweyi achavaka Xikwembu, lweyi akhensiwaka hi tiko hinkwaru ra Vayuda; aleletiwile hi ntsumi leyokwetsima kukuvitana uta muntini wa yena, lesvaku atayingisa lesvi ungatamubzela svona.”

Timhaka 16:10

Loko Pawulo avonile xivoniso lexi, hihantla hitilungisela kuya Makedoniya hi kutwisisa lesvaku i Xikwembu lexi xihivitaneke kuyapaluxa Evhangeli ka vanhu vakona.

Timhaka 18:2

Doropeni leri, akuma Muyuda mun'we lweyi avaku i Akila, lweyi avelekiweke Ponto, lweyi aatile hi le Italiya kungali khale, ali na Prisika nsati wa yena; hikuva hosi Klawudiyo ayileletile lesvaku Vayuda hinkwavu vasuka Roma. Pawulo aya ka vona.

Timhaka 19:21

Ndzhaku ka loko timhaka leti tihumelelile, Pawulo aboha makungu ya kuya Yerusalema, hi kutsundzuxiwa hi Moya, kuya Yerusalema atarhanga hi kuhundza hi le Makedoniya ni le Akaya; kutani aku: “Loko nitava nivile kona, nifanele kuyavona ni le Roma.”

Timhaka 21:32

Hi nomo-lo yiteka ntlawa wa masochwa ni tindhuna ta wona, yita ntshungwini hi kutsutsuma; loko vanhu vavona ndhuna ya nyimpi ni masochwa, vatshika kuba Pawulo.

Timhaka 22:26

Loko ndhuna ya dzana yitwa svosvo, yiyabzela ndhuna ya nyimpi, yiku: “Xana awulava kuyendla yini? Munhu lweyi i Muroma.”

Timhaka 23:11

Avusikwini lebzitlhantamaka, Hosi yitikomba ka Pawulo, yiku: “Tiyisa mbilu Pawulo, hikuva kukotisa lesvi uhumeseke vumboni lebzotiya henhla ka mina kola Yerusalema, svifanele lesvaku uhumesa vumboni lebzotano ni le Roma.”

Timhaka 23:17

Pawulo avitana yin'we ya tindhuna ta dzana ra masochwa, aku ka yona: “Famba ni jaha leri ka ndhuna ya nyimpi, hikuva ri ni mhaka leyi ringatayitivisa ka ndhuna.”

Timhaka 24:23

Kutani alerisa ndhuna ya dzana ra masochwa kuhlayisa Pawulo jele, aku: “Mi munyika kutshunxekanyana, mingasiveli ni mun'we wa vanakulobze kutamupfuna hi svin'wana.”

Timhaka 25:12

Kutani loko Fexto avulavulile mhaka ni huvu, ahlamula aku: “Akombelile kuthethisiwa hi Khezari, ataya le ka Khezari.”

Timhaka 25:25

Loko ali mina, nikumile lesvaku anga na nandzu lowu afanelaka kutsemeliwa rifu ha wona; nasvona yena akombelile kuthethisiwa hi hosi leyikulu; hi kolaho nitsemile mhaka hi kuvula lesvaku afanele kurhumeliwa ka yona.

Timhaka 27:11

Hambi svilitano, ndhuna ya dzana ra masochwa yiyingisa mufambisi wa ngalawa ni n'winyi wa yona kutlula lesvivuliwaka hi Pawulo.

Timhaka 27:43

Kambe ndhuna yilava kuponisa Pawulo, kutani yisivela masochwa kuyendla svosvo; yilerisa lesvaku hinkwavu lavativaka kuhlambela, varhanga vatihoxa matini, vayahumelela saveni;

Timhaka 27:6

Kutani ndhuna yikuma kona ngalawa ya kuhuma le Alexandriya leyi yiyaka le Italiya, kutani ahinghenisa ka yona.

Timhaka 28:1

Kuteloko hi ponile hi ndlela yoleyo, hibzeliwa lesvaku xihlale xakona xivuliwa Malta.

Timhaka 28:16

Loko hifikile Roma, Pawulo apfumeleliwa kuva ni yindlo ya yena yexe, atshama ni sochwa leri rimurindzaka.

Vaheveru 13:24

Rungulani varhangeli va n'wina hinkwavu ni vahlawuliwa va Xikwembu hinkwavu. Lava vahumaka tikweni ra Italiya vamirungula.