Timhaka 26:16 - Testamente Leyimpsha Xichangana

¹⁶ Svosvi pfuka, uyima, utiya hi milenge; nitikombisile ka wena hikuva nitakuveka kuva mutirhi wa mina; utava mboni ya svilo lesvi ukoteke kunivona ha svona, ni ya lesvi nahalavaka kutikomba ka wena hi svona;

BIBELE Mahungu Lamanene

¹⁶ Sweswi pfuka, u yima hi milenge; ndzi tikombisile ka wena hikuva ndzi ta ku veka ku va nandza wa mina; u ta va mbhoni ya swilo leswi u koteke ku ndzi vona ha swona, ni ya leswi ndza ha lavaka ku tikomba ka wena ha swona;

Xitsonga (Bibele)

¹⁶ Sweswi pfuka, u yima hi milenge, hikuva ndzi tikombisile eka wena leswaku ndzi ku veka nandza ni mbhoni ya timhaka leti u ti voneke ni ya leti ndzi nga ta tivonakisa eka wena hikwalaho ka tona,

Timhaka 26:16 Iomraidhean Croise

Luka 1:2

vatirungulile hilaha na hina hingatitwa hakona ka lava vangava timboni ta tona ni malandza ya rito ra Xikwembu kahali kusunguleni;

Timhaka 1:17

Kasi Yudasi aahlayiwa xikarhi ka hina, nasvona aali mun'we wa hina ntirhweni.”

Timhaka 1:25

lesvaku ateka ndhawu ya Yudasi, ntirhweni wa vapostola lowu awutshikeke aya lomu angaya kona.”

Timhaka 20:24

Hambi svilitano, nivona lesvaku kulahlekeliwa hi vutomi, asvi na mhaka nikutsongo ka mina, loko ningakota ntsena kuheta lesvi ningarhumiwa kuyendla svona, ni ntirho lowu niwuyamukeleke ka Hosi Yesu, wa kuvula Evhangeli ya timpsalu ta Xikwembu.

Timhaka 21:19

Pawulo avaxeweta, avarungulela hinkwasvu lesvi Xikwembu xisviyendleke xikarhi ka vamatiko hi kutirha ka yena.

Timhaka 22:10

Kutani niku: ‘Hosi, nitayendla yini xana?’ Hosi yiku ka mina: ‘Pfuka uyima, uya Damaska; hi kona laha ungatabzeliwa hinkwasvu lesvi ufanelaka kusviyendla.’

Timhaka 23:11

Avusikwini lebzitlhantamaka, Hosi yitikomba ka Pawulo, yiku: “Tiyisa mbilu Pawulo, hikuva kukotisa lesvi uhumeseke vumboni lebzotiya henhla ka mina kola Yerusalema, svifanele lesvaku uhumesa vumboni lebzotano ni le Roma.”

Timhaka 26:15

Mina niku: ‘U mani, Hosi?’ Hosi yihlamula yiku: ‘Hi mina Yesu, lweyi umuxanisaka.

Timhaka 6:4

Loko hili hina, hitaya mahlweni ni svikhongelo, hivula ni Rito.”

Varhoma 1:5

Ha yena, hinyikiwile nkateko wa kuva vapostola vitweni ra yena, lesvaku vanhu va matiko hinkwawu vapfumela, vatlhela vayingisa;

Varhoma 15:16

kuva mutirhi wa Yesu Kriste xikarhi ka vamatiko. Mina, kufana ni Muprista, nivula Mahungu Lamanene ya Xikwembu lesvaku vamatiko vava mhamba leyiyamukelekaka ka xona, leyihlawulekisiweke hi Moya Lowokwetsima.

2 Vakorinto 4:1

Hikolaho lesvi Xikwembu, hi timpsalu ta xona, xingahirhuma kutirha ntirho wolowo, ahiheli mbilu.

2 Vakorinto 5:18

Hinkwasvu lesvi svihuma ka Xikwembu, lexingayendla lesvaku hivuyelelana na xona ha Kriste; kutani xihinyikile ntirho woyendla lesvaku vanhu vavuyelelana na xona.

Vagalatiya 1:12

Aniyikumanga ka munhu ni mun'we, anga kona ni mun'we lweyi anijondziseke yona. Yesu Kriste hi xiviri xa yena, hi yena lweyi angayihlavutela ka mina.

Vagalatiya 2:2

Nitlhantukele kona hi kuhlavuteliwa hi Xikwembu. Nivonanile ni vafambisi vakona hi tlhelo, kutani nivahlayela Evhangeli leyi niyitwaliseke ndzeni ka vamatiko. Aningalavi lesvaku lesvi nisvitirheke, ni lesvi nisvitirhaka svosvi, svihundzuka ntirho wa mahala.

Vaefesa 3:3

hikuva xitivisile xihundla xa makungu ya xona ka mina, nitsalile mhaka leyi hi kukomisa,

Vakolosa 1:23

Kambe mifanele kutiya kupfumeleni, na miyimile masungulweni yakona mingatsekatseki, na mingahambani ni kulangutela loku mikukumeke hi kutwa Evhangeli. Evhangeli leyi yitwalisiwile ka svivumbiwa hinkwasvu lesvinga hansi ka tilo, kutani mina Pawulo, ni yendliwile mutirhi wa yona.

Vakolosa 1:25

Niyendliwile mutirhi wa Kereke hi makungu ya Xikwembu lexinganinyika ntirho lowu hikolaho ka n'wina. Ntirho wakona i kujondzisa Rito ra Xikwembu,

Vakolosa 1:7

Mijondzisiwile svona hi Epafrasi, mutirhi-kulorhi lweyi arhandzekaka, lweyi atirhelaka Kriste hi kutshembeka matshan'wini ya hina.

1 Vatesalonika 3:2

Kutani hi mirhumele Timotewu makwerhu, lweyi atirhelaka Xikwembu kufana na mina ntirhweni wa Evhangeli ya Kriste; lesvaku atamitiyisa ni kumikhutaza kupfumeleni ka n'wina;

1 Timotiya 1:12

Nikhensa lweyi aninyikeke matimba yotirha ntirho lowu, Hosi ya hina, Kriste Yesu; hikuva anivonile na nili lweyi atshembekeke, hi kuniveka ntirhweni wa yena,

1 Timotiya 4:6

Loko uyandlala timhaka leti mahlweni ka vamakwerhu, utava nandza lwenene wa Kriste Yesu, utava lweyi awundliweke maritweni ya vupfumeli ni ya tijondzo letinene leti ufambeke ha tona.

2 Timotiya 4:5

Kambe loko ali wena, tiya minkama hinkwayu, yamukela kuxaniseka, tirha ntirho wa kuhiteka wa kuvula evhangeli, hetisa timfanelo ta ntirho wa wena.