Timhaka 10:1 - Testamente Leyimpsha Xichangana

¹ Doropeni ra Khezariya akuli ni munhu lweyi avaku i Korneliyo; aali ndhuna ya dzana ra masochwa ntlaweni lowuvuliwaka “wa Italiya”;

BIBELE Mahungu Lamanene

¹ Emutini wa Khezariya a ku ri ni munhu loyi a va ku i Korneliyo; a a ri ndhuna ya dzana ra masocha entlaweni lowu vuriwaka “wa Italiya”;

Xitsonga (Bibele)

¹ Emutini wa Khezariya a ku ri ni munhu loyi va nge i Korneliyo; a a ri ndhuna ya dzana entlaweni lowu vuriwaka Italiya;

Timhaka 10:1 Iomraidhean Croise

Matewu 27:27

Masochwa ya hosi mayisa Yesu ndlwini ya vuhosi, kutani vahlengeleta ntlawa hinkwawu wa masochwa, wumurhendzela.

Matewu 27:54

Loko ndhuna ya dzana ra masochwa ni lava avali na yona kurindza Yesu, vavona kutsekatseka ka misava ni lesvihumeleleke, vachava ngopfu, vaku: “Hakunene munhu lweyi aali N'wana wa Xikwembu.”

Marka 15:16

Masochwa mafamba na Yesu, mamuyisa ndlwini ya vuhosi; kutani mavitanana mayakona hinkwawu.

Luka 7:2

Akuli ni ndhuna ya dzana ra masochwa kona; ayili ni mutirhi lweyi yimurhandzaka ngopfu, kambe mutirhi lweyi aavabza, ali kusuhi ni kufa.

Yohane 18:12

Ntlawa wa masochwa ni ndhuna leyikulu ya wona ni valaveleli va Vayuda, vakhoma Yesu, vamuboha.

Yohane 18:3

Yudasi ateka ntlawa wa masochwa, ni valaveleli lava varhumiweke hi Vaprista lavakulu ni Vafarisi, vata ni tivoni ni svisosvani ni matlhari.

Timhaka 10:24

Siku leritlhantamaka, anghena Khezariya. Korneliyo aavalangutelile, avitanile ni maxaka ya yena ni vanghanu.

Timhaka 21:31

Loko vali karhi varingeta kudlaya Pawulo, ndhuna ya nyimpi yitwa lesvaku kupfukile mpfilumpfilu doropeni hinkwaru ra Yerusalema.

Timhaka 21:8

Hi siku leritlhantamaka, hisuka hiyafika Khezariya; kutani hinghena kaya ka Filipi, muvhangeli, mun'we wa lava va ntlhanu ni vambirhi, hitshama ka yena.

Timhaka 22:25

Kuteloko vamubohile lesvaku vatamuba, Pawulo aku ka ndhuna ya dzana ra masochwa leyi ayili kona: “Xana mapfumeleliwa kuba Muroma hi tinhonga, na angasi thethisiwa ke?”

Timhaka 23:23

Ndhuna ya nyimpi yivitana tindhuna timbirhi ta dzana ra masochwa, yiku ka tona: “Lungisani masochwa ya madzana mambirhi (200) ni vagadi va mahanchi va ntlhanu wa makume ni makume mambirhi (70) ni vavanuna va madzana mambirhi (200) lavatamelaka matlhari, vaya Khezariya; vatasuka hi nkarhi wa ntlhanu ni mune wa vusiku.

Timhaka 23:33

Loko vagadi vafikile Khezariya, vanyika hosi apapela, kutani vatisa Pawulo mahlweni ka yona.

Timhaka 25:1

Loko Fexto afikile tikweni lero, atshama masiku manharhu Khezariya, kutani asuka, atlhantukela Yerusalema.

Timhaka 25:13

Loko kuhundzile masiku mangali mangani, hosi Agripa na Bernike vata Khezariya kutaxeweta Fexto.

Timhaka 27:1

Kuteloko kutsemiwile lesvaku hitaya le Italiya hi ngalawa, vanyiketa Pawulo ni vabohiwa van'wana ka ndhuna ya dzana ra masochwa lweyi avaku i Xjuliyo, wa ntlawa lowuvuliwaka “wa hosi leyikulu”.

Timhaka 27:31

Kutani Pawulo aku ka ndhuna ni ka masochwa: “Loko vanhu lava vangatshami ngalaweni, amingaponi.”

Timhaka 27:43

Kambe ndhuna yilava kuponisa Pawulo, kutani yisivela masochwa kuyendla svosvo; yilerisa lesvaku hinkwavu lavativaka kuhlambela, varhanga vatihoxa matini, vayahumelela saveni;

Timhaka 8:40

Loko ali Filipi, atikuma na ali le Azoto; kutani afambafamba madoropeni hinkwawu na ali karhi apaluxa Evhangeli, akondza afika Khezariya.