Matewu 8:20 - Testamente Leyimpsha Xichangana

²⁰ Yesu amuhlamula aku: “Makhanga ma ni mincele, ni tinyanyana ti ni svisaka, kambe N'wana-wa-Munhu anga na laha angaseketelaka kona nhloko ya yena.”

BIBELE Mahungu Lamanene

²⁰ Yesu a n'wi hlamula a ku: “Vahlati va ni mincele, ni tinyanyana ti ni swisaka, kambe N'wana-wa-Munhu a nga na laha a nga seketelaka nhloko ya yena kona.”

Xitsonga (Bibele)

²⁰ Kutani Yesu a ku eka yena: “Timhungubye ti ni micele, ni tinyanyana ta le tilweni ti ni swisaka, kambe N'wana wa Munhu a nga na laha a nga seketelaka nhloko ya yena kona.”

Matewu 8:20 Iomraidhean Croise

Matewu 12:32

mani na mani lweyi angatajohela N'wana-wa-Munhu hi kumusandza, atarivaleliwa; kambe lweyi angatajohela Moya Lowokwetsima hi kuwusandza, angakala angarivaleliwi, hambi kuli nkarhini wa svosvi, hambi kuli nkarhini lowutaka.

Matewu 12:40

Hikuva hilaha Yonasi aheteke hakona masiku manharhu ni vusiku bzakona khwirini ra hlampfi leyikulu, N'wana-wa-Munhu na yena ataheta masiku manharhu ni vusiku bzakona hansi ka misava.

Matewu 12:8

hikuva N'wana-wa-Munhu i Hosi ya Savata.’”

Matewu 13:37

Avahlamula, aku: Lweyi abzaleke mbewu leyinene i N'wana-wa-Munhu;

Matewu 16:13

Loko Yesu afikile tikweni ra Khezariya wa Filipi, avutisa vajondzisiwa va yena, aku: “Xana vanhu vali, N'wana-wa-Munhu i mani ke?”

Matewu 16:27

Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena.

Matewu 17:9

Loko vahaxika hi le ntshaveni, Yesu avalerisa aku: “Mingatshukeni mibzela vanhu lesvi misvivoneke, kukondza N'wana-wa-Munhu atava apfukile kufeni.”

Matewu 19:28

Yesu aku ka vona: “Nitiyisile nili ka n'wina: Loko svilo hinkwasvu svitava svipfuxetiwile, ni loko N'wana-wa-Munhu atshamisile xiluvelweni xa yena lexokwetsima, n'wina lava minilandzeke, na n'wina mitatshama sviluvelweni sva khume ni svimbirhi, miyavanyisa tinyimba ta Israyele leti ta timbirhi.”

Marka 8:38

Lweyi anga ni tingana hikolaho ka mina ni marito ya mina rixakeni leri ra vawosvi ni vajohi, N'wana-wa-Munhu na yena atakhomiwa hi tingana hikolaho ka munhu lweyi siku leri angatavuya akukwetsimeni ka Tatana na ali ni tintsumi letokwetsima.”

Luka 12:8

“Namibzela lesvaku mani na mani lweyi anivulaka mahlweni ka vanhu, N'wana-wa-Munhu na yena atamuvula mahlweni ka tintsumi ta Xikwembu.

Luka 18:8

Nili ka n'wina: Xitahantlisa kuvatsemela mhaka ya vona. Kambe loko N'wana-wa-Munhu ata, xana atakuma kupfumela kuli kona misaveni ke?”

Luka 2:12

Xikombiso ka n'wina xitava lexi: Mitakuma xihlangi lexiphutseliweke hi tinguvu, na xilatiwile xigovolweni xa svifuyu.”

Luka 2:16

Kutani vahantlisa vaya kona, vayakuma Mariya na Yosefa ni xihlangi lexilatiweke xigovolweni.

Luka 2:7

Kutani aveleka n'wana wa yena wa mativula, wa mufana; amuphutsela hi tinguvu, amulata xigovolweni xa svifuyu, hikuva avapfumalile ndhawu ndlwini ya vayendzi.

Luka 21:36

Hitekani ke, mikhongela minkarhi hinkwayu, lesvaku mikuma matimba ya kupona ka svilo hinkwasvu lesvi svingatahumelela, ni kuyima na mitiyile mahlweni ka N'wana-wa-Munhu.”

Luka 8:3

na Jowana, nkata Khuza ndhuna ya Heroda, na Suzana, ni vavasati van'wana lavotala lava avatirhisa sva vona kupfuna Yesu ni vajondzisiwa va yena.

Luka 9:58

Yesu amuhlamula aku: “Makhanga mani mincele, ni tinyanyana ti ni svisaka, kambe N'wana-wa-Munhu anga na laha angakhigetelaka nhloko ya yena kona.”

Yohane 1:51

Yesu atlhela aku ka yena: “Nitiyisile nili ka wena: Mitavona tilo ripfulekile ni tintsumi ta Xikwembu na tili karhi titlhantukela ni kuxikela henhla ka N'wana-wa-Munhu.”

Yohane 12:34

Xitshungu ximuhlamula, xiku: “Hitwile Nawini lesvaku Mesiya atahanya hilaha kungaheliki; uvulisa kuyini wena, lesvi unge: ‘N'wana-wa-Munhu afanele kutlakuliwa’ xana? I mani N'wana-wa-Munhu lweyi ke?”

Yohane 13:31

Loko Yudasi ahumile, Yesu aku: “Svosvi N'wana-wa-Munhu adzunisiwile, na xona Xikwembu xidzunisiwile ka yena

Yohane 3:13

Aku na munhu lweyi atshamaka atlhantukela matilweni, loko angali lweyi axikeke hi le matilweni, yena N'wana-wa-Munhu.

Yohane 3:14

Kufana ni lesvi Moxe atshamaka ahayeka nyoka mananga, N'wana-wa-Munhu na yena afanela kuhayekiwa hi mukhuva wolowo.

Yohane 6:27

Mingatirheli svakuja lesvibolaka, kambe tirhelani svakuja lesvingaboliki, svinga lesvinyikaka vutomi lebzingaheliki. Svakuja lesvi, mitanyikiwa hi N'wana-wa-Munhu, hikuva hi yena lweyi Xikwembu Tatana ximufungeke hi mfungu wa xona.”

Yohane 6:53

Yesu aku ka vona: “Nitiyisile hakunene, nili ka n'wina: Loko mingaji nyama ya N'wana-wa-Munhu, ni loko minganwi ngati ya yena, amingatava ni vutomi ka n'wina ha n'wexe.

Yohane 6:62

Amitavula yini loko amovona N'wana-wa-Munhu loko atlhantukela laha aali kona kusunguleni?

Timhaka 7:56

Kutani aku: “Langutani! Nivona tilo ripfulekile, ni N'wana-wa-Munhu na ayimile vokweni ra xinene ra Xikwembu.”

2 Vakorinto 8:9

Matitiva timpsalu ta Hosi ya hina Yesu Kriste: Aafuwile, hambi svilitano ahundzukile xisiwana hikolaho ka n'wina, lesvaku miyendliwa vafuwi hi vusiwana bza yena.