Matewu 7:13 - Testamente Leyimpsha Xichangana

¹³ Nghenani hi nyangwa lowu wokhuma, hikuva nyangwa lowuyisaka kuloveni wuyanamile, ni ndlela leyi yiyaka kona, yiyanamile, kutani lavanghenaka hi yona vatele.

BIBELE Mahungu Lamanene

¹³ “Nghenani hi nyangwa leyo khuma, hikuva nyangwa leyi yisaka eku loveni yi ahlamile, ni ndlela leyi yaka kona, yi anamile, kutani lava nghenaka hi yona va tele.

Xitsonga (Bibele)

¹³ “Nghenani hi nyangwa le yo khuma, hikuva nyangwa ya ku lova yi ahlamile, ni ndlela leyi yaka kona yi anamile, kutani lava nghenaka kona va tele.

Matewu 7:13 Iomraidhean Croise

Matewu 23:13

“Yowee n'wina Vatsali ni Vafarisi, hikuva mi vakanganyisi! Hikuva mipfalela vanhu kunghena Mfun'wini wa matilo. N'wina amingheni ka wona, nasvona lavaringetaka kunghena amivatshiki.

Matewu 25:41

“Kutani Hosi yitabzela lavanga vokweni ra yona ra ximantsi yiku: ‘Sukani ka mina, n'wina lavarhukiweke; miya ndzilweni lowungatimekiki, lowulungiseliweke Diyavulosi ni tintsumi ta yena;

Matewu 25:46

Kutani volavo vataya kukhatisiweni lokungaheliki, kambe lavolulama vataya vuton'wini lebzingaheliki.”

Matewu 3:2

aku: “Hundzukani, hikuva Mfumu wa matilo wu le kusuhi.”

Matewu 3:8

Vekani mihandzu leyifambelanaka ni kuhundzuka ka n'wina.

Matewu 7:14

Kasi nyangwa lowuyisaka vuton'wini wukhumile svinene, ni ndlela leyi yiyaka kona yikamanile svinene, kutani lava vayikumaka avatalanga.

Luka 14:33

Kutani-ke mani na mani xikarhi ka n'wina lweyi angatshikiki lesvi anga na svona, angakala angakoti kuva mujondzisiwa wa mina.

Luka 9:33

Loko vavanuna lava vasuka vamusiya, Petrosi aku ka yena: “N'winyi wanga, svisasekile loko hingatshama kola; ahiyakeni mixaxa yinharhu, wun'we wa wena, wun'we wa Moxe, wun'wana wa Eliya.” Aangativi lexi axivulaka.

Yohane 10:9

Hi mina nyangwa. Loko munhu anghena ha mina, ataponisiwa; atanghena atlhela ahuma, akuma ni majelo.

Yohane 14:6

Yesu aku ka yena: “Hi mina ndlela, ni ntiyiso, ni vutomi; aku na munhu lweyi ataka ka Tatana, loko kungali ha mina.

Timhaka 3:19

“Loko svilitano, tilayeni, mitlhelela ka Xikwembu, lesvaku svijoho sva n'wina svirivaleliwa,

Varhoma 9:22

Kambe, hingakuyini ka svona, loko Xikwembu lexi axinavela kukomba kukariha ka xona ni kuyendla lesvaku ntamu wa xona wutiviwa, xivile ni mbilu leyoleha ngopfu, xilehisela svibza lesvi asvivumbeliwile kukarhateliwa ni kudlayeteliwa, xana?

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

2 Vakorinto 6:17

Hikolaho, Hosi yili: “Humani xikarhi ka vona, mihambana na vona; mingatshukeni mikhumba lesvinyameke, kutani nitamiyamukela.

Vagalatiya 5:24

Lavanga va ka Kriste Yesu va vambile nyama ni sva yona, svifa; avahasvihisekeli, avahasvinaveli.

Vafilipiya 3:19

Makumu ya vona i kulova; xikwembu xa vona i khwiri ra vona; vatidzunisa hi lesvi avatafanela kuva ni tingana ha svona; vayanakanya sva misava leyi ntsena.

1 Yohane 5:19

Hasvitiva lesvaku hi va Xikwembu, ni lesvaku misava hinkwayu yi le ka lweyi wobiha.

Nhlavutelo 12:9

Hi loko dragona lerikulu ricukumetiwa riyawela hansi, rona nyoka ya khale leyivuliwaka Diyavulosi kumbe Sathana, Mukanganyisi wa misava hinkwayu; ricukumetiwa riyawela hansi misaveni, tintsumi ta rona na tona ticukumetiwa kun'we na rona.

Nhlavutelo 13:8

Kutani vayaki hinkwavu va laha misaveni vataxigandzela; vanga lava mavito ya vona mangatsaliwangiki ka Buku ya Xinyempfana lexi xingadlawa kusukela kutumbulukeni ka matilo ni misava.

Nhlavutelo 20:15

Loko vito ra munhu ringakumiwi na ritsaliwile bukwini ya vutomi, munhu yelweyo ahoxiwa tiveni ra ndzilo.

Nhlavutelo 20:3

Yirihoxa kheleni, yipfala, yilema ndzeni, yiveka ni mfungu lesvaku ringahayi mahlweni hi kukanganyisa vanhu vamatiko, kukondza kuhundza malembe ya khulu (1 000). Ndzhaku ka svona, rifanela kutshunxiwa nkarhinyana.