Matewu 6:13 - Testamente Leyimpsha Xichangana

¹³ ungahitshiki hiwela amiringweni, kambe hiponise ka lesvobiha, [hikuva kufuma, ni matimba, ni kutwala, i sva wena hi masiku ni masiku. Amen.]

BIBELE Mahungu Lamanene

¹³ u nga hi yisi emiringweni, kambe u hi ponisa eka Lowo biha, [hikuva ku fuma, ni matimba, ni ku twala, i swa wena hi masiku ni masiku. Amen.’]

Xitsonga (Bibele)

¹³ U nga hi yisi emiringweni, kambe u hi lwela eka lowo biha.’

Matewu 6:13 Iomraidhean Croise

Matewu 26:41

Lavelelani na mili karhi mikhongela, lesvaku mingaweli amiringweni, hikuva moya wululamile, kambe nyama yitsanile.”

Matewu 28:20

mivajondzisa kuhlayisa hinkwasvu lesvi nimibzeleke svona; kutani vonani, ni na n'wina masiku hinkwawu, kukondza kuhela misava.”

Matewu 5:37

“Akuvulavuleni ka n'wina ‘Ina’ aave ‘Ina’, ‘Ahihim’ ava ‘Ahihim’. Lesvi yengeteleliwaka ka svosvo svihuma ka lweyi wobiha.”

Matewu 6:10

“akute kufuma ka wena; kurhandza ka wena akuyendliwe misaveni, tani hi loko kuyendliwa tilweni.

Yohane 17:15

Anikombeli lesvaku uvasusa misaveni, kambe hi lesvaku uvalwela ka lweyi wobiha.

1 Vakorinto 10:13

Amisihumeleliwa hi ndzingo lowutlulaka matimba ya munhu. Xikwembu xatshembeka, xingakala xingapfumeli lesvaku mihlangana ni ndzingo lowu wumihlulaka; loko wutshuka wumitela, xona xitaminyika matimba ya kutiyisela, mikondza mihuma ka wona.

1 Vakorinto 14:16

Hikuva loko ukhensa hi moya wa wena na uli wexe, xana munhu lweyi anga nhlengeletanweni atavulisa kuyini “Amen!” Kuhlamula xikhongelo xa wena xa kukhensa, lesvi angativiki lexi uxihlayaka ke?

2 Vakorinto 1:20

Hikuva, ka yena Xikwembu xitiyisa kutshembisa ka xona, xiku: “Ina!” Hikolaho hivulaka hiku: “Amen!” hi mhaka ya yena, kudzuniseni ka Xikwembu.

Vagalatiya 1:4

yena lweyi atinyiketeke hikolaho ka svijoho sva hina, lesvaku atahiponisa ka nguva leyobiha ya masiku lawa. Ayendle svosvo hi kuyingisa kurhandza ka Xikwembu Tatana wa hina;

1 Vatesalonika 1:10

Nasvona milangutela kuta ka N'wana wa xona Yesu hi le matilweni, lweyi ximupfuxeke xikarhi ka vafi, lweyi ahiponisaka kuyavanyiseni ka xona loku kutaka.

2 Vatesalonika 3:3

Kambe Hosi yatshembeka: Yitamitiyisa ni kumisirhelela ka lweyi wobiha.

1 Timotiya 1:17

Ka Hosi ya minkama hinkwayu, leyingaliki ni kufa, leyingavoniwiki, xona Xikwembu xili xoxe, akuve kuchaviseka ni kudzuneka, hilaha kungaheliki! Amen.

Vaheveru 11:36

Van'wana vaxanisiwile ni kutseketseliwa ni kubiwa, hambi kuli kubohiwa hi machini, vanghenisiwa jele.

1 Petro 5:8

Tikhomeni mihiteka. Nala wa n'wina anga Sathana, warhendzelekarhendzeleka kufana ni nghonyama leyibongaka, yilava lweyi yingamujaka.

2 Petro 2:9

Lesvi svihlaya lesvaku Hosi yasvitiva kuponisa vanhu va vukhongeli kukarhatekeni ka vona, ni kutshika vanhu lavohomboloka na vali kubiweni kufikela siku ra kuyavanyisa,

1 Yohane 3:8

Lweyi ajohaka i wa Diyavulosi, hikuva Diyavulosi i mujohi kusukela kusunguleni. Hi svolesvi sviyendleke lesvaku N'wana wa Xikwembu atikombisa lesvaku mitshunxiwa ka mintirho ya Diyavulosi.

Nhlavutelo 1:18

ni lweyi ahanyaka. Anifile, kambe vona, svosvi ni lweyi ahanyaka hilaha kungaheliki. Ni ni makhiya ya rifu ni ya hayidisi.

Nhlavutelo 19:1

Ndzhaku ka svosvo, nitwa lesvifanaka ni rito ra matimba, ra xitshungu lexikulu le tilweni, rihuwelela riku: “Haleluya! Kuhlayiseka ni kukwetsima ni matimba i sva Xikwembu xa hina,

Nhlavutelo 19:4

Kutani vakulukumba lava va makume mambirhi ni mune, vakhinsama vakorhama, vagandzela Xikwembu lexitshameke Xitshan'wini xa Vuhosi na vali ni svivumbiwa lesvihanyaka sva mune, vaku: “Amen, Haleluya!”

Nhlavutelo 2:10

Ungachavi lesvinga kusuhi ni kukutwisa kuvava. Vona, Diyavulosi alava kuhoxa van'wana va n'wina jele, lesvaku mitaringiwa, kutani mitava ni kuxaniseka loku kungataheta khume ra masiku. Vana lweyi atshembekaka kufika kufeni, kutani mina nitakunyika hari ya vutomi.

Nhlavutelo 21:4

Hikolaho Xikwembu xitasula minhloti hinkwayu matihlweni ya vona, ni rifu aringahatava kona; hambi mali mahlomulu kumbe kurila kumbe kuvaviseka asvingahatava kona, hikuva lesvosungula se svihundzile.”

Nhlavutelo 3:10

Lesvi ungahlayisa rito ra mina ra lesvaku ufanela kutiyisela, na mina nitakusirhelela nkarhini wa ndzingo lowu wungatata misaveni hinkwayu, kutaringa vayaki va misava.

Nhlavutelo 3:14

“Tsalela ni ntsumi ya kereke ya le Lawudokiya, uku: “‘Marito ya lweyi anga Amen, mboni leyitshembekeke ya ntiyiso, masungulu ya lesvitumbuluxiweke hi Xikwembu, hi lawa:

Nhlavutelo 5:13

Kutani nitwa svivumbiwa lesvinga tilweni ni la misaveni ni le hansi ka misava ni le lwandle, svinga svivumbiwa hinkwasvu sva ntumbuluku hinkwawu, svili karhi svikhensa sviku: “Ka lweyi atshameke xiluvelweni ni le ka Xinyempfana, akuve kukhensiwa ni kudzuneka ni kutwala ni matimba, hilaha kungaheliki.”