Matewu 5:12 - Testamente Leyimpsha Xichangana

¹² Tsakani, mitsakisisa, hikuva hakelo ya n'wina i yikulu matilweni; hikuva vaxanisise xisvosvo vaprofeta lava avali kona, na n'wina mingasivakona.”

BIBELE Mahungu Lamanene

¹² Tsakani, mi tsakisisa, hikuva hakelo ya n'wina i yikulu ematilweni; naswona va xanisise sweswo vaprofeta lava a va ri kona, n'wina mi nga si va kona.”

Xitsonga (Bibele)

¹² Tsakani, mi tsaka ngopfu hikuva hakelo ya n'wina i yikulu ematilweni, hikuva va xanisile sweswo vaprofeta lavo rhanga.

Matewu 5:12 Iomraidhean Croise

Matewu 16:27

Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena.

Matewu 6:16

Loko mititsona svakuja, mingasiqeni kufana ni vakanganyisi, lavasiqaka vaku vatavoniwa hi vanhu lesvaku va le kutitsoneni ka svakuja. Nitiyisile nili ka n'wina: Hakelo ya vona vayikumile.

Luka 13:34

“Yerusalema, Yerusalema, wena lweyi udlayaka vaprofeta, lweyi ukhandlaka hi maribze lavarhumiweke ka wena; i kangani na navelile kuhlengeleta vana va wena, kukotisa huku loko yihlengeleta sviciwana sva yona hansi ka timpapa ta yona, kambe awusvilavanga.

Luka 6:23

Sikwini rolero tsakani mitsakisisa, hikuva hakelo ya n'wina yitava leyikulu tilweni; nasvona vatatana va vona vayendlisile svosvo ka vaprofeta.

Luka 6:35

Kambe n'wina, rhandzani valala va n'wina, miyendlela vanhu lesvinene; lombani mingalanguteli kutlheliseliwa, kutani hakelo ya n'wina yitava leyikulu; mitava vana va Lweyi anga henhlahenhla, hikuva yena anitimpsalu ka lavangativiki kukhensa ni ka lavobiha.

Timhaka 16:25

Xikarhi ka vusiku, Pawulo na Silasi avakhongela, vadzunisa Xikwembu hi kuyimbelela tinsimu, kutani vabohiwa lavan'wana va vayingisa.

Timhaka 5:41

Loko vali vona, vahuma hubzeni na vatsakile, hikuva avakumiwile na vali lavafanelaka kusoliwa hikolaho ka vito ra Yesu.

Varhoma 5:3

Kungali svosvo ntsena, kambe hitikulisa ni le kuxanisekeni ka hina, hi kutiva lesvaku kuxaniseka kupsala kutiyisela,

1 Vakorinto 3:8

Lweyi abzalaka ni lweyi acheletelaka varingana, hambilesvi mun'wana ni mun'wana angatayamukela hakelo ya yena hi mpimo wa ntirho wa yena.

2 Vakorinto 4:17

Hikuva maxangu lawa mangaliki na kutika ngopfu, lawa manga ya nkamanyana ntsena, mahitisela kukwetsima loku kunga ni ntikelo svinene, lokungaheliki, lokutlulaka ngopfu mpimo hinkwawu.

Vafilipiya 1:29

Hikuva minyikiwile nkateko wotirhela Kriste, kungali ntsena hi lesvi mipfumeleke ka yena, kambe hi lesvi mixanisekaka hikolaho ka yena.

Vafilipiya 2:17

Hambi loko nifanela kutlhantekela vutomi bza mina henhla ka mhamba ya n'wina ya kupfumela, leyi migandzelaka Xikwembu ha yona, nitsakile ni kutlangela svin'we na n'wina hinkwenu.

Vakolosa 1:24

Svosvi-ke, nitsaka hi lesvi nixanisiwaka hikolaho ka n'wina; kutani, hi kuxaniseka ka mina mirini, nihetisa lesvipfumalekeke maxangwini ya Kriste, hikolaho ka miri wa yena, yinga Kereke.

Vakolosa 3:24

hikuva masvitiva lesvaku mitanyikiwa rifuwo hi Hosi, yili hakelo ya n'wina. Mi le kutirheleni ka Hosi ya hina Kriste.

1 Vatesalonika 2:15

Vayuda hi vona lavadlayeke Hosi Yesu ni vaprofeta, kutani na hina vahixanisile; avatsakisi Xikwembu, nasvona valwa ni vanhu hinkwavu.

Vaheveru 10:34

Mikombile timpsalu ka lava vapfaleliweke jele; nasvona misvitekile hi moya wa kutsaka loko svilo sva n'wina sviphangiwa, hikuva amitiva lesvaku mi ni rifuwo leritlulaka svosvo, leringatava kona hilaha kungaheliki.

Vaheveru 11:26

Ayehleketile lesvaku kurhuketeliwa hikolaho ka Mesiya i rifuwo leritlulaka vukosi hinkwabzu bza Gibita, hikuva aalangutela hakelo leyi yahataka.

Vaheveru 11:33

Vanhu lava, hi mhaka ya kupfumela, vahlulile matiko; vayavanyisile hi kululama, vakumile lesvi avatshembisiwile svona; vapfalile milomo ya tinghonyama.

Vaheveru 11:6

kutani handle ka kupfumela asvikoteki kutsakisa Xikwembu. Mani na mani lweyi alavaka kutshinelela Xikwembu afanele kupfumela lesvaku xiko na, ni lesvaku xihakela lava vaxilavaka.

Yakobo 1:2

Vamakwerhu, loko mihlangana ni miringo ya tinxakaxaka, yitekeni na yili mhaka ya kutsakisa svinene,

Yakobo 5:10

Loko milava xikombiso xa kulehisa mbilu maxangwini, vamakwerhu, landzani svikombiso sva vaprofeta lavavulavuleke hi vito ra Hosi.

1 Petro 4:13

Kambe tsakani hi lesvi miyaveliwaka kuvaviseka ka Kriste, lesvaku siku leri ahumelelaka kukwetsimeni ka yena, na n'wina mitatsaka mitsakisisa.