Matewu 4:24 - Testamente Leyimpsha Xichangana

²⁴ Kutani ndhuma ya yena yihangalaka tikweni hinkwaru ra Siriya. Vatisa hinkwavu lavavabzaka hi mavabzi ya tinxakaxaka ni lava vaxanisekaka ngopfu, kukota lava avali ni madimoni, ni lava avali ni rihuhe, ni lava va kulimala, kutani Yesu avahanyisa.

BIBELE Mahungu Lamanene

²⁴ Kutani ku twakala ka yena ku hangalaka etikweni hinkwaro ra Siriya. Va tisa hinkwavo lava vabyaka hi mavabyi ya tinxaka-xaka ni lava xanisekaka ngopfu, kukota lava nga ni mademona, ni lava nga ni rihuhe ra n'weti, ni lava nga lamala, kutani Yesu a va hanyisa.

Xitsonga (Bibele)

²⁴ Kutani ku twakala ka yena ku hangalaka eSiriya hinkwako. Va tisa eka yena hinkwavo lava nga tsakangiki, ni lava xanisekaka hi vuvabyi bya tinxakaxaka ni nhlomulo, ni lava ngi va ri ni rihuhu ra mademona, ni lava ngi va ri ni rihuhu ra n'weti, ni lava omeke swirho; yena a va hanyisa.

Matewu 4:24 Iomraidhean Croise

Matewu 12:22

Hi loko vatisa munhu lweyi aali ni dimoni; wa xifamahlo, nasvona ali mbheveve. Yesu amuhanyisa, kutani lweyi wa mbheveve avulavula, nasvona atlhela avona.

Matewu 14:1

Nkarhini wolowo, loko ndhuma ya Yesu yifikile tindleveni ta hosi Heroda,

Matewu 15:22

Kutani kuhumelela wansati lweyi aata hi le migangeni ya kusuhi na Kanana ahuwelela, aku: “Nitwele vusiwana, Hosi N'wana Davhida! N'wana wa mina wanhwanyana axanisiwa ngopfu hi madimoni.”

Matewu 17:15

“Hosi, twela n'wana wa mina vusiwana, hikuva axanisiwa ngopfu hi vuvabzi bza n'weti; hakanyingi awela ndzilweni, ni le matini.

Matewu 17:18

Hi loko Yesu akhahla dimoni, kutani dimoni rihuma ka lweyi wajaha; kusukela nkarhi wolowo jaha leriya riva rihanyile.

Matewu 4:23

Yesu arhendzeleka hi tiko hinkwaru ra Galileya, na ali karhi ajondzisa masinagogeni ya vona, apaluxa Evhangeli ya Mfumu, ahanyisa mavabzi hinkwawu, ni kukarhateka hinkwaku loku vanhu avali nakona.

Matewu 8:28

Loko afikile ka tlhelo rin'wana ra tiva tikweni ra Vagadala, atlhangavetiwa hi vanhu vambirhi lava avali ni madimoni, vahuma hi le masirheni; avachavisa ngopfu, kuli hava munhu ni mun'we lweyi aatiya kuhundza hi ndlela yoleyo.

Matewu 8:33

Varisi, vona, vabaleka, vaya doropeni, vayarungula hinkwasvu, ni lesvi svihumeleleke ka lava avali ni madimoni.

Matewu 8:6

yiku: “Hosi, mutirhi wa mina ayo lakahla ndlwini, awome svirho, axaniseka ngopfu.”

Matewu 9:26

Marungula ya mhaka yoleyo matwakala tikweni lero hinkwaru.

Matewu 9:35

Kutani Yesu arhendzeleka hi madoropa ni svidoropana hinkwasvu, ali karhi ajondzisa masinagogeni ya vona, achumayela Evhangeli ya Mfumu, ahanyisa hinkwavu lava vaxanisiwaka hi mavabzi ya tinxakaxaka.

Marka 1:28

Hi loko ndhuma ya yena yihantla yihangalaka matlhelweni hinkwawu ya Galileya.

Marka 1:32

Nimajambu, loko ripela, vamutisela hinkwavu lava avali ni mavabzi ni lava avali ni madimoni.

Marka 2:3

Kutani kufika ka yena lavatisaka munhu wa kukhwanyala svirho, arhwaliwile hi mune wa vanhu.

Marka 2:4

Vona hi kutsandzeka kumufikisa ka Yesu hi kutala ka vanhu, vahahlula lwangu ra yindlo leyi aalikayona. Loko varihahlulile, vaxixa rihlaka leri lweyi wa kukhwanyala svirho aayetlelile ka rona.

Marka 2:9

Kuyampsa yini ke? Loko niku ka lweyi wa kukhwanyala svirho: ‘Urivaleliwile svijoho sva wena’, kumbe loko niku ka yena: ‘Pfuka, uteka rihlaka ra wena, ufamba’ xana?

Luka 2:2

Kutsalisa loku korhanga kuyendliwile nkarhini lowu Kirinu aafuma Siriya.

Luka 4:14

Yesu atlhelela Galileya hi matimba ya Moya; kutani ndhuma ya yena yihangalaka matlhelweni hinkwawu ya tiko.

Luka 4:38

Kutani Yesu ahuma sinagogeni, anghena kaya ka Simoni; kambe mamana wa nkata Simoni aakhomiwile hi kuhiseta ka miri, kutani vamukombelela ka Yesu.

Luka 5:15

Kutani lesvi asvivuliwa mayelanu na yena, asvihangalaka, ni ndhuma ya Yesu yitwakala ngopfu; xitshungu lexikulu xitatamuyingisa, ni kuhanyisiwa hi yena.

Luka 5:24

Svosvi mitativa lesvaku N'wana-wa-Munhu a ni matimba misaveni ya kurivalela vanhu svijoho.” Hi loko aku ka lweyi wa kukhwanyala svirho: “Nili ka wena: Pfuka uteka rihlaka ra wena umuka.”

Luka 7:17

Kutani ndhuma ya yena yihangalaka tikweni hinkwaru ra Vayuda ni le matikweni lawa manga kusuhi na rona.

Yohane 10:21

Kambe van'wana avaku: “Marito lawa ahi ya munhu lweyi anga ni dimoni. Xana dimoni ringapfula mahlo ya lavo vangafa mahlo, ke?”

Timhaka 10:38

mitiva ni ta Yesu wa Nazareta, ni hilaha Xikwembu xicheleke hakona Moya Wokwetsima ni matimba henhla ka yena. Aafambafamba hinkwaku, na ali karhi ayendla lesvinene, ahanyisa hinkwavu lava vaxanisiwaka hi Diyavulosi, hikuva Xikwembu axili na yena.

Timhaka 15:23

Vafamba ni papela leringe: “Hina vapostola ni vakulukumba, hinga vamakwavu Hosini, ka n'wina vamakwerhu mingavelekiwa na mili vamatiko, n'wina mingale Antiyoka, ni le Siriya, ni le Kilikiya: Xeweni!

Timhaka 15:41

Kutani atsemakanya matiko ya Siriya na Kilikiya, na ali karhi atiyisa tikereke.

Timhaka 28:9

Loko mhaka leyi yihumelelile, timbabzi tin'wana ta xihlale, tita, tihanyisiwa hinkwatu na vona.

Timhaka 8:7

hikuva mimoya ya chaka ayihuma ka vanhu lavanyingi lava avali na yona, na yilikarhi yihuwelela hi rito leritlakukeke, nasvona lavanyingi lava vakuwoma svirho, ni svilima, avahanyisiwa.