Matewu 26:10 - Testamente Leyimpsha Xichangana

¹⁰ Hikuva Yesu ativa kuvilela ka vona, aku ka vona: “Xana wansati lweyi mimukarhatela yini ke? Aniyendlele ntirho lowunene.

BIBELE Mahungu Lamanene

¹⁰ Yesu a tiva ku vilela ka vona, kutani a ku ka vona: “Xana wansati loyi mi n'wi karhatela yini xana? U ndzi endlele ntirho lowo saseka.

Xitsonga (Bibele)

¹⁰ Kambe Yesu a swi tiva, kutani a ku eka vona: “Mi vavisela yini wansati loyi kasi u ndzi tirherile ntirho lowunene;

Matewu 26:10 Iomraidhean Croise

Matewu 26:11

Hikuva, loko svili svisiwana, mitava na svona hi masiku hinkwawu, kambe mina, ningakala ningavi na n'wina hi masiku hinkwawu.

Matewu 26:9

Amataxavisiwa hi male leyotala, kutani yinyikiwa svisiwana.”

Marka 14:6

Kambe Yesu aku: “Mutshikeni, mimukarhatela yini? Aniyendlele ntirho lowunene.

Luka 8:49

Aku ahavulavula, kuta mun'we lweyi ahumaka ka murhangeli wa sinagoga, afika ativisa Jayiro aku: “N'wana wa wena afile, ungahakarhati Mujondzisi.”

2 Vakorinto 9:8

Xikwembu xi ni matimba ya kuminyika hinkwasvu lesvi misvipfumalaka, ni kutlula kolaho, mitakota kupfuna ntirhweni wihi ni wihi lowunene, hikuva minkama hinkwayu mikuma lesvi svimiringanaka hi matlhelo hinkwawu,

Vagalatiya 1:7

Kasi Evhangeli yin'wana ayikona. Nihlaya lesvi hikuva ku ni van'wana lava vamipfilunganyisaka tinhloko, lavaringetaka kujikisa Evhangeli ya Kriste.

Vagalatiya 5:12

Asvitava svona loko vanhu lava vamipfilunganyisaka, vangayimi kolaho, kambe vatitshena xikan'we.

Vagalatiya 6:17

Kusukela svosvi, aningahakarhatiwi hi munhu hikuva svivati lesvi ninga na svona mirini, i mfungu wa lesvaku ni xikarawa xa Yesu.

Vaefesa 2:10

Hikuva hina hivumbiwile hi Xikwembu, kutani, ka Yesu Kriste, Xikwembu xihivumbele kutirha mintirho leyinene, leyi xihilungiseleke yona khale, lesvaku hitayendla yona.

Vakolosa 1:10

hi ndlela leyi, mitahanya vutomi lebzi bzifanelaka Hosi, miyitsakisa timhakeni hinkwatu, miveka mihandzu hi kutirha mintirho leyinene ya tinxakaxaka, miya mikula hi tlhelo ra kutiva Xikwembu.

2 Vatesalonika 2:17

vangatiyisa timbilu ta n'wina, vaminyika matimba ya kuyendla ni kuvulavula hinkwasvu lesvinga svinene.

1 Timotiya 3:1

Rito leri ritiyile, leringe: Loko munhu anavela kuva murisi wa kereke, anavela ntirho lowunene.

1 Timotiya 5:10

nakona afanele kuva ni vumboni lebzitwalaka hi tlhelo ra mintirho leyinene ya yena, kufana ni kuwundla vana hi ndlela yakona, ni kutsakela vayendzi, ni kuhlampsa milenge ya vahlawuliwa va Xikwembu, ni kupfuna lava vaxanisekaka, ni kutshama na ali karhi ayendla lesvinene hi matlhelo hinkwawu.

2 Timotiya 2:21

Hikolaho, loko munhu atibasisa ka svilo lesvitsongo, atava xibza xotirha lesvikulu svodzuneka, lexihlawulekeke ni kupfuna n'winyi wa yindlo, xiyimela kutirha ntirho wihi ni wihi lowunene.

Tito 1:16

Hi milomo ya vona, vavula lesvaku vativa Xikwembu, kambe hi mintirho ya vona vaxilandzula. Hikolaho vanyenyentsa, vayala kuyingisa, avakoti kuyendla ntirho ni wun'we lowunene.

Tito 2:14

Hi yena lweyi atinyiketeke hikolaho ka hina, lesvaku ahikutsula kuhombolokeni hinkwaku, ahiyendla vanhu lavatengeke, lava vanga va yena ntsena, ni lava vachivirikelaka kuyendla lesvinene.

Tito 3:1

Tsundzuxa lava uvajondzisaka kutitsongahata ka vafumi ni ka tihosi, ni kutiyingisa, vatshama vatilungiselile kutirha mintirho hinkwayu leyinene;

Tito 3:14

Valekwerhu avajondze kuchivirikela mintirho leyinene, vatapfuna lomu kupfumaliwaka ngopfu; vangatshuki vahanya vutomi lebzingapfuniki nchumu.

Tito 3:8

Mhaka leyi yitiyile. Kutani nilava lesvaku utiyisa timhaka leti svinene, lesvaku lava vapfumeleke ka Xikwembu, valava tindlela ta kutinyiketa, vatirha mintirho leyinene. Hi svona lesvinga svinene, lesvipfunaka vanhu.

Vaheveru 13:21

ingi xingamilongisa hinkwasvu lesvinene lesvingatamipfuna kuyendla kurhandza ka xona, na xili karhi xitirha ka hina lesvi xisvitsakelaka, ha Yesu Kriste. Ka xona akuve kudzuneka hi masiku ni masiku. Amen!

1 Petro 2:12

Hanyani hi mukhuva lowolulama xikarhi ka vamatiko, lesvaku loko vatshuka vamilumbeta, vaku mivajohi, vatavona mintirho ya n'wina leyosaseka, vadzunisa Xikwembu, hi siku leri xingatata ha rona.