Matewu 25:41 - Testamente Leyimpsha Xichangana

⁴¹ “Kutani Hosi yitabzela lavanga vokweni ra yona ra ximantsi yiku: ‘Sukani ka mina, n'wina lavarhukiweke; miya ndzilweni lowungatimekiki, lowulungiseliweke Diyavulosi ni tintsumi ta yena;

BIBELE Mahungu Lamanene

⁴¹ “Kutani Hosi yi ta byela lava nge vokweni ra yona ra ximatsi yi ku: ‘Sukani ka mina, n'wina lava rhukaniweke hi Xikwembu; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Xitsonga (Bibele)

⁴¹ “Kutani u ta ku eka lava nga evokweni ra yena ra ximatsi: ‘Sukani ha mina, n'wina lava rhukaniweke; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Matewu 25:41 Iomraidhean Croise

Matewu 13:40

Kukotisa loko mfava wutsuvuliwile, wuya hisiwa ndzilweni, svitava tano akuheleni ka misava.

Matewu 13:42

titavacukumeta kheleni ra ndzilo, laha minkosi yingatava kona, ni kuketsela ka matinyo.

Matewu 13:50

lavobiha titavacukumeta kheleni ra ndzilo, laha minkosi yingatava kona, ni kuketsela ka matinyo.

Matewu 18:8

Loko voko ra wena kumbe nenge wa wena svikukhunguvanyisa, svitseme, usvicukumeta kule na wena; hikuva svingayampsa loko unghena vuton'wini na uli xilima kumbe na ukhwita, kutlula kuhoxiwa ndzilweni lowungatimekiki na uli ni milenge yimbirhi kumbe mavoko mambirhi.

Matewu 25:42

hikuva anili ni ndlala, aminifihlutanga; anili ni torha, amininyikanga ninwa;

Matewu 25:46

Kutani volavo vataya kukhatisiweni lokungaheliki, kambe lavolulama vataya vuton'wini lebzingaheliki.”

Matewu 3:12

Rihlelo ri le vokweni ra yena; ataphepheta hinkwasvu lesvinga xibulelweni xa yena, kutani atrigu, atarichela tshaleni ra yena; kambe muhungu wona, atawuhisa ndzilweni lowungatimekiki.”

Matewu 4:10

Hi loko Yesu aku ka yena: Suka Sathana, hikuva kutsaliwile lesvi: “‘Utagandzela Hosi, Xikwembu xa wena, utirhela xona ntsena.’”

Matewu 5:22

“Kambe mina nili ka n'wina: Mani na mani lweyi akarhiyelaka makwavu, atafanela kuyavanyisiwa; lweyi ange ka makwavu: ‘U xiphukuphuku!’ Afanela kuyisiwa ka muyavanyisi; lweyi ange ka yena: ‘Xihunguki ndziwena!’ Afaneliwa hi ndzilo wa Tihele.”

Matewu 7:23

Nkarhini wolowo nitavabzela rivaleni, niku: Animitivanga, ni siku ni rin'we; sukani ka mina, n'wina lavayendlaka lesvobiha!

Luka 13:27

Yena atayengeta amihlamula aku: ‘Anitivi lesvaku mihuma kwihi; sukani ka mina, n'wina hinkwenu lavayendlaka lesvingalulamangiki.’

Luka 16:24

Kutani ahuwelela aku: ‘Tatana Abrahamu, nitwele vusiwana, rhuma Lazaru lesvaku apeta xintihwana xa yena matini, atitimeta ririmi ra mina, hikuva nivaviseka ngopfu malangavini lawa!’

Yohane 8:44

Tatana wa n'wina i Diyavulosi, kutani mitsakela kuyendla kurhandza ka tatana wa n'wina. Aali mudlayi ni le kusunguleni. Angatshamanga ntiyisweni, hikuva kuhava ntiyiso ka yena. Loko avulavula mavunhwa, akombisa lesvi anga svona, hikuva i muhembi, ni tatana wa mavunhwa.

2 Vatesalonika 1:7

kutani xitaminyika kuhumula svin'we na hina, n'wina mixanisiwaka; xitayendla svosvo siku leri Hosi Yesu ahumelelaka hi le tilweni, svin'we ni tintsumi ta yena ta matimba

2 Vatesalonika 1:9

Vanhu lava vatayavanyisiwa hi kuyisiwa kuwonhekeni lokungaheliki, ni nghohe ya Hosi avangayivoni, hambi mali matimba ya yona layokwetsima.

Vaheveru 6:8

Kambe loko yimilisa mintwa ni svihlehlwana, ayipfuni nchumu, kutani yilekusuhi ni kurhukiwa; makumu ya yona i kuhisiwa.

2 Petro 2:4

Xikwembu axitsetselelanga tintsumi loko tijohile, kambe xiticukumetile Tiheleni, ni kutinghenisa na tibohiwile axivandleni xa vafi, laha tipfaleliweke kona kuyafika siku ra kuyavanyisa,

1 Yohane 3:10

Hikolaho, kuvonekaka lava vanga vana va Xikwembu ni lava vanga vana va Diyavulosi: Mani na mani lweyi angayendliki lesvinene, lweyi angarhandziki makwavu ahi wa Xikwembu.