Matewu 21:31 - Testamente Leyimpsha Xichangana

³¹ Xana ka vona lavambirhi, hi wihi lweyi angayendla kurhandza ka tatana wa yena ke?” Vaku ka yena: “Hilweyi worhanga.” Yesu aku ka vona: Nitiyisile nili ka n'wina: Vahakelisi va rhesa ni tinghwavana vamirhangela kunghena Mfun'wini wa Xikwembu.

BIBELE Mahungu Lamanene

³¹ Xana eka vona lavambirhi, hi wihi loyi a nga endla ku rhandza ka tata wa yena xana?” Va ku ka yena: “Hi lowo rhanga.” Yesu a ku ka vona: “Ndzi tiyisile ndzi ri ka n'wina, valuvisi ni tinghwavava va mi rhangela ku nghena eMfun'weni wa Xikwembu.

Xitsonga (Bibele)

³¹ Xana eka vona vambirhi, hi wihi la nga endla ku rhandza ka tata wa yena?” Va ku eka yena: “Hi lowo rhanga.” Yesu a ku eka vona: “Kunene ndza mi byela, ndzi ri: Valuvisi ni vavasati va vuoswi va mi rhangela eku fumeni ka Xikwembu.

Matewu 21:31 Iomraidhean Croise

Matewu 12:50

hikuva mani na mani lweyi ayendlaka kurhandza ka Tatana wa mina lweyi anga matilweni, hi yena makwerhu waxinuna, ni waxisati, na mamana.”

Matewu 18:3

“Nitiyisile nili ka n'wina: Loko mingahundzuki mifana ni vatsongwana, amingangheni Mfun'wini wa matilo.

Matewu 20:16

Yesu atlhela aku: Hi mukhuva wolowo, valendzhaku vatava va le mahlweni, ni va le mahlweni vatava va le ndzhaku.

Matewu 21:30

Tatana wa yena aya ka lweyi mun'wana, amubzelisa svosvo. Yena ahlamula aku: ‘Nitaya tatana!’ Kambe, angayi.

Matewu 5:18

Nimibzela ntiyiso, nili ka n'wina: Tilo ni misava svingasinyamalala, yota , kumbe xindzhatana, hambi xili xin'we, xingakala xingasusiwi Nawini, kukondza svilo hinkwasvu svitava svihetisekile.

Matewu 5:46

Loko mirhandza lava vamirhandzaka ntsena, xana mingalangutela hakelo muni ke? Na vona vahakelisi va rhesa avayendlisi svosvo xana?

Matewu 6:5

Nasvona loko mikhongela, mingafaneni ni vakanganyisi; hikuva vona varhandza kukhongela na vayimile masinagogeni ni le mahlanganwini ya tindlela, lesvaku vatavoniwa hi vanhu. Nitiyisile nili ka n'wina: Hakelo ya vona se vayikumile.

Matewu 7:21

“Ahi hinkwavu lavango ka mina: ‘Hosi, Hosi’ vangatanghena Mfun'wini wa matilo, kambe kutanghena lavayendlaka kurhandza ka Tatana wa mina lweyi anga matilweni.”

Matewu 9:9

Loko Yesu asukile kolaho, aya mahlweni, kutani avona munhu lweyi avaku i Matewu na atshamile ndlwini ya kuhakelisa rhesa, aku ka yena: “Nilandze!” Hi loko Matewu asuka ayima amulandza.

Luka 15:10

Namibzela lesvaku, hi mukhuva wolowo, tintsumi ta Xikwembu tatsaka svinene loko mujohi hambi alimun'we ahundzuka.”

Luka 19:22

Hosi yihlamula yiku: ‘Wena mutirhi lwewobiha, nitakuyavanyisa hi kuvulavula ka wena. Awusvitiva lesvaku ni munhu wo nonon'hwa, ni lesvaku niteka lexi ningaxivekangiki, ni kutshovela lexi ningaxibzalangiki!

Luka 7:29

Vanhu hinkwavu, kun'we ni vakangayisi, avayingisa Yesu; avayendlile kurhandza lokunene ka Xikwembu hi kukhuvuliwa hi Yohani.

Yohane 3:3

Yesu amuhlamula aku: “Nitiyisile nili ka wena, aku na munhu lweyi angatavona Mfumu wa Xikwembu, loko angatlhelanga apsaliwa ra vumbirhi.”

Yohane 3:5

Yesu amuhlamula aku: Kunene, nili ka wena: Loko munhu angapsaliwi hi mati ni Moya angakala angangheni kufumeni ka Xikwembu.

Timhaka 17:30

Hambi svilitano, Xikwembu xitshikile minkama ya kupfumala kutiva yihundza, kutani svosvi, matikweni hinkwawu xileleta vanhu lesvaku vahundzuka hinkwavu.

Varhoma 3:19

Hasvitiva lesvaku hinkwasvu lesvi Nawu wuhlayaka svona svikongoma lava vativaka Nawu, lesvaku vanhu hinkwavu vapfaliwa milomo, ni lesvaku misava hinkwayu yiyisiwa kuthethisiweni mahlweni ka Xikwembu.

Varhoma 5:20

Nawu wunghenile lesvaku vubihi bziyandza; kambe laha kujoha kutaleke kona, ntalu wa timpsalu wuvile kona hi kutlulisa;

2 Petro 3:9

Hosi ayihlweli kuyendla lesvi yingatshembisa svona, hilaha van'wana vatwisisaka “kuhlwela” hakona, kambe yilehisa mbilu hikolaho ka n'wina; ayilavi lesvaku ni mun'we wa n'wina alahleka, kambe yilava lesvaku hinkwavu vata kuhundzukeni.