Matewu 16:24 - Testamente Leyimpsha Xichangana

²⁴ Yesu atlhela aku ka vajondzisiwa va yena: Loko munhu alava kunilandza aatitshike, atirhwexa xihambanu xa yena, kutani anilandza,

BIBELE Mahungu Lamanene

²⁴ Yesu a engeta a ku ka vadyondzisiwa va yena: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza,

Xitsonga (Bibele)

²⁴ Yesu a engeta a ku eka vadyondzisiwa va yena: “Kungakuloko munhu a rhandza ku ndzi landza, a a titshike, a tirhwalela xihambano xa yena, a ndzi landza hi le ndzhaku.

Matewu 16:24 Iomraidhean Croise

Matewu 10:38

Nasvona, lweyi angatekiki xihambanu xa yena anilandza anganifaneli.

Matewu 27:32

Loko vali karhi vahuma, vahlangana ni mun'we wa nuna wa Kirene, lweyi avaku i Simoni, vamusindzisa kurhwala xihambanu.

Marka 10:21

Kuteloko Yesu amulangutile, amurhandza, kutani aku ka yena: “Wahapfumala xilo xin'we ntsena; famba, uyaxavisa hinkwasvu lesvi unga na svona, unyika svisiwana, kutani utava ni rifuwo tilweni; ndzhaku ka lesvo, tana unilandza.”

Marka 15:21

Vamuyisa handle ka doropa kuyamuvamba. Vahlangana ni wanuna mun'we lweyi aahundza kolaho na ata hi le masin'wini, kutani vamusindzisa kurhwala xihambanu xa Yesu. Wanuna lweyi aali Simoni wa Kirene, tatana wa Alexandre na Rufo;

Marka 8:34

Kuteloko avitanile xitshungu ni vajondzisiwa va yena, aku ka vona: “Loko munhu alava kunilandza, aatitshike, atirhwexa xihambanu xa yena, kutani anilandza.

Luka 14:27

Kutani lweyi angarhwaliki xihambanu xa yena anilandza, angesvikoti kuva mujondzisiwa wa mina.

Luka 23:26

Loko vali karhi vafamba na yena, vakhoma mun'we lweyi avaku i Simoni, wa Kirene, lweyi aavuya hi le masin'wini; vamurhwexa xihambanu xa Yesu, kutani Simoni alandza Yesu hi le ndzhaku.

Yohane 19:17

kutani ahuma na atirwalele xihambanu xa yena, aya ndhawini leyi avaku i “Ndhawu ya Pala”, leyi hi Xiheberu vange i “Gologota”.

Yohane 21:19

Aavulisa svosvo hi kuringanisa rifu leri Petrosi angatadzunisa Xikwembu ha rona. Loko Yesu avulile svosvo, aku ka yena: “Nilandze!”

Yohane 21:22

Yesu aku ka yena: “Loko nilava lesvaku atshama nikondza nivuya, svingava yini ka wena ke? Wena, nilandze!”

Timhaka 14:22

na vali karhi vatiyisa timbilu ta vajondzisiwa, vavakhongotela kutiyisela kupfumeleni, vaku: “Amfun'wini wa Xikwembu, hifanele kunghena hi maxangu lamanyingi.”

Vakolosa 1:24

Svosvi-ke, nitsaka hi lesvi nixanisiwaka hikolaho ka n'wina; kutani, hi kuxaniseka ka mina mirini, nihetisa lesvipfumalekeke maxangwini ya Kriste, hikolaho ka miri wa yena, yinga Kereke.

1 Vatesalonika 3:3

ni lesvaku kungavi na mun'we lweyi atsekatsekisiwaka hi kuxaniseka loku; hikuva masvitiva na n'wina lesvaku hi svona lesvi hiyaveliweke svona.

2 Timotiya 3:12

Hakunene, hinkwavu lavanavelaka kuhanya vutomi bza vukhongeli ka Kriste Yesu, vataxanisiwa;

1 Petro 2:21

Mivitaneliwe svona, hikuva Kriste na yena atwile kuvaviseka hikolaho ka n'wina, amiboxela ndlela lesvaku mitamulandzelela.