Matewu 13:22 - Testamente Leyimpsha Xichangana

²² Mbewu leyihaxiweke mintweni svifana ni loko munhu atwa Rito; kambe kuvilela hi sva misava ni kukanganyisiwa hi rifuwo svikamanyeta Rito, kutani ritsandzeka kuveka mihandzu.

BIBELE Mahungu Lamanene

²² Mbewu leyi haxiweke emitweni, swi fana ni loko munhu a twa Rito; kambe ku vilela hi swa misava ni ku kanganyisiwa hi rifuwo swi kamanyeta Rito, kutani ri tsandzeka ku veka mihandzu.

Xitsonga (Bibele)

²² Loko a ri loyi a byariweke emitweni, i munhu la yingisaka rito, kambe a tikarhatela swilo swa misava, ni ku kanganyisiwa hi xuma; kutani swi tsondziyela rito, ri ko ri nyumba.

Matewu 13:22 Iomraidhean Croise

Matewu 12:32

mani na mani lweyi angatajohela N'wana-wa-Munhu hi kumusandza, atarivaleliwa; kambe lweyi angatajohela Moya Lowokwetsima hi kuwusandza, angakala angarivaleliwi, hambi kuli nkarhini wa svosvi, hambi kuli nkarhini lowutaka.

Matewu 13:39

Nala lweyi abzaleke mfava i Diyavulosi; kutshovela i kuhela ka misava, vatshoveli vona i tintsumi.

Matewu 13:40

Kukotisa loko mfava wutsuvuliwile, wuya hisiwa ndzilweni, svitava tano akuheleni ka misava.

Matewu 13:7

Timbewu tin'wana tiwela xikarhi ka mintwa; loko mintwa yikula, yitikamanyeta.

Luka 12:15

Kutani aku ka vona: “Tlharihani mitivonela ka makwanga wahi ni wahi, hikuva vutomi bza munhu abzihumi ka svilo lesvi asvifuweke hambi loko svimutalele ngopfu.”

Luka 12:21

Yesu aheta hi kuvula lesvi: “Svitano ni ka lweyi atihlengeletelaka xuma, kambe angafuwanga ka Xikwembu.”

Luka 21:34

“Tivoneleni lesvaku timbilu ta n'wina tingatikeliwi hi makolo ni vudakwa, ni kuvilela hi sva vutomi lebzi, nasvona tivoneleni lesvaku siku lero ringafiki hi xitshuketa;

Luka 8:14

Timbewu letingawela mintweni, i vanhu lavatweke Rito, kambe loko vali karhi vaya mahlweni, vakamanyetiwa hi kuvilela, ni rifuwo, ni kutitsakisa hi sva vutomi lebzi, kutani vangaveki mihandzu leyiwupfaka.

Timhaka 8:18

Loko Simoni avona lesvaku Moya Wokwetsima wunyikiwa hi kutlhantekiwa mavoko hi vapostola, avatshembisa male, aku:

Varhoma 12:2

Mingalandzeni hanyela ra nguva leyi, kambe mipfumela kuhundzuka miva vampsha kupimiseni ka n'wina, mitakota kutwisisa lesvi kurhandza lokunene ka Xikwembu, lokukhensekaka ni kuhetiseka, kunga svona.

1 Vakorinto 1:20

Yi kwihi ntlhari ke? A kwihi mutsali xana? Lweyi atsakelaka kuphikizana ni van'wana hi sva misava leyi, a kwihi ke? Xana Xikwembu axikombanga lesvaku vutlhari bza misava leyi i vuhunguki ke?

1 Vakorinto 2:6

Hambi svilitano, hivulavula hi sva vutlhari xikarhi ka lavakuleke moyeni, bzingali vutlhari bza minkama leyi, kumbe bza tihosi ta minkama leyi, hikuva va le kuhelisiweni;

1 Vakorinto 2:8

Aku na ni mun'we wa tihosi ta minkama leyi, lweyi abzitwisiseke; loko avabzitwisisile, ingi vangavambanga Hosi ya kudzuneka.

1 Vakorinto 3:18

Munhu angatshuki atixisa. Loko mun'we xikarhi ka n'wina ativona na ali lweyi atlhariheke hi kuya hi sva minkama leyi, aahundzuke xihunguki, lesvaku atava lweyi wotlhariha.

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

Vagalatiya 1:4

yena lweyi atinyiketeke hikolaho ka svijoho sva hina, lesvaku atahiponisa ka nguva leyobiha ya masiku lawa. Ayendle svosvo hi kuyingisa kurhandza ka Xikwembu Tatana wa hina;

Vaefesa 2:2

Minkameni yoleyo, amihanya ka svona, loko mahalandza svihena lesvobiha sva misava leyi. Amili hansi ka hosana leyifumaka mimoya ya le henhla mpfhukeni, wunga moya lowutirhaka ni svosvi xikarhi ka vanhu lavangayingisiki Xikwembu.

1 Timotiya 6:17

Kambe loko vali lava vanga ni rifuwo ra misava leyi, vabzele lesvaku vangatikulisi, kumbe kuveka kulangutela ka vona rifuweni leringatiyangiki, kambe vaveka kulangutela ka vona ka Xikwembu: Hi xona xihinyikaka hi ntalu svilo hinkwasvu, lesvaku hitiphina ha svona.

2 Timotiya 4:10

Hikuva Demasi, hi kurhandza ngopfu sva misava leyi, anibalekile aya Thesalonika. Kreskene ayile Galatiya, na Tito ayile Dalmasiya.