Matewu 10:23 - Testamente Leyimpsha Xichangana

²³ Loko vamixanisa doropeni leri, tsutsumelani ka rin'wana, hikuva nitiyisile nili ka n'wina: N'wana-wa-Munhu atahumelela na mingasitlhanganisa madoropa hinkwawu ya Israyele.

BIBELE Mahungu Lamanene

²³ Loko va mi xanisa emutini wun'wana, tsutsumelani eka wun'wanyana, hikuva ndzi tiyisile ndzi ri ka n'wina: N'wana-wa-Munhu ú ta humelela, mi nga si hlanganisa miti hinkwayo ya Israele.

Xitsonga (Bibele)

²³ Kutani kutakuloko va mi xanisa emutini wun'wana, tsutsumelani eka wun'wana, hikuva kunene ndzi ri eka n'wina: N'wana wa Munhu u ta humelela mi nga si hlanganisa miti hinkwayo ya Israele.

Matewu 10:23 Iomraidhean Croise

Matewu 16:27

Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena.

Matewu 16:28

“Nitiyisile nili ka n'wina: Ku ni van'wana xikarhi ka lavanga kola, lavangatakala vangakhumbiwi hi rifu na vangasivona N'wana-wa-Munhu avuya Mfun'wini wa yena.”

Matewu 2:13

Kuteloko tintlhari titlhelele ka le kwavu, ntsumi ya Hosi yihumelela ka Yosefa norhweni, yiku: “Pfuka uteka xihlangi ni mamana wa xona, ubaleka uya Gibita uyatshama kona nikondza nikubzela; hikuva Heroda atalava xihlangi lesvaku axidlaya.”

Matewu 23:34

“Xilesvo, masvivo, nahamirhumela vaprofeta, tintlhari, ni Vatsali; mitadlaya van'we va vona, van'wana mitava vamba svihambanwini; mitaba van'wana va vona masinagogeni ya n'wina, mivahlongolisa vasuka doropeni rin'we, vaya ka rin'wanyana;

Matewu 23:36

Nitiyisile nili ka n'wina: Svilo lesvi hinkwasvu svitawela rixaka leri.

Matewu 24:27

Hikuva kukotisa lesvi kuhatima kusukelaka avuxeni kuyafika vupelajambu, N'wana-wa-Munhu atayendlisa xisvosvo akuvuyeni ka yena.

Matewu 24:30

Hikona xikombiso xa N'wana-wa-Munhu xingatavoneka tilweni; vanhu vatinxakaxaka ni svib'ongo hinkwasvu sva la misaveni vataba nkosi, kutani vatavona N'wana-wa-Munhu ata hi marefu ya le tilweni, hi matimba ni kutwala lokukulu.

Matewu 24:34

Nitiyisile nili ka n'wina: Rixaka leri ringakala ringahundzi, kungasihumelela svilo lesvi hinkwasvu.

Matewu 24:48

“Kambe loko mutirhi yelweyo ali lweyi wobiha, atapimisa mbilwini ya yena aku: ‘Hosi ya mina yitahlwela kuvuya’,

Matewu 25:13

Yesu atlhela aku: “Lavelelani ke, hikuva siku amiritivi, na wona nkarhi amiwutivi.”

Matewu 26:64

Yesu amuhlamula aku: Wena se uvulile! Ntsena namibzela nili: “‘Kusukela svosvi, mitavona N'wana-wa-Munhu na atshamile vokweni ra xinene ra Lweyi anga ni matimba hinkwawu, mitamuvona ata hi marefu ya le tilweni.’”

Matewu 4:12

Loko Yesu atwa lesvaku Yohani akhomiwile, atlhelela Galileya.

Marka 13:26

“Hikona vangatavona N'wana-wa-Munhu ata hi marefu, na ali ni matimba lamakulu ni kukwetsima.

Luka 18:8

Nili ka n'wina: Xitahantlisa kuvatsemela mhaka ya vona. Kambe loko N'wana-wa-Munhu ata, xana atakuma kupfumela kuli kona misaveni ke?”

Luka 21:27

Hikona vangatavona N'wana-wa-Munhu ata hi refu, na ali ni matimba ni kukwetsima lokukulu.

Yohane 7:1

Ndzhaku ka svosvo Yesu aafambafamba Galileya; angahalavi kufambafamba Yudeya, hikuva Vayuda avalava kumudlaya.

Timhaka 17:10

Hi vusiku bzakona, vamakwavu vahantlisa varhuma Pawulo na Silasi Bereya. Loko vapostola vafikile kona, vanghena sinagogeni ra Vayuda.

Timhaka 17:14

Hikolaho, vamakwavu vahantlisa vahumesa Pawulo, ayafika ribuweni ra lwandle; kambe Silasi na Timotewu vasala Bereya.

Timhaka 20:1

Kuteloko mpfilumpfilu yihelile, Pawulo avitana vajondzisiwa, avakhongotela, kutani asalisana na vona asuka, aya Makedoniya.

Timhaka 8:1

Kasi Sawulo aakhensa kudlayiwa ka Stefano. Nkameni wolowo, kereke ya Yerusalema yisungula kuxanisiwa svinene, vapfumeli hinkwavu vahangalasiwa matikweni ya Yudeya ni ya Samariya; kusala vapostola ntsena.