Marka 9:47 - Testamente Leyimpsha Xichangana

⁴⁷ Ni loko tihlo ra wena rikukhunguvanyisa, rixokole; svingayampsa loko unghena Mfun'wini wa Xikwembu ufe tihlo rin'we, kutlula kuhoxiwa Tiheleni na uli ni mahlo mambirhi.

BIBELE Mahungu Lamanene

⁴⁷ Ni loko tihlo ra wena ri ku khunguvanyisa, ri xokole; swi nga antswa loko u nghena eMfun'weni wa Xikwembu u fe tihlo rin'we, ku ri na ku hoxiwa eTiheleni u ri ni mahlo mambirhi.

Xitsonga (Bibele)

⁴⁷ Ni loko tihlo ra wena ri ku wisa, ri xokole, swi nga saseka eka wena loko u nghena eku fumeni ka Xikwembu, u fe tihlo, ku nga ri ku cukumetiwa etiheleni ta ndzilo, u ri ni mahlo mambirhi,

Marka 9:47 Iomraidhean Croise

Matewu 18:9

Ni loko tihlo ra wena rikukhunguvanyisa, rixokole, uricukumeta kule na wena; hikuva svingayampsa kunghena vuton'wini na uli ni tihlo rin'we, kutlula kuhoxiwa ndzilweni wa Tihele na uli ni mahlo mambirhi.

Matewu 5:22

“Kambe mina nili ka n'wina: Mani na mani lweyi akarhiyelaka makwavu, atafanela kuyavanyisiwa; lweyi ange ka makwavu: ‘U xiphukuphuku!’ Afanela kuyisiwa ka muyavanyisi; lweyi ange ka yena: ‘Xihunguki ndziwena!’ Afaneliwa hi ndzilo wa Tihele.”

Marka 9:43

Loko voko ra wena rikukhunguvanyisa, ritseme; svingayampsa loko unghena vuton'wini na uli xilima, kutlula kuya Tiheleni, ndzilweni lowungatimekiki, na uli ni mavoko mambirhi. [

Marka 9:46

Axivandleni xoxo, ‘xivungwana lexi xivajaka axifi, ni ndzilo awutimeki.’

Luka 14:26

“Loko mun'wana ata ka mina, kambe anga ni rhandzi kutlula tatana wa yena, ni mamana wa yena, ni nsati wa yena, ni vana, ni makwavu, hambi bzili vutomi bza yena, angakala angavi mujondzisiwa wa mina.

Yohane 3:3

Yesu amuhlamula aku: “Nitiyisile nili ka wena, aku na munhu lweyi angatavona Mfumu wa Xikwembu, loko angatlhelanga apsaliwa ra vumbirhi.”

Yohane 3:5

Yesu amuhlamula aku: Kunene, nili ka wena: Loko munhu angapsaliwi hi mati ni Moya angakala angangheni kufumeni ka Xikwembu.

Vagalatiya 4:15

Kuyohumelela yini, lesvi khale amitshama na mitsakile? Hikuva ningatiyisa lesvaku, loko onge kahali khale ka n'wina, amitava mitixokole ni mahlo mininyika wona loko svikoteka.