Marka 8:38 - Testamente Leyimpsha Xichangana

³⁸ Lweyi anga ni tingana hikolaho ka mina ni marito ya mina rixakeni leri ra vawosvi ni vajohi, N'wana-wa-Munhu na yena atakhomiwa hi tingana hikolaho ka munhu lweyi siku leri angatavuya akukwetsimeni ka Tatana na ali ni tintsumi letokwetsima.”

BIBELE Mahungu Lamanene

³⁸ Loyi a nga ni tingana hikwalaho ka mina ni marito ya mina erixakeni leri ra lava sandzaka Xikwembu ni ra vadyohi, N'wana-wa-Munhu na yena ú ta khomiwa hi tingana hikwalaho ka munhu loyi siku a nga ta vuya eku kwetsimeni ka Tata wa yena, a ri ni tintsumi leto hlawuleka.”

Xitsonga (Bibele)

³⁸ Hikuva loyi a nga ni tingana hikwalaho ka mina ni marito ya mina, emahlweni ka rixaka leri ra vaoswi ni ra vadyohi, na yena N'wana wa Munhu u ta khomiwa hi tingana hikwalaho ka yena, siku a taka vuya hi ku kwetsima ka Tata wa yena swin'we ni tintsumi leto kwetsima.”

Marka 8:38 Iomraidhean Croise

Matewu 12:39

Avahlamula, aku: “Rixaka leri ra mona ni ra vuwosvi, rikombela mahlori, kambe ringakala ringanyikiwi wona, loko mangali wona mahlori ya muprofeta Yonasi.

Matewu 13:41

N'wana-wa-Munhu atarhuma tintsumi ta yena, titahlengeleta handle ka Mfumu wa yena vakhunguvanyisi hinkwavu ni lavayendlaka lesvobiha,

Matewu 16:27

Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena.

Matewu 16:28

“Nitiyisile nili ka n'wina: Ku ni van'wana xikarhi ka lavanga kola, lavangatakala vangakhumbiwi hi rifu na vangasivona N'wana-wa-Munhu avuya Mfun'wini wa yena.”

Matewu 16:4

Rixaka leri ra mona, ni vuwosvi, rilava xikombiso, kambe ringakala ringanyikiwi xona, loko xingali xikombiso xa muprofeta Yonasi.” Kutani avasiya, atifambela.

Matewu 24:30

Hikona xikombiso xa N'wana-wa-Munhu xingatavoneka tilweni; vanhu vatinxakaxaka ni svib'ongo hinkwasvu sva la misaveni vataba nkosi, kutani vatavona N'wana-wa-Munhu ata hi marefu ya le tilweni, hi matimba ni kutwala lokukulu.

Matewu 25:31

Siku leri N'wana-wa-Munhu angatata hi kutwala ka yena, na tintsumi hinkwatu tili na yena, atatshamisa xiluvelweni xa kutwala ka yena.

Matewu 26:64

Yesu amuhlamula aku: Wena se uvulile! Ntsena namibzela nili: “‘Kusukela svosvi, mitavona N'wana-wa-Munhu na atshamile vokweni ra xinene ra Lweyi anga ni matimba hinkwawu, mitamuvona ata hi marefu ya le tilweni.’”

Matewu 8:20

Yesu amuhlamula aku: “Makhanga ma ni mincele, ni tinyanyana ti ni svisaka, kambe N'wana-wa-Munhu anga na laha angaseketelaka kona nhloko ya yena.”

Marka 13:26

“Hikona vangatavona N'wana-wa-Munhu ata hi marefu, na ali ni matimba lamakulu ni kukwetsima.

Marka 14:62

Yesu aku: “Mina ni yena!” “‘Kutani mitavona N'wana-wa-Munhu atshamile vokweni ra xinene ra Lweyi anga ni matimba hinkwawu, mitamuvona ata hi marefu ya le tilweni.’”

Marka 8:37

Xana munhu angahumesa yini kuxava vutomi bza yena ke?

Luka 19:26

Yena aku: ‘Namibzela lesvaku kutanyikiwa mani na mani lweyi anga ni xanchumu; kambe lweyi angaliki na nchumu, atatekeliwa ni lexi anga na xona.

Luka 9:26

Lweyi akhomiwaka hi tingana hikolaho ka mina ni marito ya mina, N'wana-wa-Munhu na yena atakhomiwa hi tingana hikolaho ka munhu yelweyo, siku leri angatavuya kukwetsimeni ka yena, na ali ni Tatana wa yena ni tintsumi letokwetsima.

Yohane 1:14

Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

Yohane 1:51

Yesu atlhela aku ka yena: “Nitiyisile nili ka wena: Mitavona tilo ripfulekile ni tintsumi ta Xikwembu na tili karhi titlhantukela ni kuxikela henhla ka N'wana-wa-Munhu.”

Yohane 12:34

Xitshungu ximuhlamula, xiku: “Hitwile Nawini lesvaku Mesiya atahanya hilaha kungaheliki; uvulisa kuyini wena, lesvi unge: ‘N'wana-wa-Munhu afanele kutlakuliwa’ xana? I mani N'wana-wa-Munhu lweyi ke?”

Yohane 5:27

Nasvona, amunyikile matimba ya kuyavanyisa, hikuva i N'wana-wa-Munhu.

Timhaka 10:22

Vaku: “Hirhumiwile hi Korneliyo, ndhuna ya dzana ra masochwa, wanuna wa kululama lweyi achavaka Xikwembu, lweyi akhensiwaka hi tiko hinkwaru ra Vayuda; aleletiwile hi ntsumi leyokwetsima kukuvitana uta muntini wa yena, lesvaku atayingisa lesvi ungatamubzela svona.”

Timhaka 5:41

Loko vali vona, vahuma hubzeni na vatsakile, hikuva avakumiwile na vali lavafanelaka kusoliwa hikolaho ka vito ra Yesu.

Varhoma 1:16

Mhaka hi lesvaku a ni na tingana hi Evhangeli, hikuva i matimba ya Xikwembu yoponisa hinkwavu lavapfumelaka, kusukela ka Vayuda, kuyafika ka vamatiko.

Vagalatiya 6:14

Loko ali mina, asvive kule na mina kutidzunisa, loko kungali hi xihambanu xa Hosi ya hina Yesu Kriste, hikuva hikolaho ka xihambanu xa yena, sva misava ka mina svivambiwile svifa, na mina nifile hi tlhelo ra sva misava.

1 Vatesalonika 2:19

Xana hi kwihi kulangutela ka hina ni kutsaka ka hina, hi yihi hari ya kuhlula leyi hingatatidzunisa ha yona mahlweni ka Hosi ya hina Yesu, siku avuyaka ke? Xana ahi n'wina ke?

1 Vatesalonika 3:13

hi ndlela yoleyo, yitatiyisa timbilu ta n'wina, kutani mitapfumala xisolo, miva lavahlawulekeke mahlweni ka Xikwembu Tatana wa hina, siku leri Hosi ya hina Yesu angatavuya hi rona, svin'we ni vahlawuliwa va yena hinkwavu.

2 Timotiya 1:12

Kutani nixaniseka hi ndlela leyi hikolaho ka svona; kambe a ni na tingana, hikuva nitiva lweyi nipfumeleke ka yena, kutani nitshemba svinene lesvaku wasvikota kuhlayisa lesvi asvivekeke mavokweni ya mina, kuyafika siku lerikulu.

2 Timotiya 1:16

Ingi Hosi yingatsetselela njangu wa ka Oneziforo, hikuva makhambi yotala anirhulisile mbilu; na svona, kubohiwa ka mina hi machini akumukhomisanga tingana.

2 Timotiya 1:8

Hikolaho, ungavi ni tingana kuveka vumboni hi tlhelo ra Hosi ya hina, hambilesvi mina ninga mubohiwa hikolaho ka yona. Na wena, khensa kuxanisekela Evhangeli, hi kupfuniwa hi matimba ya Xikwembu.

Vaheveru 11:16

Kambe, hilaha svinga hakona, vanavela tiko lerinene kutlula leriya, anga lesvaku ra le tilweni; hi kolaho Xikwembu axi na tingana hi vona, ni loko vaxivula Xikwembu xa vona, hikuva xivalungiselile doropa.

Vaheveru 11:26

Ayehleketile lesvaku kurhuketeliwa hikolaho ka Mesiya i rifuwo leritlulaka vukosi hinkwabzu bza Gibita, hikuva aalangutela hakelo leyi yahataka.

Vaheveru 13:13

Hikolaho, ahihumeni hiya le ka yena handle ka vugovelo, nahirhwele kurhuketeliwa ka yena.

Yakobo 4:4

N'wina vanhu va vuwosvi, xana amisvitivi lesvaku kurhandza sva misava svivula kulwa na Xikwembu xana? Hikolaho, lweyi atinyiketaka kurhandzeni ka sva misava, atiyendla nala wa Xikwembu.

1 Yohane 2:23

Mani na mani lweyi ayalaka N'wana anga na yena hambi Tatana. Lweyi apfumelaka N'wana hambi Tatana ana yena.

1 Yohane 2:28

Kutani svosvi, vananga, tshamani ka yena, lesvaku loko yena ahumelela, hitava ni ntshembo hingavi ni tingana loko yena avuya.

Nhlavutelo 14:10

na yena atanwa vhinyu ra vukarhi bza Xikwembu, leringatacheliwa xinwelweni xa kukariha loku ka xona, na ringatimuliwanga; kutani ataxanisiwa hi ndzilo ni xivavula, mahlweni ka tintsumi letokwetsima ni le mahlweni ka Xinyempfana.