Luka 9:41 - Testamente Leyimpsha Xichangana

⁴¹ Yesu ahlamula aku: “Ha! Rixaka leringapfumeliki, lerohomboloka, nitava na n'wina ni kumilehisela mbilu kufika rini ke? Tisa n'wana wa wena halenu!”

BIBELE Mahungu Lamanene

⁴¹ Yesu a hlamula a ku: “Ha! Rixaka leri nga pfumeriki, lero homboloka, ndzi ta va na n'wina ni ku mi lehisela mbilu ku fikela rini ke? Tisa n'wana wa wena haleno!”

Xitsonga (Bibele)

⁴¹ Yesu a hlamula, a ku: “Ha! Rixaka leri nga pfumeriki, lero homboloka ndzi ta va na n'wina ku yisa kwihi, ndzi ta mi tsetselela ku ya fika kwihi? Tisa n'wana wa wena kwala.”

Luka 9:41 Iomraidhean Croise

Matewu 11:28

“Tanani ka mina, n'wina hinkwenu lavakarhaleke, ni lavatikeliwaka, nitamiwisisa.

Matewu 12:39

Avahlamula, aku: “Rixaka leri ra mona ni ra vuwosvi, rikombela mahlori, kambe ringakala ringanyikiwi wona, loko mangali wona mahlori ya muprofeta Yonasi.

Matewu 12:45

Hi loko wutlhela wuyateka mimoya yin'wana ya ntlhanu ni yimbirhi leyobiha kutlulisa wona, kutani yinghena, yitshama ndlwini leyi; kutani matshamela yohetelela ya munhu lweyi, matatlula lawa yosungula hi kubiha. Svitava tano ka rixaka leri robiha.”

Matewu 16:4

Rixaka leri ra mona, ni vuwosvi, rilava xikombiso, kambe ringakala ringanyikiwi xona, loko xingali xikombiso xa muprofeta Yonasi.” Kutani avasiya, atifambela.

Matewu 17:17

Yesu ahlamula, aku: “Ha! Rixaka leringapfumeliki, lerohomboloka, nitava na n'wina kufika rini xana? Nitamixanisekela kufika kwihi ke? Mutiseni halenu.”

Matewu 23:36

Nitiyisile nili ka n'wina: Svilo lesvi hinkwasvu svitawela rixaka leri.

Matewu 3:7

Kambe loko avona Vafarisi ni Vasaduki lavotala vata kutakhuvuliwa hi yena, aku ka vona: “Rixaka ra svipshahla, i mani lweyi amibzeleteleke lesvaku mitapona ka vukarhi bza Xikwembu lebzitaka xana?

Marka 10:14

Loko Yesu asvivona, avilela ngopfu, aku ka vona: “Tshikani vatsongwana vata ka mina, mingatshukeni mivasivela, hikuva Mfumu wa Xikwembu i wa lavafanaka na vona.

Marka 10:49

Kutani Yesu ayima, aku: “Muvitaneni!” Vavitana lweyi wa xifamahlo, vaku ka yena: “Tiyisa mbilu, pfuka uyima, Yesu wakuvitana.”

Marka 9:19

Yesu ahlamula, aku: “Ha! Rixaka leringapfumeliki, nitava na n'wina kufika rini? Nitamilehisela mbilu kufika rini ke? Mutiseni halenu!”

Luka 8:25

Kutani aku ka vona: “Xana kupfumela ka n'wina ku kwihi ke?” Vona vachava, vahlamala, vavutisana vaku: “Xana i munhu muni lweyi, lesvi alerisaka mheho ni tiva, sviva svimuyingisa ke?”

Luka 9:40

Nikombelile vajondzisiwa va wena lesvaku vawuhlongola, kambe vatsandzekile.”

Luka 9:42

Loko n'wana ahatshinela, dimoni rimutlatlalata, rimurhurhumelisa, kambe Yesu atshinya moya lowu wa chaka, ahanyisa n'wana, amuyisa ka tatana wa yena.

Yohane 14:9

Yesu aku ka yena: “I khale nili na n'wina, kasi ni svosvi awusinitiva, Filipi? Lweyi anivoneke, avonile Tatana; hikolaho ka yini uku: ‘Hi kombe Tatana’?

Yohane 20:27

Kutani aku ka Tomasi: “Tisa ritiho ra wena laha, ulanguta ni sviyandla sva mina; tshambuluta xiyandla xa wena, uxinghenisa rheveni ra mina; ungahakanakani, kambe pfumela!”

Timhaka 13:18

Kutani, lemananga, xivalehisela mbilu hi malembe ya mune wa makume.

Timhaka 2:40

Petrosi atiyisa vumboni bza yena hi marito man'wana lawa yotala, avakhongotela aku: “Hambanani ni rixaka leri rohomboloka lesvaku mitapona.”

Varhoma 2:4

Kumbe, xana usola vunene lebzikulu bza xona, ni bza kutsetselela ka xona, ni bza mbilu ya xona yoleha ngopfu, ungativi lesvaku vunene bza Xikwembu bzikukokela kuhundzukeni, ke?

Vaheveru 3:19

Hikolaho, hasvivona lesvaku vatsandzekile kunghena kuwiseni, hi mhaka ya kukala kupfumela.

Vaheveru 4:11

Loko svilitano, ahiringeteni hi matimba kunghena kuwiseni koloko, lesvaku ni mun'we angawi hi kutiyalisa lokufanaka ni ka vona.

Vaheveru 4:2

Hikuva Evhangeli yitile ka hina kufana svinene ni lesvi yingata ka vona; kambe Evhangeli leyi vayitweke ayivapfunanga nchumu, hikuva ayikumananga ni kupfumela ka vona lava vayitweke.

Vaheveru 7:25

Hikolaho, wasvikota minkarhi hinkwayu kuponisa lavatshinelelaka Xikwembu ha yena, lesvi ahanyaka hi masiku hinkwawu ni kuvakhongelela.