Luka 4:18 - Testamente Leyimpsha Xichangana

¹⁸ “Moya wa Hosi wu le henhla ka mina, hikuva yinitotile hi mafurha, yiva yinirhuma kuyabzela svisiwana Evhangeli; kuyativisa lavabohiweke lesvaku vatatshunxiwa, ni svifamahlo lesvaku svitavona; yinirhumile kutshunxa lava vaxanisiwaka,

BIBELE Mahungu Lamanene

¹⁸ “Moya wa Xikwembu wu le ka mina, hikuva xi ndzi hlawurile ku ya byela swisiwana emahungu lamanene; xi ndzi rhumile ku ya tivisa lava bohiweke leswaku va ta ntshunxiwa, ni lavo-fe-mahlo leswaku va ta vona; xi ndzi rhumile ku ntshunxa lava xanisiwaka,

Xitsonga (Bibele)

¹⁸ “Moya wa Xikwembu wu le ka mina, hikuva xi ndzi totile, xi va xi ndzi rhuma ku byela swisiwana Evhangeli, ku horisa va timbilu leti vavisekaka;

Luka 4:18 Iomraidhean Croise

Matewu 11:5

Svifamahlo svitlhela svivona, svilima svafamba, va nhlokonho vabasisiwa, lavofa tindleve vatwa, vafi vapfuka, svisiwana svibzeliwa Evhangeli.

Matewu 12:18

“Vonani nandza wa mina lweyi ningatihlawulela yena, murhandziwa wa mina lweyi mbilu ya mina yimutsakelaka. Nitaveka Moya wa mina henhla ka yena, kutani atativisa vamatiko lesvaku kuyavanyisa lokolulama ku kona;

Matewu 12:20

Angakala angatshovi rihlanga lerikhinyekeke, nasvona angakala angatimi rivoni leringe ketiketi, akondza ahlulisa kuyavanyisa lokolulama.

Matewu 4:16

Vanhu lava avatshama munyameni, vavonile kuvonakala lokukulu; lava avatshama tikweni ni le ndzhutini wa rifu, vafikeliwe hi kuvonakala.”

Matewu 5:3

“Kukatekile svisiwana moyeni, hikuva Mfumu wa matilo i wa svona.

Luka 4:17

Kutani anyikiwa buku ya muprofeta Ezaya; loko ayipfulile, akuma laha kungatsaliwa marito lawa mange:

Luka 6:20

Kutani Yesu alanguta vajondzisiwa va yena, aku: Mikatekile n'wina svisiwana, hikuva Mfumu wa Xikwembu wu le ka n'wina.

Luka 7:22

Kutani ahlamula varhumiwa, aku: “Fambani miyarungulela Yohani lesvi misvivoneke ni lesvi misvitweke; svifamahlo sva vona, svilima svafamba, va nhlokonho vabasisiwa, lava vafeke tindleve vatwa, vafi vapfuka, svisiwana svirunguleliwa Evhangeli.

Yohane 1:41

Andreya arhange akuma Simoni makwavu, kutani aku ka yena: “Hikumile Mesiya” ( hi lesvaku Kriste).

Yohane 12:46

Mina ni kuvonakala, kutani nitile misaveni lesvaku mani na mani lweyi apfumelaka ka mina, angatshami munyameni.

Yohane 3:34

Lweyi arhumiwaka hi Xikwembu, avula marito ya Xikwembu, hikuva Xikwembu axipimi loko xinyika Moya wa xona.

Timhaka 10:38

mitiva ni ta Yesu wa Nazareta, ni hilaha Xikwembu xicheleke hakona Moya Wokwetsima ni matimba henhla ka yena. Aafambafamba hinkwaku, na ali karhi ayendla lesvinene, ahanyisa hinkwavu lava vaxanisiwaka hi Diyavulosi, hikuva Xikwembu axili na yena.

Timhaka 26:18

utapfula mahlo ya vona lesvaku vahuma munyameni, vanghena kuvonakaleni, ni lesvaku vahuma kufumeni ka Sathana vanghena ka Xikwembu; loko vapfumela ka mina, vatakuma kurivaleliwa ka svijoho, kutani vatayaveliwa ndzhaka xikarhi ka vahlawuliwa va Xikwembu.’

Timhaka 4:26

Tihosi ta misava tipfukile, ni vafumi vamatiko vatwananile kulwa ni Hosi ni Mesiya wa yona.’”

Timhaka 4:27

Hikuva kunene, Heroda na Pontiyo Pilato, ni vamatiko, ni tinxaka ta Israyele, vahlangane doropeni leri kulwa na Yesu nandza wa wena lweyi ahlawulekeke, lweyi ungamuyendla Mesiya;

Vakolosa 1:13

Ahihumesile matimbeni ya munyama, ahirhurhisela kufumeni ka N'wana wa yena lweyi arhandzekaka,

Yakobo 2:5

Yingisani, vamakwerhu lavarhandzekaka: Xana Xikwembu axihlawulanga lavanga svisiwana misaveni leyi lesvaku vava lavafuweke hi tlhelo ra kupfumela ke? Xana axivahlawulelanga kuja ndzhaka ya Mfumu lowu xiwutshembiseke lava vaxirhandzaka ke?

1 Petro 2:9

Kambe n'wina, mi rixaka lerihlawuliweke, mi vaprista va Hosi, mi tiko lerihlawulekeke, vanhu lavanga va Xikwembu hi ntiyiso, lesvaku mitakota kutwalisa mintirho leyosaseka ya lweyi amivitaneke kuhuma munyameni, mitanghena kuvonakaleni ka yena loku kuhlamalisaka.