Luka 2:14 - Testamente Leyimpsha Xichangana

¹⁴ “Kudzuneka akuve ka Xikwembu matilweni ya le henhlahenhla, kurhula akuve misaveni ka vanhu lava xivatsakelaka.”

BIBELE Mahungu Lamanene

¹⁴ “Ku dzuneka a ku ve eka Xikwembu ematilweni ya le henhla-henhla, ku rhula a ku ve emisaveni eka vanhu lava xi va tsakelaka.”

Xitsonga (Bibele)

¹⁴ “Ku kwetsima a ku ve eka Xikwembu ematilweni ya le henhla, ku tsaka a ku ve emisaveni eka vanhu lava khensiwaka.”

Luka 2:14 Iomraidhean Croise

Matewu 21:9

Xitshungu lexi ximurhangeleke mahlweni ni lexi aximulandzela hi le ndzhaku, xihuwelela xiku: “Hozana ka N'wana Davhida! Akudzunisiwe lweyi ataka hi vito ra Hosi! Hozana matilweni ya le henhlahenhla!”

Luka 1:79

kutavoninga lavatshamaka munyameni ni lendzhutini wa rifu, ni kutafambisa milenge ya hina dleleni ya kurhula.”

Luka 19:38

“Akudzunisiwe Mufumi lweyi ata ka hi vito ra Hosi! Kurhula akuve matilweni, ni kukwetsima matilweni ya le henhlahenhla!”

Luka 2:13

Hi nomo-lo vunyingi bza mab'uthu ya le tilweni bzihumelela na bzili ni tintsumi, bzidzunisa Xikwembu, bziku:

Luka 2:15

Kuteloko tintsumi tivasiyile, titlhelele tilweni, varisi vabzelana, vaku: “Ahiyeni Betlelehema, hiyavona lesvihumeleleke kona, lesvi Hosi yingahitivisa svona.”

Luka 3:22

Moya Lowokwetsima wuxikela henhla ka yena, wuli ni xivumbeko lexifanaka ni xituvana; kutani rito rihuma tilweni riku: “U N'wananga lweyi arhandzekaka, lweyi ni mutsakelaka svinene.”

Yohane 14:27

“Nimisiyela kurhula, niminyika kurhula ka mina. Animinyiki hilaha misava yinyikaka hakona. Timbilu ta n'wina tingakarhateki, tingakhomiwi hi kuchava.

Yohane 17:4

“Nikudzunisile laha misaveni, hi kuheta ntirho lowu uninyikeke wona lesvaku niwutirha.

Yohane 3:16

Hikuva Xikwembu xirhandzile misava, lakakuva, xinyikile N'wana wa xona wa mun'we, lesvaku hinkwavu lava vapfumelaka ka yena vangalovi, kambe vava ni vutomi lebzingaheliki.

Timhaka 10:36

Rito leri xilirhumeleke Vaisrayele, maritiva, ringa rito leripaluxaka mahungu lamanene ya kurhula ha Yesu Kriste, yena Hosi ya vanhu hinkwavu.

Varhoma 5:1

Loko svilitano, lesvi hingayendliwa lavalulameke hi mhaka ya kupfumela, hi ni kurhula ka Xikwembu, hi Hosi ya hina Yesu Kriste;

Vaefesa 1:6

kuyendlela lesvaku hixidzunisa ni kuxitwalisa hi mhaka ya timpsalu ta xona, leti xihinyikeke ka N'wana wa xona lweyi arhandzekaka.

Vaefesa 1:9

Xikwembu xiyendlile lesvi kusukela khale axilava kusviyendla ha Kriste: Xihitivisile kurhandza ka xona loku akufihliwile,

Vaefesa 2:4

Kambe Xikwembu xi ni timpsalu svinene, hikolaho ka rirhandzu lerikulu leri xingahirhandza ha rona.

Vaefesa 2:7

Xiyendlile lesvi kukomba minkarhi leyitaka, kutala lokungapimekiki ka timpsalu ta xona, hi vunene lebzi xihiyendleleke bzona ha Yesu Kriste.

Vafilipiya 2:11

ni tindzimi hinkwatu tivula lesvaku Yesu Kriste i Hosi, akudzuniseni ka Xikwembu Tatana.

Vafilipiya 2:13

hikuva i Xikwembu lexitirhaka ka n'wina lexiyendlaka lesvaku mitsakela ni kuyingisa kurhandza ka xona.

Vakolosa 1:20

ni kuyendla lesvaku, ha yena, svilo hinkwasvu svivuyelelana na xona, hikuva hi yena Kriste lweyi atiseke kurhula hi kufa ka yena xihambanwini; hinkwasvu, hambi laha misaveni, hambi le matilweni, svivuyelelana ni Xikwembu ha yena.

2 Vatesalonika 2:16

Svosvi-ke, ingi Hosi ya hina Yesu Kriste hi yoxe, ni Xikwembu Tatana wa hina lweyi angahirhandza, lweyi angahinyika, hi timpsalu ta yena, kuchavelela lokungaheliki ni kulangutela lokunene,

Nhlavutelo 5:13

Kutani nitwa svivumbiwa lesvinga tilweni ni la misaveni ni le hansi ka misava ni le lwandle, svinga svivumbiwa hinkwasvu sva ntumbuluku hinkwawu, svili karhi svikhensa sviku: “Ka lweyi atshameke xiluvelweni ni le ka Xinyempfana, akuve kukhensiwa ni kudzuneka ni kutwala ni matimba, hilaha kungaheliki.”