Luka 19:21 - Testamente Leyimpsha Xichangana

²¹ anikuchava, hikuva u munhu wo nonon'hwa, uteka lexi ungaxivekangiki, utshovela lexi ungaxibzalangiki.’

BIBELE Mahungu Lamanene

²¹ a ndzi ku chava, hikuva u munhu wo nonon'hwa, u teka lexi u nga xi vekangiki, u tshovela lexi u nga xi byalangiki.’

Xitsonga (Bibele)

²¹ hikuva ndzi ku chavile, hikuva u ri munhu la nonon'hwaka, u teka lexi u nga xi vekangiki, u tshovela lexi u nga xi byalangiki.’

Luka 19:21 Iomraidhean Croise

Luka 19:20

Mun'wana ata, aku: ‘Hosi, mina ya wena hi leyi, niyiphutsele hi faduku;

Luka 19:22

Hosi yihlamula yiku: ‘Wena mutirhi lwewobiha, nitakuyavanyisa hi kuvulavula ka wena. Awusvitiva lesvaku ni munhu wo nonon'hwa, ni lesvaku niteka lexi ningaxivekangiki, ni kutshovela lexi ningaxibzalangiki!

Varhoma 8:15

Hikuva Moya lowu minganyikiwa wona, awumiyendli svikarawa ni kutlhela wumivangela kuchava, kambe miyamukele moya lowu wumiyendlaka vana; lowu hihuwelelaka ha wona hiku: “Aba, Tatana!”

Varhoma 8:7

Hikolaho, kunavela lokufumiwaka hi miri kulwa ni Xikwembu, hikuva akulandzi Nawu wa Xikwembu; nasvona kungakala kungasvikoti.

2 Timotiya 1:7

Hikuva Xikwembu axihinyikanga moya wa vutoya, kambe xihinyikile moya wa matimba, ni wa rirhandzu, ni wa kutikhoma.

Yakobo 2:10

Mhaka hi lesvaku mun'wana ni mun'wana lweyi aringetaka kuhlayisa milawu hinkwayu kambe atsandzeka ka wun'we wa yona ntsena, ayitlulile hinkwayu.

1 Yohane 4:18

Ka rirhandzu aku na kuchava. Kambe, rirhandzu lerihetisekeke rihlongola nchavo, hikuva rirhandzu lerihetisekeke risusa kuchava; hikuva kuchava kufambelana ni xikhatiso, kutani lweyi achavaka angahetisekanga rirhandzwini.

Yuda 1:15

kutayavanyisa hinkwavu, ni kukholwisa hinkwavu va ka vona lavangaliki ni vukhongeli henhla ka mintirho ya vona hinkwayu leyi vayiyendleke hi kusandza, ni le henhla ka marito hinkwawu ya vusandzi lawa vajohi lavangaliki ni vukhongeli vamavuleke henhla ka yona.”