Luka 17:24 - Testamente Leyimpsha Xichangana

²⁴ Hikuva kukotisa rihati loko rihatima, rivoninga kusukela tlhelweni rin'we ra tilo kuyafika ka lerin'wana, N'wana-wa-Munhu atayendlisa svosvo hi siku ra yena.

BIBELE Mahungu Lamanene

²⁴ Hikuva kukotisa rihati loko ri hatima, ri voninga ku sukela etlhelweni rin'wana ra tilo ku yisa eka lerin'wanyana, N'wana-wa-Munhu ú ta endlisa sweswo hi siku ra yena.

Xitsonga (Bibele)

²⁴ Hikuva kukota rihati loko ri hatima, ri hatima ku sungula tlhelo rin'wana ra tilo, ku yisa etlhelo rin'wana; N'wana wa Munhu u ta endlisa sweswo hi siku ra yena.

Luka 17:24 Iomraidhean Croise

Matewu 24:27

Hikuva kukotisa lesvi kuhatima kusukelaka avuxeni kuyafika vupelajambu, N'wana-wa-Munhu atayendlisa xisvosvo akuvuyeni ka yena.

Matewu 24:30

Hikona xikombiso xa N'wana-wa-Munhu xingatavoneka tilweni; vanhu vatinxakaxaka ni svib'ongo hinkwasvu sva la misaveni vataba nkosi, kutani vatavona N'wana-wa-Munhu ata hi marefu ya le tilweni, hi matimba ni kutwala lokukulu.

Matewu 25:31

Siku leri N'wana-wa-Munhu angatata hi kutwala ka yena, na tintsumi hinkwatu tili na yena, atatshamisa xiluvelweni xa kutwala ka yena.

Matewu 26:64

Yesu amuhlamula aku: Wena se uvulile! Ntsena namibzela nili: “‘Kusukela svosvi, mitavona N'wana-wa-Munhu na atshamile vokweni ra xinene ra Lweyi anga ni matimba hinkwawu, mitamuvona ata hi marefu ya le tilweni.’”

Matewu 5:15

Nasvona, avalumeki rivoni kurimbhonya hi xirhundzu, kambe variveka henhla, kutani rivoninga hinkwavu lava vanga ndlwini.

1 Vakorinto 1:8

lweyi angatamitiyisa kuyisa kuheteleleni, miva lava vangasolekiki hi siku ra Hosi ya hina Yesu Kriste.

1 Vatesalonika 5:2

Hikuva n'wina hi xiviri, masvitiva svinene lesvaku siku ra Hosi ritafika kufana ni muyivi lweyi ataka nivusiku.

2 Vatesalonika 2:2

Mingatshukeni mikanakanisiwa timbilwini ta n'wina, ni kutshukisiwa, hambi kuli hi moya wun'wana, kumbe hi kuvulavula kun'wana, kumbe hi papela rin'wana leri ringavuliwaka lesvaku rihuma ka hina, kutiyisa lesvaku siku ra Hosi rifikile svosvi.

2 Vatesalonika 2:8

Kutani hi kona munhu lweyi wohomboloka angatahumeseliwa rivaleni, kutani Hosi Yesu atamudlaya hi moya lowuhumaka non'weni wa yena, amuhelisa hi kukwetsima ka yena, siku leri avuyaka.

Yakobo 5:8

Na n'wina, lehisani mbilu mitiyisela, hikuva kuta ka Hosi ku kusuhi.

2 Petro 3:10

Kambe siku ra Hosi ritata kufana ni muyivi, kutani matilo matahundza hi huwa leyikulu; hinkwasvu sva ntumbuluku svitapsha hi ndzilo svihela, kutani misava ni mintirho leyinga ka yona svitahisiwa.