Filemoni 1:14 - Testamente Leyimpsha Xichangana

¹⁴ Hambi svilitano kuhava lexi ningaxiyendlaka na ningatwanananga na wena lesvaku akurhandza ka wena kungahundzuki ingi hi loko wosindzisiwa, kambe kuva hi kurhandza ka wena.

BIBELE Mahungu Lamanene

¹⁴ Kambe a ndzi lavanga ku endla nchumu ehandle ka mpfumelelo wa wena, leswaku tintswalo ta wena ti nga kombiwi hi ku sindzisiwa, kambe ku ri hi ku titwa ka wena.

Xitsonga (Bibele)

¹⁴ kambe a ndzi rhandzanga ku endla nchumu, ndzi nga si tiva ku rhandza ka wena, leswaku vunene byolebyo byi nga endliwa hi wena u nga byisiwi, kambe ku va hi ku tirhandzela ka wena.

Filemoni 1:14 Iomraidhean Croise

1 Vakorinto 9:17

Loko ingi nitirha ntirho lowu hi kutihlawulela, nikuma hakelo ka wona; kambe lesvi niwutirhaka na ningatihlawulelanga, svihlaya lesvaku niyorhwexiwa wona.

1 Vakorinto 9:7

I mani lweyi atshamaka aya nyimpini hi kutihakelela hi yexe xana? I mani lweyi abzalaka mvhinya, kutani angaji mihandzu ya wona ke? I mani lweyi abzisaka ntlhambi, anganwi ntswamba wa wona xana?

2 Vakorinto 1:24

Ahi lesvaku hina hifuma kupfumela ka n'wina, kambe hitirhisana na n'wina lesvaku mitakuma kutsaka, hikuva mitiyile kupfumeleni.

2 Vakorinto 8:12

Hikuva loko munhu anavela kunyika hi mbilu, svapfumeleleka mayelanu ni lesvi anganasvona, kugali lesvi asvipfumalaka.

2 Vakorinto 9:5

Hikolaho niyanakanyile lesvaku svafanela kukombela vamakwerhu kuta koseyo, vanirhangela mahlweni, vatalungisa hi nkama nyiko yohuma timbilwini ta n'wina, leyi miyitshembiseke. Nilava lesvaku yitshama yilungisiwile, yili leyihumaka mbilwini, yingali leyihumesiwaka hi kuvilela.

2 Vakorinto 9:7

Mun'wana ni mun'wana aanyike hilaha ativekiseleke hakona mbilwini ya yena, ahumesa hi kutshunxeka, kungali hi kuvilela, hikuva Xikwembu xirhandza lweyi anyikaka na atsakile.