2 Timotiya 1:9 - Testamente Leyimpsha Xichangana

⁹ Xihiponisile ni kuhivitana hi vitaniwo rokwetsima kuva vanhu va xona, kungali hikolaho ka mintirho ya hina, kambe kuli hikolaho ka makungu ya xona ntsena ni hikolaho ka timpsalu leti xihinyikeke tona ka Kriste Yesu na minkama yingasiva kona.

BIBELE Mahungu Lamanene

⁹ Xi hi ponisile ni ku hi vitana ku va vanhu va xona, ku nga ri hikwalaho ka mintirho ya hina, kambe ku ri hikwalaho ka makungu ya xona ntsena ni hikwalaho ka tintswalo leti xi hi nyikeke tona eka Kriste Yesu minkarhi yi nga si va kona.

Xitsonga (Bibele)

⁹ lexi hi hanyiseke, kutani xi hi vitanile hi ku vitana loku kwetsimaka, ku nga ri hikwalaho ka mitirho ya hina, kambe hi ku tirhandzela ka xona, ni tintswalo leti hi ti nyikiweke ha Yesu Kriste, mikarhi yi nga si va kona,

2 Timotiya 1:9 Iomraidhean Croise

Matewu 1:21

Ataveleka n'wana wa mufana, kutani wena utamuchula vito ra Yesu, hikuva hi yena lweyi angataponisa vanhu va yena asvijohweni sva vona.”

Luka 10:21

Nkarhini wolowo Yesu adzunisa hi matimba ya Moya Lowokwetsima, aku: “Naku khensa Tatana, Hosi ya tilo ni misava, hikuva timhaka leti, utifihlile ka tintlhari ni ka lavajondzeke, kambe utikombisa ka svivanana lesvitsongo. Ina, Tatana, hikuva loku kuvile kurhandza ka wena.

Yohane 17:24

Tatana, nilava lesvaku hinkwavu lava uninyikeke vona, vava na mina laha ninga kona; vatahamba vahlalela kukwetsima ka mina loku uninyikeke kona, hikuva unirhandzile misava yingasitumbuluxiwa.

Yohane 17:9

Navakhongelela; anikhongeleli misava, kambe nikhongelela lava uninyikeke vona, hikuva i va wena.

Yohane 6:37

Hinkwasvu lesvi Tatana aninyikaka svona, svitata ka mina; ni lweyi ataka ka mina, ningakala ningamucukumeti handle.

Timhaka 15:18

Hosi yivula svosvo, yona yitirhaka svilo lesvi, svinga svilo lesvitivisiweke khale.

Timhaka 2:47

na vali karhi vadzunisa Xikwembu, vatsakeliwa hi tiko hinkwaru. Kutani siku rin'wana ni rin'wana Hosi ayiyengetela nhlengeletanu ya vona hi lava avali karhi vaponisiwa.

Varhoma 11:14

lesvaku kumbexana ningayendla va rixaka ra ka mina vava ni kunavela, lesvaku nitaponisa van'wana va vona.

Varhoma 11:29

hikuva tinyiko ta Xikwembu ni kuvitana ka xona asvihundzuki.

Varhoma 16:25

Ka yena lweyi akotaka kumitiyisa, hi kuya hi Evhangeli leyi niyijondzisaka, manga mahungu ya Yesu Kriste, nasvona hi kuya hi xihundla lexingahlavuteliwa, xinga xihundla lexi axifihlekile hi malembe ni malembe,

Varhoma 3:20

Hikuva aku na munhu ni mun'we lweyi angatahlayiwa lweyi alulameke mahlweni ka xona hi mhaka ya lesvi angayendla hi kulerisa ka Nawu; ntiyiso wakona hi lesvaku Nawu wukomba laha kujoha kunga kona.

Varhoma 9:11

Kutani loko vana lava vangasivelekiwa, ni loko vangasiyendla xosaseka kumbe xobiha, Rabeka abzeliwile lesvaku: “Lweyi nkulu atatirhela lweyi ntsongo.”

Varhoma 9:24

Svibza lesvi, hi hina lava xihivitaneke, hina hihumaka kungali xikarhi ka Vayuda ntsena, kambe ni le xikarhi ka vamatiko.

1 Vakorinto 1:18

Jondzo ya xihambanu i vuhunguki ka lavalovaka; kambe ka hina lavaponisiwaka i matimba ya Xikwembu.

Vaefesa 1:11

Hakunene Xikwembu xiyendla hinkwasvu hilaha xirhandzaka hakona ni hilaha xipimaka hakona, kutani xihlawule hina Vayuda kuva vamajandzhaka va xona ka Kriste, hi kutilulamisela ka xona ka khale,

Vaefesa 1:9

Xikwembu xiyendlile lesvi kusukela khale axilava kusviyendla ha Kriste: Xihitivisile kurhandza ka xona loku akufihliwile,

Vaefesa 2:5

Hikolaho, hambilesvi ahifile hi mhaka ya milandzu ya hina, xihivuyisile vuton'wini svin'we na Kriste. I timpsalu ta Xikwembu leti timiponiseke.

Vaefesa 3:11

Xikwembu xiyendlile lesvi hi kulandza kutilulamisela ka xona ka khale, loku xikuhetisiseke ha Yesu Kriste, Hosi ya hina.

Vafilipiya 3:14

kutani nitsutsuma na nikongomile sva le mahlweni lesvaku nitakuma hakelo, kunga kuvitana ka Xikwembu ha Yesu Kriste, loku hakona xihivitanelaka vutomi bza le henhla.

1 Vatesalonika 4:7

Hikuva Xikwembu axihivitanelanga kuhanya kutshakeni, kambe kubaseni.

1 Timotiya 1:1

Mina Pawulo, mupostola wa Kriste Yesu hi kulerisa ka Xikwembu Muponisi wa hina ni ka Kriste Yesu kulangutela ka hina,

2 Timotiya 1:1

Mina Pawulo, mupostola wa Kriste Yesu hi kurhandza ka Xikwembu, hikolaho ka kutshembisiwa ka vutomi lebzinga kona ka Kriste Yesu,

Tito 1:2

bzinga lebziyakiweke henhla ka kulangutela vutomi lebzingaheliki. Xikwembu lexingaliki na kuhemba xihitshembisile vutomi lebzi, na minkarhi yingasiva kona;

Vaheveru 3:1

Loko svilitano, vamakwerhu lavakwetsimaka, lava na n'wina miyaveliwaka kuvitaniwa ka le tilweni, yanakanyani Yesu, murhumiwa wa Xikwembu ni Muprista lwenkulu wa vukhongeli bza hina.

1 Petro 1:20

Lweyi angativiwa hi Xikwembu, na misava yingasitumbuluka, akombisiwa hikolaho ka n'wina, minkameni leyi ya makumu.

1 Petro 2:9

Kambe n'wina, mi rixaka lerihlawuliweke, mi vaprista va Hosi, mi tiko lerihlawulekeke, vanhu lavanga va Xikwembu hi ntiyiso, lesvaku mitakota kutwalisa mintirho leyosaseka ya lweyi amivitaneke kuhuma munyameni, mitanghena kuvonakaleni ka yena loku kuhlamalisaka.

Nhlavutelo 13:8

Kutani vayaki hinkwavu va laha misaveni vataxigandzela; vanga lava mavito ya vona mangatsaliwangiki ka Buku ya Xinyempfana lexi xingadlawa kusukela kutumbulukeni ka matilo ni misava.

Nhlavutelo 17:8

Xivandzana lexi uxivoneke, axili kona, kutani axahali kona, kambe xitafanela kutlhantuka xihuma hi le kheleni leroyenta svinene rokala makumu, xiya kuloveni. Kutani vayaki va laha misaveni, lava mavito ya vona makalaka mangatsaliwanga bukwini ya vutomi khale, na misava yingasitumbuluka, vatahlamala kuvona xivandzana, hikuva axili kona, kutani axahali kona, kambe xitafanela kutlhela xiva kona.