1 Yohane 4:7 - Testamente Leyimpsha Xichangana

⁷ Varhandziwa, ahirhandzaneni, hikuva rirhandzu i ra Xikwembu; hi kolaho mani na mani lweyi anga ni rirhandzu apsaliwile hi Xikwembu, nasvona ativa Xikwembu.

BIBELE Mahungu Lamanene

⁷ Varhandziwa! A hi rhandzaneni, hikuva rirhandzu i ra Xikwembu, kutani un'wana ni un'wana loyi a nga ni rirhandzu ú tswariwile hi Xikwembu, naswona ú tiva Xikwembu.

Xitsonga (Bibele)

⁷ Varhandziwa, a hi rhandzaneni, hikuva rirhandzu ri huma eka Xikwembu kutani un'wana ni un'wana la nga ni rirhandzu, u tswariwe hi Xikwembu, na swona u tiva Xikwembu.

1 Yohane 4:7 Iomraidhean Croise

Yohane 13:34

Niminyika Nawu lowumpsha nili: Rhandzanani! Kukotisa lesvi mina nimirhandzeke, rhandzanani na n'wina.

Yohane 17:3

Kambe vutomi lebzingaheliki, hi lesvaku vakutiva, wena ntsena unga Xikwembu xa ntiyiso, na Yesu Kriste lweyi umurhumeke.

1 Vakorinto 8:3

Kambe loko munhu arhandza Xikwembu, ativiwa hi xona.

2 Vakorinto 4:6

Hikuva hi xona Xikwembu lexi nga te: “Kuvonakala akuvoninge munyameni!” Hi xona lexingavonakalisa kuvonakala atimbilwini ta hina, hitativa kukwetsima ka xona loku kuvonakalaka nghoheni ya Kriste.

Vagalatiya 4:9

Kambe lesvi namuntlha mitivaka Xikwembu (kumbe ningaku, lesvi namuntlha Xikwembu ximitivaka), xana sviyendlisa kuyini lesvaku mitlhelela ka mimoya leyi ya khale, leyitsaneke ya misava leyi ke? Hikolaho ka yini milava kutlhela mihundzuka svikarawa sva yona ke?

Vagalatiya 5:22

Kasi mihandzu ya Moya i rirhandzu ni kutsaka ni kurhula ni kuleha mbilu ni vunene ni kunyika ni kutshembeka

2 Timotiya 1:7

Hikuva Xikwembu axihinyikanga moya wa vutoya, kambe xihinyikile moya wa matimba, ni wa rirhandzu, ni wa kutikhoma.

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

1 Yohane 2:10

Lweyi arhandzaka makwavu a le kuvonakaleni, ka yena aku na kukhunguvanyeka.

1 Yohane 2:29

Loko misvitiva lesvaku yena i munene, masvitiva lesvaku mani na mani lweyi ayendlaka lesvolulama apsaliwa hi yena.

1 Yohane 2:3

Hi timhaka leti, hikholwa lesvaku hamutiva; loko hihlayisa milawu ya yena.

1 Yohane 2:4

Lweyi avulaka lesvaku: “Mina namutiva”, kambe angahlayisi milawu ya yena, wahemba, ka yena ntiyiso awu kona.

1 Yohane 2:7

Varhandziwa: Animitsaleli Nawu lowumpsha, kambe Nawu wa khale lowu mingava na wona kusukela kusunguleni; Nawu wa khale i rito leri kusukela kusunguleni miritweke.

1 Yohane 3:9

Mani na mani lweyi apsaliwaka hi Xikwembu angayendli xijoho; hikuva mbewu ya xona yitshama na yena, angakala angajohi, hikuva apsaliwa hi Xikwembu.

1 Yohane 4:11

Varhandziwa, lesvi Xikwembu xihirhandzeke hi ndlela leyi, na hina hifanela kurhandzana.

1 Yohane 4:12

Aku na munhu ni mun'we lweyi atshamaka avona Xikwembu; loko hina hirhandza Xikwembu, xona xi le ka hina, kutani rirhandzu ra xona rihetisekile ka hina.

1 Yohane 4:16

Hikolaho, hina hasvitiva, nasvona hapfumela ka rirhandzu leri Xikwembu xinganarona ka hina. Xikwembu i rirhandzu, lweyi atshamaka rirhandzwini atshama ka Xikwembu, ni Xikwembu xi le ka yena.

1 Yohane 4:20

Loko munhu aku: “Mina nirhandza Xikwembu”, kambe ahambula makwavu, i muhembi; hikuva lweyi angarhandziki makwavu lweyi amuvonaka hi mahlo, angakoti kurhandza Xikwembu lexi angaxivoniki.

1 Yohane 4:8

Lweyi angaliki na rirhandzu, angaxitivi Xikwembu, hikuva Xikwembu i rirhandzu.

1 Yohane 5:1

Mani na mani lweyi apfumelaka lesvaku Yesu hi yena Kriste apsaliwa hi Xikwembu, kutani mani na mani lweyi arhandzaka mupsali wa Kriste nasvona arhandza ni mupsaliwa wa yena.

2 Yohane 1:5

Svosvi-ke muhlawuliwa waxisati na kukombela, anikutsaleli Nawu lowumpsha, kambe wolowu hinga na wona kusukela kusunguleni: Lesvaku hirhandzana.