1 Yohane 3:12 - Testamente Leyimpsha Xichangana

¹² Hingafaneni na Kayini lweyi aali wa lweyi wobiha, kutani adlaya makwavu. Xana amudlayile hi mhaka muni ke? Hikuva mintirho ya yena ayili leyobiha, kambe ya makwavu ayili leyolulama.

BIBELE Mahungu Lamanene

¹² Hi nga fani na Kayini, loyi a a twanana na Lowo biha, kutani ú dlele makwavo. Xana ú n'wi dlele hikwalaho ka yini? Hikuva mintirho ya yena a yi ri leyo biha, kasi ya makwavo a yi ri leyo lulama.

Xitsonga (Bibele)

¹² hi nga kotisi Kayini la ngi a ri wa lowo biha, kutani u dlele makwavo. Kutani u n'wi dlayele yini xana? Hikuva mitirho ya yena a yi ri leyo biha; kasi ya makwavo a yi lulamile.

1 Yohane 3:12 Iomraidhean Croise

Matewu 13:19

Mani na mani lweyi atwaka Rito ra Mfumu wa Xikwembu, kambe angaritwisisi, svifana ni loko mbewu yiwile kusuhi ni ndlela. Lweyi wobiha ata, amutekela lesvihaxiweke mbilwini ya yena.

Matewu 13:38

nsimu i misava; mbewu leyinene i vana va Mfumu; mfava i vana va Lweyi Wobiha.

Matewu 23:35

lesvaku angati ya lava volulama leyi yingahalatiwa misaveni yiva henhla ka n'wina, kusukela kudlaweni ka Abele lweyi aalulamile, kuyafika kudlaweni ka Zakariya n'wana Barakiya, lweyi mimudlayeke xikarhi ka Tempele ni alitari.

Matewu 27:23

Hi loko hosi yiku: “Xana ayendlile yini xobiha ke?” Vona vahuwelela hi matimba, vaku: “Aavambiwe!”

Matewu 5:37

“Akuvulavuleni ka n'wina ‘Ina’ aave ‘Ina’, ‘Ahihim’ ava ‘Ahihim’. Lesvi yengeteleliwaka ka svosvo svihuma ka lweyi wobiha.”

Luka 11:51

kusungula hi ngati ya Abele, kuhetelela hi ngati ya Zakariya, lweyi angadlayiwa xikarhi ka alitari ni Tempele. Ina, namibzela nili: Yitalaviwa ka rixaka leri.

Yohane 10:32

Yesu avahlamula aku ka vona: “Nimikombile mintirho leyotala leyinene; leyihumaka ka Tatana; xana, ka yona, hi wihi ntirho lowu minikhandlelaka wona ke?”

Yohane 8:40

Kambe svosvi milava kunidlaya, mina lweyi ningamibzela ntiyiso lowu niwutweke ka Xikwembu! Abrahamu angayendlanga svona lesvi.

Yohane 8:41

N'wina miyendla mintirho ya tatana wa n'wina.” Vaku ka yena: “Hina ahipsaliwanga avuwosveni hi ni tatana mun'we ntsena, xinga Xikwembu.”

Timhaka 7:52

Hi wihi muprofeta lweyi vatatana va n'wina vakalaka vangamuxanisanga xana? Vadlayile na vona lavangativisa khale timhaka ta kuta ka Lweyi Alulameke, lweyi svosvi mimuxengeke, mitlhela mimudlaya;

1 Vatesalonika 2:14

Loko mili n'wina vamakwerhu, mikumane ni miringo leyingatshama yihumelela xikarhi ka vanhu va ka Yesu Kriste tikerekeni ta Yudeya: Vayuda vavaxanise kufana ni lesvi vanhu va ka n'wina vangamiyendla svona.

Vaheveru 11:4

Hi kupfumela, Abele ahumesele Xikwembu timhamba letiyamukelekeke kutlula ta Kayini, kutani hikolaho ka svona akumile vumboni bzinene avuliwa lweyi alulameke, Xikwembu na xili karhi xitiyisa svosvo hi kuyamukela tinyiko ta yena. Afile, kambe hi mhaka ya kupfumela ka yena, wahavulavula.

Vaheveru 12:24

mitile ka Yesu, muyimeli wa ntwananu lowumpsha, ni le ngatini leyin'watsekiweke, leyivulavulaka lesvikulu kutlula ngati ya Abele.

1 Petro 4:4

Vahlamala loko vamivona svosvi na mingahafambi na vona, kuwonhekeni loku kutlulisaka mpimo, kutani vamisandza.

1 Yohane 3:8

Lweyi ajohaka i wa Diyavulosi, hikuva Diyavulosi i mujohi kusukela kusunguleni. Hi svolesvi sviyendleke lesvaku N'wana wa Xikwembu atikombisa lesvaku mitshunxiwa ka mintirho ya Diyavulosi.

Yuda 1:11

Vabuyagwana! Hikuva vakhomile ndlela ya Kayini; hi kunavela bindzu, vatinyiketa mintirhweni leyohomboloka ya Balamu, vatilovisa hi vupfukeli bzofana ni bza Kora.

Nhlavutelo 17:6

Kutani nivona wansati lweyi, aadakwisiwile hi ngati ya vahlawuliwa va Xikwembu ni ngati ya lavadlayiweke hi mhaka ya kulandza Yesu. Loko nimuvona, nihlamala ngopfu.