1 Yohane 1:7 - Testamente Leyimpsha Xichangana

⁷ Loko hifamba kuvonakaleni, kufana na xona xinga kuvonakaleni, hi ni vuhlengeli, kutani angati ya Yesu Kriste N'wana wa xona yahibasisa ka svijoho hinkwasvu.

BIBELE Mahungu Lamanene

⁷ Kambe loko hi famba eku vonakaleni, kukota leswi xona xi nga eku vonakaleni, ha twanana, hi ni xinakulobye, kutani ngati ya Yesu N'wana wa xona ya hi hlantswa yi susa swidyoho hinkwaswo.

Xitsonga (Bibele)

⁷ Kambe kungakuloko hi famba eku vonakaleni, kukota xona xi nga eku ku vonakaleni, hi ni ku hlangana swin'we, kutani ngati ya Yesu Kriste, N'wana wa xona, ya hi hlantswa, yi susa swidyoho hinkwaswo swa hina.

1 Yohane 1:7 Iomraidhean Croise

Matewu 6:12

“uhirivalela svijoho sva hina, tani hi loko na hina hirivalela lava vahijohelaka;”

Yohane 1:29

Amundzuku wakona Yohani avona Yesu na ali karhi ata, amukongomile, kutani aku; hi lexi Xinyempfana xa Xikwembu lexisusaka svijoho sva misava!

Yohane 12:35

Yesu aku ka vona: “Kuvonakala kahatava kona nkarhinyana na n'wina; fambani loko mahali ni kuvonakala, lesvaku munyama wutakala wungamikumi; kasi lweyi afambaka munyameni angativi laha ayaka kona.

Yohane 5:4

hikuva, hi nkarhi wun'wana ni wun'wana antsumi ya Hosi ayixikela vuhlambelweni, yitapfindluxa mati; kutani lweyi arhangaka kunghena loko mati mahaku pfindluxiwa, aahanyisiwa, hambi ali ni mavabzi wahi ni wahi.]

Varhoma 13:12

Vusiku bzihundzile, vuxa bzitshinele. Hikolaho, ahicukumeteni mintirho ya munyama, kutani hitamela matlhari ya kuvonakala.

1 Vakorinto 6:11

Hi lesvi van'wana va n'wina amili svona; kambe svosvi mibasisiwile, nasvona miyendliwile lavahlawulekeke ni lavalulameke, hi vito ra Hosi Yesu Kriste ni Moya wa Xikwembu xa hina.

Vaefesa 1:7

Hikuva, hi kufa ka Kriste, haponisiwa, hirivaleliwa svijoho sva hina. Timpsalu ta Xikwembu i tikulu ngopfu,

Vaefesa 5:8

Hikuva khale n'wina hi n'wexe amili munyameni, kambe svosvi, lesvi mingahundzuka vanhu va Hosi, mi le kuvonakaleni. Hanyani kufana ni vanhu va kuvonakala,

1 Timotiya 6:16

Hi yena ntsena lweyi angaliki ni kufa, lweyi ayakeke kuvonakaleni lokungatshineleliwiki; kuhava munhu ni mun'we lweyi atshamaka amuvona, kumbe lweyi akotaka kumuvona. Ka yena akuve kuchaviseka ni kufuma, hilaha kungaheliki. Amen.

Tito 2:14

Hi yena lweyi atinyiketeke hikolaho ka hina, lesvaku ahikutsula kuhombolokeni hinkwaku, ahiyendla vanhu lavatengeke, lava vanga va yena ntsena, ni lava vachivirikelaka kuyendla lesvinene.

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.

Yakobo 1:17

Nyiko yin'wana ni yin'wana leyosaseka ni minkateko hinkwayu leyihetisekeke svita hi le henhla, svixika hi le ka Muvumbi wa lesvivoningaka, lweyi kungahava kucincacinca ka yena, kumbe kufularhela munhu asala xinyameni.

1 Petro 1:19

kambe hi ngati ya risima ya Kriste, leyifanaka ni ya xinyempfana lexingaliki na vulema kumbe xivati.

1 Yohane 1:3

Lesvi hisvivoneke ni lesvi hisvitweke, himitivisa svona na n'wina, lesvaku miva ni vuhlengeli svin'we na hina; avuhlengeli bzi kona xikarhi ka hina na Tatana, na yena N'wana wa yena Yesu Kriste.

1 Yohane 1:5

Leri hi rona rungula leri hingaritwa ka N'wana, hi rona leri himibzelaka rona; lesvaku Xikwembu i kuvonakala, aku na munyama ni vutsongo ka xona.

1 Yohane 5:6

Lweyi hi yena lweyi angata hi mati ni ngati,Yesu Kriste, kungali hi mati ntsena, kambe hi mati ni ngati. Kutani Moya hi wona mboni, hikuva Moya i ntiyiso.

1 Yohane 5:8

moya ni mati ni ngati, kutani vunharhu lebzi i xilo xin'we.

2 Yohane 1:4

Nitsakile ngopfu loko nikuma lesvaku vana van'wana va wena vafamba ntiyisweni, tani hi lesvi hiyamukeleke milawu ya Tatana hakona.

3 Yohane 1:4

Loko nitwa lesvaku vana va mina vahanya ntiyisweni, ka mina aku na kutsaka kun'wana loku kutlulaka koloko.

Nhlavutelo 1:5

ni le ka Yesu Kriste, mboni leyotshembeka, mativula ya lavafeke ni mufumi wa tihosi ta misava. Ka lweyi ahirhandzaka, lweyi ahitshunxeke svijohweni sva hina hi ngati ya yena,

Nhlavutelo 12:11

Vamakwerhu vamuhlulile hi ngati ya Xinyempfana, ni vumboni lebzi vabzihumeseke, kutani avarhandzanga vutomi bza vona kuyafika kufeni.

Nhlavutelo 7:14

Niku ka yena: “Svotiviwa hi wena, Hosi yanga.” Hi loko aku ka mina: “Lava, hi lava vataka hi le kuxanisekeni lokukulu; vahlampseke sviyambalu sva vona, vasvibasisa sviva ni muhlovo wa ku svibasa hi ngati ya Xinyempfana.”