1 Timotiya 6:4 - Testamente Leyimpsha Xichangana

⁴ munhu yelweyo wa kutikulisa ni kutikukumuxa, angativi nchumu. Afa hi kunavela kuphikizana ni madzolonga henhla ka marito ntsena, svinga lesvivangaka mavondzo, ni madzolonga, ni kurhuketelana, ni kulumbetana;

BIBELE Mahungu Lamanene

⁴ munhu yoloye ú tela hi manyunyu ni ku tikukumuxa, a nga tivi nchumu. Ú fa hi ku navela ku phikisana ni ku kanetana ehenhla ka marito ntsena, swi nga leswi vangaka vukwele, ni madzolonga, ni ku rhuketelana, ni ku lumbetana;

Xitsonga (Bibele)

⁴ wa tikurisa, a nga tivi nchumu, u ni vuvabyi bya ku tengisana ni ku lwa hi marito, laha ku humaka kona mona, ni timholovo, ni ku lumbetana, ni ku vilela loko biha,

1 Timotiya 6:4 Iomraidhean Croise

Timhaka 15:2

Kambe Pawulo na Barnaba vahambana ngopfu na vona mhakeni leyi, vaphikizana na vona hi matimba; kutani valulamisa lesvaku Pawulo na Barnaba vataya Yerusalema ni van'wana va Antiyoka, kuyavutisa mhaka leyi ka vapostola ni ka vakulukumba.

Timhaka 18:15

kambe lesvi kuvulavuliwaka mhaka ya marito, ni ya mavito, ni ya Nawu wa ka n'wina svivoneni hi n'wexe, hikuva mina anilavi kuva mutsemi wa timhaka letakutano.”

Timhaka 8:9

Kona kolano, akutshama wanuna mun'we lweyi avaku i Simoni; akuli khalenyana na ahlamalisa vanhu va tiko ra Samariya hi kutirha sva vungoma, ativula munhu lwenkulu.

Varhoma 12:16

Hanyisanani hi moya wun'we; mingatshukeni minavela lesvitlakukeke, kambe mitolovelana ni lavatitsongahataka; mingativoneni na mili lava vatlhariheke.

Varhoma 13:13

Ahifambeni kuvonakeleni, kufana ni vanhu lavafambaka ninhlekanhi, kungali hi minkhuvu ni kupopsa, kungali hi lesvobiha ni vunghwavana, kungali hi kuholova ni vukwele;

Varhoma 14:1

Lweyi anga ni kupfumela kutsongo, muyamukeleni, kambe mingakanetaneni na yena loko mihambana kuyehleketeni.

Varhoma 2:8

kambe lavanga ni moya wa kutirhandza, vayalaka ntiyiso, vafambaka hi kuhomboloka, xitavahlundzukela ni kuvakarihela.

1 Vakorinto 11:16

Hambi loko munhu alava kuphika hi svona, hina ahitolovelanga lesvo, na tona tikereke ta Xikwembu atisvitolovelanga.

1 Vakorinto 11:18

Xorhanga: Nitwa lesvaku ku ni kuhambana xikarhi ka n'wina loko minghena tinhlengeletanu ta n'wina; mhaka leyi, hi tlhelo rin'wana nikholwa lesvaku yingava yona.

1 Vakorinto 3:18

Munhu angatshuki atixisa. Loko mun'we xikarhi ka n'wina ativona na ali lweyi atlhariheke hi kuya hi sva minkama leyi, aahundzuke xihunguki, lesvaku atava lweyi wotlhariha.

1 Vakorinto 3:3

hikuva mahali va nyama ntsena. Hikuva, loko mavondzo ni kuholova svili kona xikarhi ka n'wina, xana amifani ni vanhu ntsena ke? Xana amihanyi kufana na vona ke?

2 Vakorinto 11:20

Loko munhu amiyendla svikarawa, ni loko amikanganyisa, ni loko aphanga sva n'wina, ni loko amilangutela hansi, ni loko amiyamasa, misviyamukela hinkwasvu.

Vagalatiya 5:15

Kambe loko milumana ni kukakatlulana, tivoneleni lesvaku mingahetani hi rixaka.

Vagalatiya 5:26

Hingatshukeni hitilavela kutidzunisa ka hava; ahichaveni kupfukana ni kutshohokana.

Vagalatiya 6:3

Hikuva loko mun'wana ayanakanya lesvaku yena xanchumu, kasi ahi nchumu, watikanganyisa.

Vafilipiya 1:15

Van'wana kunene vatwalisa Kriste hi moya wa mavondzo ni vumpsaka; kambe van'wana vasviyendla hi timbilu letibaseke;

Vafilipiya 2:14

Yendlani svilo hinkwasvu handle ka kuvulavulela matlhelweni ni kuphikizana,

Vafilipiya 2:3

Mingayendleni nchumu hi moya wa kutirhandza, kumbe hi kutidzunisa hi sva hava, kambe mun'wana ni mun'wana aatitsongahate ka van'wana, angayanakanyi lesvaku wavatlula hi vunene.

Vakolosa 2:18

Munhu angatshuki amitekela hakelo ya n'wina hi kutitsongahata, kukanganyisa ni kugandzela tintsumi, na ali karhi apfumela ngopfu sva milorho ya yena, atikulisa hi sva hava, hi miyehleketo ya yena ya sva nyama;

2 Vatesalonika 2:4

Munhu lweyi alwa ni hinkwasvu lesvihlayiwaka lesvaku svi ni vukwembu, kumbe lesvigandzeliwaka, kutani atikulisa henhla ka svona, akondza ayatshama Tempeleni ya Xikwembu, na ali karhi atihlaya lesvaku yena hi yena Xikwembu.

1 Timotiya 1:4

vangaheti nkama wa vona hi minkaringana, ni kulongoloxela tinxaka tokala tingaheli, lesvivangaka kukanetana, matshan'wini ya kuseketela makungu ya Xikwembu lawa matirhaka hi kupfumela.

1 Timotiya 1:7

vanavela kuva vajondzisi va nawu, kambe vangatwisisi lesvi vasvihlayaka kumbe timhaka leti vahlayaka lesvaku vatiyile ka tona.

1 Timotiya 3:6

Angavi munhu lweyi ahakupfumelaka, hikuva angatshuka ateliwa hi kutikulisa atikukumuxa, kutani ayavanyisiwa kufana na Diyavulosi.

2 Timotiya 2:14

Tsundzuxa vakriste timhaka leti, uvabzela svinene mahlweni ka Xikwembu lesvaku vangaphikizani hi marito, yinga mhaka leyingapfuniki nchumu, loko kungali ntsena kulovisa lavasviyingisaka.

2 Timotiya 2:23

Ungavi ni mhaka ni kukanetana ka vuphukuphuku lokungapfuniki nchumu; wasvitiva lesvaku svipsala timholova.

2 Timotiya 3:4

vatava vakanganyisi, vanhu vamagugu, lavabohiweke hi kutikulisa, lavarhandzaka kutiphina kutlula kurhandza Xikwembu.

Tito 3:9

Fularhela kuphikizana hi sva vuphukuphuku kumbe madzolonga, utshika ni timholova, ni kukanetana hi ta nawu; svilo lesvi asvipfuni nchumu, i sva hava.

Yakobo 1:19

Vamakwerhu lavarhandzekaka, Tivani lesvi: Munhu mun'wana ni mun'wana aahantlise kutwa, ahlwela kuvulavula, ahlwela kukariha.

2 Petro 2:12

Kambe vanhu lava vafana ni sviharhi lesvipfumalaka kuyanakanya, sviharhi sva nhova svopsaleliwa kukhomiwa ni kudlayiwa ntsena; vasandza timhakeni leti vangativiki nchumu ka tona, kutani vatahelisiwa hi kuhelisiwa loku kufanaka ni ka sviharhi.

2 Petro 2:18

Vatlakusa rito ni kutidzunisa ngopfu hi svilo sva hava; hi kunavela lokobiha ka sva manyala sva laha misaveni, vaphasa vanhu lava vaha kuponaka mavokweni ya valahleki.

Yuda 1:10

Kambe vanhu lava vasandza xihi na xihi lexi vangaxitwisisiki, kutani vayendla svilo lesvi vasvitivaka hi ntumbuluku kufana ni sviharhi sva nhova; hi svona lesvi svivalovisaka.

Yuda 1:16

Lava i vanhu votshamela kungurangura ni kuvilela, lavasusumetiwaka hi kunavela ka vona lokobiha, vanhu vamanyunyu lavatikulisaka, lavakanganyisaka van'wana hi kuvabumabumela, kasi valava kuvuyeliwa.

Nhlavutelo 3:17

Uvula lesvaku ufuwile, nakona u mufuwi, awupfumali nchumu, kasi awusvitivi lesvaku u mutsandzeki ni muxaniseki ni xisiwana ni xifamahlo ni lesvaku awuyambalanga nchumu!