1 Timotiya 5:8 - Testamente Leyimpsha Xichangana

⁸ Loko munhu angapfuni maxaka ya yena, ngopfungopfu lavanga va njangu wa yena wa ntiyiso, ayalile vupfumeli, kutani abihile kutlula ni lweyi angapfumeliki.

BIBELE Mahungu Lamanene

⁸ Loko munhu a nga pfuni maxaka ya yena, ngopfu-ngopfu lava va nga va ndyangu wa yena wa xiviri, ú landzurile vupfumeri, kutani ú tlula ni vamatiko hi ku biha.

Xitsonga (Bibele)

⁸ Loko un'wana a nga hlayisi varikwavo, ngopfu va yindlu ya yena, u landzurile ku pfumela, u tlula hi ku biha la nga pfumeriki.

1 Timotiya 5:8 Iomraidhean Croise

Matewu 18:17

Loko ayala kuvayingisa, bzela nhlengeletanu ya vakriste; loko ayala kuyingisa na yona nhlengeletanu, ka wena aakotise muhedeni kumbe muhakelisi wa rhesa.

Matewu 7:11

Kutani-ke, lesvi n'wina minga vanhu vobiha mitivaka kunyika vana va n'wina svilo lesvinene, xana Tatana wa n'wina lweyi anga matilweni, angetlulisi ngopfu kunyika lesvinene ka lavakombelaka ka yena ke?

Yohane 15:22

Loko aningatanga nitavulavula na vona, avangatava ni nandzu; kambe svosvi ava na lexi vangatiponisaka ha xona nandzwini wa vona.

1 Vakorinto 6:6

Xana hakunene munhu angayamangalela makwavu, nasvona sviyendliwa mahlweni ka lava vangaliki vapfumeli ke?

2 Vakorinto 12:14

Nitilungisele kuta ka vunharhu le ka n'wina; aningamitikiseli, hikuva anilavi svilo sva n'wina, kambe nilava n'wina vinyi; hikuva vana ahi vona lavafanelaka kuhlayisela vapsali axuma, kambe i vapsali lavafanelaka kuhlayisela vana.

2 Vakorinto 6:15

Xana Kriste na belial, vangatwanana ke? Kumbe mupfumeli angafambelana hi mukhuva wihi ni lweyi angaliki mupfumeli xana?

Vagalatiya 6:10

Hikolaho, minkama hinkwayu loko svikoteka, ahiyendleleni vanhu hinkwavu lesvinene, ngopfungopfu va njangu wa lavapfumeleke.

2 Timotiya 2:12

loko hitiyisela, nakona hitafuma na yena; loko himulandzula, na yena atahilandzula;

2 Timotiya 3:5

Vatatiyendla ongi hi loko vali ni vukhongeli, kambe vatayala matimba ya bzona. Fambela kule ni vanhu lavotano

Tito 1:16

Hi milomo ya vona, vavula lesvaku vativa Xikwembu, kambe hi mintirho ya vona vaxilandzula. Hikolaho vanyenyentsa, vayala kuyingisa, avakoti kuyendla ntirho ni wun'we lowunene.

2 Petro 2:1

Khale, vaprofeta va mavunhwa na vona vavekona xikarhi ka vanhu, kufana ni lesvi kungatava ni vajondzisi va mavunhwa xikarhi ka n'wina, lavangatanghenisa hi le xihundleni tijondzo tohambuka letiwonhaka; vatalandzula hambi ali Hosi leyivakutsuleke, vativangela kulahleka lokungatahantla kuvawela.

Yuda 1:4

Hikuva vanhu van'wana vangungumelile vanghena xikarhi ka hina; kuyavanyisiwa ka vona kulungisiwe khale. I vanhu lavangaliki na mhaka ni vukhongeli; vahundzula timpsalu ta Xikwembu xa hina, vayendla sva manyala ha tona, nasvona valandzula Yesu Kriste, yena N'winyi wa hinkwasvu ni Hosi ya hina.

Nhlavutelo 2:13

Nitiva laha uyakeke kona, laha xiluvelo xa Sathana xinga kona, ukhome svitiya vitweni ra mina, nasvona awulandzulanga kupfumela ka wena ka mina, hambi masikwini ya kudlayiwa ka Antipasi, mboni ya mina leyotshembeka leyidlayiweke xikarhi ka n'wina, laha Sathana ayakeke kona.

Nhlavutelo 3:8

Nitiva mintirho ya wena. Vona, nivekile mahlweni ka wena xipfalu lexipfulekeke, lexi kungaliki na mun'we lweyi angakotaka kuxipfala. Nasvitiva lesvaku matimba ya wena i matsongo, kambe rito ra mina urihlayisile, ni vito ra mina awuriyalanga.