1 Timotiya 1:4 - Testamente Leyimpsha Xichangana

⁴ vangaheti nkama wa vona hi minkaringana, ni kulongoloxela tinxaka tokala tingaheli, lesvivangaka kukanetana, matshan'wini ya kuseketela makungu ya Xikwembu lawa matirhaka hi kupfumela.

BIBELE Mahungu Lamanene

⁴ va nga heti nkarhi wa vona hi mintsheketo, ni ku longoloxela swivongo swo ka swi nga heli, leswi vangaka ku kanetana, ematshan'wini ya ku seketela makungu ya Xikwembu lama tirhaka hi ku pfumela.

Xitsonga (Bibele)

⁴ ni leswaku va nga tshuki va namarhela mitsheketo, ni swivongo leswi nga heriki, leswi humesaka ku tengisana, ku nga ri ku akisa yindlu ya Xikwembu leyi nga eku pfumeleni, ndza ha tiyisa swona.

1 Timotiya 1:4 Iomraidhean Croise

2 Vakorinto 1:12

Kutidzunisa ka hina hi loku: Ripfalu ra hina rihibzela lesvaku hihanyile xikarhi ka vanhu hi kululama ni kutenga loku kuhumaka ka Xikwembu, ngopfungopfu loko hitirhisana na n'wina. Hihanyile kungali hi vutlhari bza misava leyi, kambe hi timpsalu ta Xikwembu.

Vaefesa 3:2

Mitava mitwile hilaha Xikwembu, hi timpsalu ta xona, xininyikeke hakona ntirho lowu lesvaku nimipfuna,

1 Timotiya 3:16

Hakunene, hingatiyisa lesvaku xihundla xa vukhongeli bza hina i xikulu: “Ahumelelile tani hi munhu, ahlayiwile lweyi alulameke moyeni, avoniwile hi tintsumi; apaluxiwile matikweni, apfumeliwile laha misaveni, atekeliwa henhla kukwetsimeni.”

1 Timotiya 4:7

Ungavi ni mhaka ni minkaringana ya vuphukuphuku leyingaliki ni vukhongeli. Titolovete kuva mukhongeli,

1 Timotiya 6:11

Kambe loko ali wena, munhu wa Xikwembu, fambela kule ni svilo lesvi hinkwasvu. Kongoma kululama, ni vukhongeli, ni kupfumela, ni rirhandzu, ni kutiyisela, ni timpsalu.

1 Timotiya 6:20

Wena Timotewu, hlayisa lesvivekiweke mandleni ya wena. Fambela kule ni kuvulavula sva hava lesvingaliki na vukhongeli, ni kukanetana hi lesvihlayiwaka “vutivi”, kasi ahi bzona.

2 Timotiya 2:14

Tsundzuxa vakriste timhaka leti, uvabzela svinene mahlweni ka Xikwembu lesvaku vangaphikizani hi marito, yinga mhaka leyingapfuniki nchumu, loko kungali ntsena kulovisa lavasviyingisaka.

2 Timotiya 2:22

Chava kuhluliwa hi kunavela loku kutelaka lavampsha, ulandza kululama, ni kupfumela, ni rirhandzu, ni kurhula, svin'we ni lavakhongelaka Hosi hi timbilu letitengeke.

2 Timotiya 2:23

Ungavi ni mhaka ni kukanetana ka vuphukuphuku lokungapfuniki nchumu; wasvitiva lesvaku svipsala timholova.

2 Timotiya 4:4

Kutani vatafularhela ntiyiso, vangahawuyingisi, vapepetsekela ka minkaringana ya hava.

Tito 1:1

Mina Pawulo, nandza wa Xikwembu ni mupostola wa Yesu Kriste, nirhumiwile kuseketela kupfumela ka vanhu lavahlawuliweke hi Xikwembu, ni kuvapfuna kutiva ntiyiso lowujondzisiwaka hi vukhongeli bza hina,

Tito 1:14

vatakala vangayingisi minkaringana ya xiyuda, ni kulerisa ka vanhu lavafularheleke ntiyiso.

Tito 3:9

Fularhela kuphikizana hi sva vuphukuphuku kumbe madzolonga, utshika ni timholova, ni kukanetana hi ta nawu; svilo lesvi asvipfuni nchumu, i sva hava.

Vaheveru 13:9

Mingakanganyisiweni hi tijondzo ta tinxakaxaka letingatwisisekiki. Svilulamile loko mbilu yitiyisiwa hi timpsalu ta Xikwembu, kungali hi milawu hi tlhelo ra svakuja, lesvingapfuniki nchumu ka lava vasvilandzelelaka.

2 Petro 1:16

Ahilandzanga svihitana svoyendliwa hi vutlhari, loko himitivisile ta kuhumelela ka Hosi ya hina Yesu Kriste hi matimba; hina hi timboni ta vukulukumba bza yena, lebzi hingabzivona hi mahlo.