1 Timotiya 1:10 - Testamente Leyimpsha Xichangana

¹⁰ ni vawosvi ni vavanuna lavativanaka hi xinuna kulobze, ni lavayivaka vanhu, ni vahembi, ni lava vokala vangavulavuli ntiyiso, ni lavayendlaka hinkwasvu lesvihambaneke ni jondzo leyinga yona ya ntiyiso.

BIBELE Mahungu Lamanene

¹⁰ ni vaoswi, ni vavanuna lava endlaka swa tingana ni vavanuna-kulobye, ni lava yivaka vanhu, ni vahembi, ni va milomo mimbirhi, ni lava endlaka hinkwaswo leswi hambaneke ni dyondzo leyi nga yona ya xiviri.

Xitsonga (Bibele)

¹⁰ ni lava dlayaka vanhu, ni vaoswi, ni va Sodoma, ni lava yivaka vanhu, ni vahembi, ni lava hundzukaka eku hlambanyeni ka vona, hambi xi ri xilo xihi ni xihi lexi lwaka ni dyondzo leyi lulameke,

1 Timotiya 1:10 Iomraidhean Croise

Yohane 8:44

Tatana wa n'wina i Diyavulosi, kutani mitsakela kuyendla kurhandza ka tatana wa n'wina. Aali mudlayi ni le kusunguleni. Angatshamanga ntiyisweni, hikuva kuhava ntiyiso ka yena. Loko avulavula mavunhwa, akombisa lesvi anga svona, hikuva i muhembi, ni tatana wa mavunhwa.

Varhoma 1:26

Hikolaho ka svona, Xikwembu xivanyiketile kunaveleni lokukhomisaka tingana; vavasati va vona vatshikile svihena sva vona sva ntumbuluku, hi lesvaku vavanuna vafambelana masangu ni vavanunakulobze;

1 Timotiya 4:6

Loko uyandlala timhaka leti mahlweni ka vamakwerhu, utava nandza lwenene wa Kriste Yesu, utava lweyi awundliweke maritweni ya vupfumeli ni ya tijondzo letinene leti ufambeke ha tona.

1 Timotiya 6:3

Loko munhu mun'wana ajondzisa svotiviwa hi yena, lesvihambaneke ni marito lawa mahanyaka ya ntiyiso ya Hosi ya hina Kriste Yesu, ni jondzo leyifambelanaka ni vukhongeli,

2 Timotiya 1:13

Tshama amaritweni lamatiyeke ya ntiyiso, lawa umatweke ka mina, kupfumeleni ni le rirhandzwini leringa ka Kriste Yesu.

2 Timotiya 4:3

Hikuva nkama wata, lowu vanhu vangatakala vangayamukeli jondzo leyinga yona ya ntiyiso; kambe lesvi tindleve ta vona tinwayisaka, vatatihlengeletela vajondzisi lavangatavajondzisa lesvi vasvitsakelaka.

Tito 1:13

Kunene lesvi asvivuleke svitiyile. Hikolaho wena ufanela kuvatshinya hi matimba, lesvaku vatava ni kupfumela loku kuhanyaka,

Tito 1:9

aave munhu lweyi anamarhelaka Rito leritshembekeke, lerifambelanaka ni lesvi svijondzisiwaka, atakota kutiyisa van'wana hi jondzo leyinga ya ntiyiso, nikukomba kuhoxa ka lava valwaka na yona.

Vaheveru 13:4

Muchado akuve lowu xiximiwaka hi vanhu hinkwavu, mubedo wa vatekani wunganyamisiwi, hikuva Xikwembu xitayavanyisa tinghwavana ni vawosvi.

Yuda 1:7

Svahafana na Sodoma na Gomora, ni madoropa lawa amali kusuhi na wona, lawa amahanya vuwosvini kufana ni tintsumi letiya ni kutinyiketa kunaveleni ka sva manyala: Madoropa lawaya svosvi mahundzuke xitsundzuxu hi kubiwa mahisiwa hi ndzilo lowungaheliki.

Nhlavutelo 18:13

sinamoni, ni svin'wana svonandzihisa svakuja; b'aso ra alitari, ni mafurha ya “mira” ni minsinya yin'wana yonun'hwela; vhinyu ni mafurha ya maolivha, mapa ya mavele, ni fulahu, tihomu ni tinyempfu, mahanchi ni tin'qolo, ni svikarawa, hambi yili mimoya ya vanhu.

Nhlavutelo 21:27

Kambe akungangheni xilo ni xin'we xa chaka kona, hambi ali lweyi ahanyaka hi sva manyala ni mavunhwa; kutanghena ntsena lava mavito ya vona matsaliweke bukwini ya vutomi ya Xinyempfana.

Nhlavutelo 21:8

Kambe loko mali matoya ni lavayalaka kupfumela ni lavayendlaka sva manyala, ni vadlayi ni vawosvi ni valoyi ni lavagandzelaka svikwembu sva hava ni vahembi hinkwavu, makumu ya vona kutava kuhoxiwa tiveni leripfurhaka ndzilo ni xivavula, ringa rona rifu ra vumbirhi.

Nhlavutelo 22:15

Lava vasalaka handle ka doropa hi lava vayendlaka lesvobiha, ni valoyi, ni vawosvi, ni vadlayi, ni lavagandzelaka svikwembu sva hava, ni hinkwavu lavatsakelaka vunhwa ni kuhanya ha rona.