1 पतरस 4:11 - भगवान कर सच्चा बचन

¹¹ अगर कउ बचन देथै, उके सुरता रहै कि ऊ भगवान के बचन बोलथै, जउन धरमी सेबा करथै, ऊ जान ले कि भगवान उके बल देथै, हइ मेर सब बातन हे यीसु मसीह के दवारा भगवान के महिमा परगट हुइ जही। महिमा अउ सक्ति जुगजुग भगवान के हबै। ओसनेन होय।

1 पतरस 4:11 Iomraidhean Croise

मत्ती 6:13

अउ हमही परिक्छा हे झइ डाल, पय बुराई लग बचा, पराकरम अउ महिमा सबरोज तोर आय। ओसनेन होय।

यूहन्ना 13:31

जब यहूदा बाहिर कढ गइस एखर बाद यीसु कथै, “अब मनसे कर टोरवा के महिमामय हुइस अउ ओखर दवारा भगवान कर महिमा होय हबै।

प्रेरितो 7:38

हइ उहै हबै, जउन निरजन परदेस के मंडली हे ऊ स्वरगदूत के संग रथै, जउन सीनै डोंगर हे ओखर लग बात करिस, ऊ हमर सियानन के संगो रथै, भगवान लग जिन्दा बचन मिलथै, जेही हमर लिघ्घो तक पहुंचिस।

रोमियो 11:36

काखे ओखरै पल्ला लग अउ ओखरै दवारा अउ ओखरै निता सब कुछ हबै, ओखर महिमा जुगजुग होत रहै, ओसनेन होय।

रोमियो 12:3

अउ मोके दय गइस बडी अनुगरह के दवारा मै तुम्हर मसे सगलू के बिनती करत कथो, कि कउनो खुद के बोहत झइ समझै, पय खुदय के बारे हे तुम्हर गिनती भगवान दवारा दय गइस बिस्वास के परिनाम जसना होय।

रोमियो 16:27

उहै अक्ठी होसियार भगवान के यीसु मसीह के दवारा सबरोज महिमा होतै रहै। ओसनेन होय।

रोमियो 3:2

सब मेर लग बोहत कुछ सबले आगू यहूदिन के भगवान के बचन सउपे गय हबै।

1 कुरि 10:31

इहैनिता तुम चाहे खा या पिया, जउन कुछु करा सब भगवान के महिमा के निता करा।

1 कुरि 12:4

बरदान तो कइन मेर के होथै, पय आतमा अक्ठिन हबै।

1 कुरि 3:10

भगवान लग मिले हर अनुगरह के जसना मै घर बनामै के निता अच्छी मिसतिरी के जसना नीह खनिस, कउ दूसर नीह के उप्पर रद्दा रखथै, हरेक झन के चेतन्न रहैका हबै कि ऊ कउन मेर घर बनाथै।

1 कुरि 6:20

काखे तुम यीसु के खून के दवारा खरीद गय हबा, इहैनिता तुम अपन देह लग भगवान कर महिमा करा।

2 कुरि 2:17

भगवान के बचन के अपन फायदा के निता ओहमा मिलाबट करके बेचै बाले बोहत दूसर मनसे जसना हम नेहको हबन, हम तो भगवान के आगू भगवान के पल्ला लग पठोय हर मनसे के जसना मसीह हे मजबूत हुइके सच्चाई के संग बोलथन।

2 कुरि 9:13

तुम्हर हइ सेबा के साबूत मानत ऊ भगवान के महिमा करही काखे तुम मसीह के भगवान कर संदेस के आदेस मानत स्वीकार करे हबा, अउ तुम सगलू के परति उदार मन के हबा।

इफिसियों 1:19

अउ जउन बिस्वास करथै, ओहमा काम करै के ओखर सक्ति केतका बडा हबै, हमर भित्तर काम करै बाले सक्ति ओतकै बलवान हबै।

इफिसियों 4:29

कउनो मेर के गन्दा बात तुम्हर मुंह लग झइ निकरै, पय उहै जउन निक्खा बात होय अउ उन्नत के निता फायदा होय, असना बात जउन सुनै बाले के अनुगरह होय, असना बात मुंह लग निकरै।

इफिसियों 5:20

अउ हरमेसा सगलू बातन के निता हमर परभु यीसु मसीह के नाम लग भगवान बाफ के धन्यबाद करत रइहा।

इफिसियों 6:10

इहैनिता परभु हे अउ ओखर सक्ति के परभाव हे बालवान बना।

फिलिप्पियन 1:11

अउ भगवान के नाम के महिमा अउ परसंसा के निता ऊ नियाइपन लग भरे रइहा, जउन यीसु मसीह के दवारा फइलथै-फूलथै।

फिलिप्पियन 2:11

अउ भगवान बाफ के महिमा के निता सगलू मनसे हइ स्वीकार करै, कि यीसु मसीह परभु हबै।

कुलुस्सियो 4:6

तुम्हर आरो हरमेसा मीठा रहै अउ सालोनी होय, हइ अहसास के संग कि तुमके कउन मनसे के कइसना जबाब दे के हबै।

1 थिस्स 2:4

पय भगवान हमके काबिल समझ के संदेस के सउपे हबै, इहैनिता हम मनसे के खुस करै के निता नेहको, बलुक हमर मन के परखै बाले भगवान के खुस करै के निता सिक्छा देथन।

1 तीमु 1:17

युगन के राजा, कबहुन न मरै बाले, कबहुन न दिखै बाले अउ असीम भगवान के इज्जत अउ महिमा जुगजुग होवत रहै ओसनेन होय।

1 तीमु 6:16

केबल उहै अनन्त काल हबै, जिनखर लिघ्घो अपार उजियार हे हबै, जिनके कउ कबहुन नेहको देखे हबै अउ न देख सकथै, उनखर महिमा अउ राज लगेतार होवत रहै, ओसनेन होय।

तीतुस 2:1

पय जउन बात सही सिक्छा के जसना हबै, तुम उहै के कहे करिहा।

तीतुस 2:15

हइ बातन के सिखाय करा, हिम्मत बढाबा, अउ पूर हक के संग डांटा अउ कउ तुमके बेकार झइ जान पामै।

इब्रानिन 13:7

उनही सुरता रखिहा, जउन तुम्हर अगुवा रथै, जउन तुमही भगवान के बचन के सिक्छा दइन अउ उनखर चाल चलन के परिनाम के सुरता करत उनखर बिस्वास के पाछू चला करिहा।

इब्रानिन 5:12

हइ टेम तक तुमही गुरू हुइ जायके चाही, पय हइ जरूरी हुइ गय हबै कि कउ तुमही फेरै भगवान के बचन सिखामै, तुमही भात खायका नेहको बकि दूध के जरूरत हबै।

याकूब 1:19

हे मोर पिरिया भाई अउ बेहन, तुम हइ अच्छी तरह लग समझ लेया, हर मनसे सुनै के निता तइयार रहा, पय बोलैका अउ गुस्सा करै हे धीम रहा,

याकूब 1:26

अगर कउ मनसे खुद के भक्त समझथै अउ फेर अपन जीभ हे रोक नेहको लगाथै, ऊ अपन मन के धोखा हे रखथै अउ ओखर महिमा बेकार हबै।

1 पतरस 2:12

आने जात हे तुम्हर चाल चलन निक्खा होय, जेखर लग कि जेखर बारे हे उन तुमही अपराधी मेर जानके बदनाम करथै, तुम्हर निक्खा काम के देखके ऊ आगमन के रोज भगवान कर महिमा करही।

1 पतरस 2:5

तुम खुद जिन्दा पथरन के जसना आतमिक घर बनत जा, जेखर लग याजकन के पवितर समाज बनके, असना आतमिक बलि चढावा जउन यीसु मसीह के दवारा भगवान के गरहन होय।

1 पतरस 4:10

जेही जउन बरदान मिले हबै, ऊ भगवान के कइन मेर के अनुगरह किरपा के अच्छी भन्डारी के जसना अक दूसर के सेबा हे लगामै।

1 पतरस 4:16

अगर कउ मसीह होमै के कारन दुख भोगथै, ऊ उके लाज के बात झइ समझै, पय ई बात हे भगवान के महिमा करै।

1 पतरस 5:11

ओखर सक्ति जुगजुग बने रहे। ओसनेन होय।

यहूदा 1:25

जउन हमके हमर परभु यीसु मसीह के दवारा मुकति देथै, उहै अक्ठी भगवान कर महिमा, सक्ति, पराकरम अउ हक हरमेसा-हरमेसा लग अब तक अउ जुगजुग तक बने रहै। आमीन।