1 यूहन्ना 5:3 - भगवान कर सच्चा बचन

³ काखे भगवान के माया हइ हबै कि हम ओखर आदेस के मानथन, अउ ओखर आदेस गरू नेहको हबै।

1 यूहन्ना 5:3 Iomraidhean Croise

मत्ती 23:4

उन मनसेन के खान्दा हे एतका गरू लाद देथै कि उन उके उठाय के रेंगों नेहको सकै अउ मनसेन हे दबाव दिखाथै कि उन उके लइके रेंगै। पय उन खुद उनखर मसे कउनो मेर के अंगठी तक नेहको डोलामै चाहथै।

यूहन्ना 14:15

अगर तुम मोर लग माया करथा, ता मोर आदेस के मनिहा।

यूहन्ना 15:10

अगर तुम मोर आदेस के मनिहा, ता मोर माया हे बने रइहा, जसना मै अपन बाफ के आदेस के माने हबो अउ ओखर माया हे बने रथो।

यूहन्ना 15:14

अगर तुम मोर आदेस के मनिहा, ता तुम मोर संगी हबा।

रोमियो 7:12

इहैनिता मूसा कर नियम पवितर हबै अउ आदेस पवितर हबै, धरमी अउ निक्खा हबै।

रोमियो 7:22

काखे मै मनसे के भित्तर आतमा लग भगवान के नियम लग बोहत मगन रथो।

इब्रानिन 8:10

फेर परभु हइ कथै, ऊ टेम गुजर जाय के बाद मै इस्राएल देस के निता, हइ टीमा बंधिहों मै अपन नियम उनखर मन हे डलिहों, उनखर हिरदय हे ओही लिख दइहों। मै उनखर भगवान हुइहों, अउ उन मोर मनसे हुइहीं।

1 यूहन्ना 2:3

अगर हम भगवान के आदेस के मानबो, ता ओखरै लग हमही पता चलही कि हम उके जान गय हबन।

2 यूहन्ना 1:6

अउ माया के मतलब हइ हबै कि हम ओखर आदेस के जसना चली, हइ उहै आदेस हबै जउन तुम सुरू लग सुने हबा, अउ तुमही माया के रास्ता हे चलै चाही।