ପିଲିପିୟ 2:2 - ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

² ତଃନ୍‌ଅଲେ ତୁମିମଃନ୍‌ ଗଟେକ୍‌ ମଃନେ ଗଟେକ୍‌ ଲାଡେ, ଏକ୍‌ ମଃନ୍ ଆର୍‌ ଏକ୍‌ ବାବ୍‌ନାକାରି ଅୟ୍‌ ମର୍‌ ସଃର୍ଦା ହୁରା କଃରା

ବ୍‌ଡ଼୍ ହ୍‌ର୍‌ଜା ବାଇବଲ

² ତ୍‍ବେ ତୁମିମ୍‍ନ୍ ଗଟେକ୍ ମ୍‌ନ୍ ଅଇ ଗଟେଲକ୍ ଆର୍ ଗଟ୍‌ଲକ୍‌କେ ଲାଡ୍‌କ୍‌ରି ଗଟେକ୍ ବାବ୍‌ନା ଆର୍ ଗଟେଆତ୍ମା ଅଇ ମର୍ ଇଚାକେ ହୁରାକ୍‌ରା।

ପିଲିପିୟ 2:2 Iomraidhean Croise

ଜହନ୍‌ 3:29

ଜୁୟ୍‌ ଲକ୍‌ କଃନ୍ୟା ଆଣେଦ୍‌, ସେ ବଃର, ମଃତର୍‌ ବଃରର୍‌ ସଃଙ୍ଗ୍ ଅଃହ୍‌ଣାର୍‌ ଲକ୍‌ ଟିଆ ଅୟ୍‌ କଃତା ସୁଣେଦ୍‌, ସେ ବଃରର୍‌ ଗିନେ ବଃଡେ ସଃର୍ଦା ଅୟ୍‌ଦ୍‌ । ବଃଲେକ୍‌ ମର୍‌ ଇ ସଃର୍ଦା ହୁର୍ନ୍‌ ଅୟ୍‌ଆଚେ ।

ପେରିତ୍‌ 1:14

ସେମଃନ୍ ସଃବୁ ମାୟ୍‌ଜିମଃନାର୍‌ ସଃଙ୍ଗ୍ ଆର୍‌ ଜିସୁର୍‌ ଆୟ୍‌ସି ମରିୟମ୍‌ ଆର୍‌ ତାର୍‌ ବାୟ୍‌ମଃନାର୍‌ ସଃଙ୍ଗ୍ ଗଟେକ୍‌ ଟାଣେ ଗଟେକ୍‌ମଃନେ ପାର୍ତ୍‌ନା କଃରୁକେ ସଃବୁଲଃକ୍‌ ରୁଣ୍ଡ୍‌ତି ରିଲାୟ୍‌ ।

ପେରିତ୍‌ 2:1

ଜଃଡ୍‌ବଃଳ୍‌ ପେଣ୍ଟିକସ୍ଟ୍‌ ହଃର୍ବାର୍‌ ଦିନ୍ ଚଃମେ ଅୟ୍‌ଲି ସଃବୁ କ୍ରିସ୍ଟ ବିସ୍ୱାସିମଃନ୍ ଗଟ୍‌ ଟାଣେ ରୁଣ୍ଡି ରିଲାୟ୍‌,

ପେରିତ୍‌ 2:46

ଆର୍‌ ସେମଃନ୍ ଏକ୍‌ ମଃନ୍ ଅୟ୍‌ ସଃବୁ ବିନ୍ ମନ୍ଦିରେ ରୁଣ୍ଡିରେତି ରିଲାୟ୍‌ ଆର୍‌ ଗଃରେ ଗଃରେ ରୁଟି ବାଙ୍ଗି କଃରି ସଃର୍ଦାୟ୍‌ ଆର୍‌ ସୁସାର୍‌ ମଃନେ କାଉଆ ହିଉଆ କଃର୍ତି ରିଲାୟ୍‌ ।

ପେରିତ୍‌ 5:12

ପେରିତ୍‌ମଃନାର୍‌ ଆତେ ଲକ୍‌ମଃନାର୍‌ ବିତ୍ରେ ଗାଦେକ୍‌ ଚିନ୍ ଆର୍‌ କାବାଅଉତା କାମ୍‌ କଃରାଗଃଲି, ଆର୍‌ ସଃବୁ ବିସ୍ୱାସି ଦଃଳ୍‌ ସଲ୍‌ମନାର୍‌ ମଣ୍ଡପେ ଗଟେତଃୟ୍‌ ରୁଣ୍ଡ୍‌ଲାୟ୍‌ ।

ରୋମୀୟ 12:16

ସଃବ୍‌କେ ସଃମାନ୍‌ ଆକାୟ୍‌ ଦଃକା, ବଃଡ୍‌ହାଣ୍ୟା ନଃଉଆଁ, ବାଙ୍ଗିହଃଳ୍‌ଲା ଲକ୍‌ମଃନାର୍‌ ସଃଙ୍ଗ୍ ଅଃଉଆ । ନିଜଃକେ ଗିଆନି ବଃଲି ବାବାନାଁୟ୍‌ ।

୧ କରନ୍ତି 1:10

ଏ ବାୟ୍‌ବେଣିମଃନ୍‌, ଅଃମିମଃନାର୍‌ ମାପ୍ରୁ ଜିସୁ କ୍ରିସ୍ଟର୍‌ ନାଉଁଏ ମୁଁୟ୍‌ ତୁମିମଃନ୍‌କେ ଗଃଉଆରି କଃରୁଲେ, ଜଃନ୍‌କଃରି ତୁମିମଃନ୍‌ ଗଟ୍‌ କଃତା କଃଉଆ, ଆର୍‌ ତୁମିମଃନ୍‌କାର୍‌ ବିତ୍ରେ ଦଳ୍‌ବାଗ୍ ନଃଉଅ, ମଃତର୍‌ ତୁମିମଃନ୍‌କେ ଗଟେକ୍‌ ମଃନେ ଗଟେକ୍‌ ବିଚାରେ ମିସା ।

୨ କରନ୍ତି 13:11

ସଃରାସଃରି ବଃଳ୍‌, ଏ ବାୟ୍‌ବେଣିମଃନ୍, ସଃର୍ଦା କଃରା, ସଃବୁ ବିସୟେ ଜୟଃଗ୍ ଅଃଉଆ, ଗ୍ୟାନ୍ ଦଃରା, ଗଟେକ୍‌ ମଃନ୍ ଅଃଉଆ, ସୁସ୍ତାୟ୍‌ ବାସା କଃରା, ଆର୍‌ ଲାଡ୍‌ ଆର୍‌ ସୁସ୍ତାର୍‌ ଇସ୍ୱର୍‌ ତୁମିମଃନାର୍‌ ସଃଙ୍ଗେ ରଃୟ୍‌ଦ୍‌ ।

୨ କରନ୍ତି 2:3

ଆରେକ୍‌ ତୁମାର୍‌ ତଃୟ୍‌ହୁଣି ମର୍‌ ସଃର୍ଦା ହାଉତା ଲଳା, ସେମଃନାର୍‌ ତଃୟ୍‌ହୁଣି ମୁୟ୍‌ଁ ଆସି ଜଃନ୍‌କଃରି ଦୁକ୍‌ ନଃହାୟ୍‌, ଇତାର୍‌ ଗିନେ ମୁୟ୍‌ଁ ଇ କଃତା ଲେକିରିଲେ, ଜୁୟ୍‌ତାର୍‌ ଗିନେ ମର୍‌ ସଃର୍ଦାୟ୍‌ ଜେ ତୁମିମଃନାର୍‌ ସଃର୍ଦା, ଇରି ତୁମି ସଃବୁଲକାର୍‌ କଃତାୟ୍‌ ମର୍‌ ବିସ୍ୱାସ୍‌ ଆଚେ ।

୨ କରନ୍ତି 7:7

ଆର୍‌ ସେ ଅଃବ୍‌କା ଆୟ୍‌ଲାକ୍‌ ନାୟ୍‌, ମଃତର୍‌ ଜୁୟ୍‌ ସୁସ୍ତା ତଃୟ୍‌ ସେ ତୁମିମଃନାର୍‌ ହାକ୍‌ ଜୁୟ୍‌ ଜୁୟ୍‌ ସୁସ୍ତା ହାୟ୍‌ରିଲା, ସେ ହେଁ ସୁସ୍ତା ଦିଲା, ବଃଲେକ୍‌ ମର୍‌ ଗିନେ ତୁମାର୍‌ କଃତେକ୍‌ ଦୁକ୍‌ ମରବାଟ୍ୟା ଅଃଉଁକେ କଃଡେକ୍‌ ସଃର୍ଦା ସେତାକ୍‌ ଜଃବର୍‌ ସଃର୍ଦା ଅୟ୍‌ ଆଚି ।

ପିଲିପିୟ 1:4

ତୁମିମଃନାର୍‌ ସଃବାର୍‌ ଗିନେ ସଃବୁବଃଳ୍‌ ମୁୟ୍‌ଁ ସଃର୍ଦାଅୟ୍‌ ପାର୍ତନା କଃରି ଗଃଉଆରି କଃରୁଲେ

ପିଲିପିୟ 2:16

ବିନ୍‌ ଲକାର୍‌ ତଃୟ୍‌ ଜିବନ୍ କଃତା ପର୍ଚାର୍‌ କଃର୍ତା ବଃଳ୍‌ ତୁମି ଅଃଗାସ୍‌କେ ଉଜାଳ୍‌ କଃର୍ତାର୍‌ ତାରା ମଃନାର୍‌ ହର୍‌ ଉଜାଳ୍‌ ଅଃଉଆ । ତୁମିମଃନ୍ ଜଦି ଇରଃକମ୍‌ ଅଃଉଆସ୍‌ କ୍ରିସ୍ଟ ଆସ୍ତା ଦିନ୍ ତୁମିମଃନାର୍‌ ବିସୟେ ମୁୟ୍‌ଁ ଗଃର୍ବ୍‌ କଃରୁ ହାରି କାୟ୍‌ତାକ୍‌ବଃଲେକ୍‌ ଇତି ଜାଣା ହଃଳେଦ୍‌ ମର୍‌ ସଃବୁ ଚେସ୍ଟା ଆର୍‌ କାମ୍‌ ହଲ୍ୟା ନାୟ୍‌ ।

ପିଲିପିୟ 2:20

କାୟ୍‌ତାକ୍‌ବଃଲେକ୍‌ ତାର୍‌ ମଃନ୍‌ ବାବ୍‌ ମର୍‌ ହର୍‌ ଆଚେ ଆର୍‌ ସେ ସଃତ୍‌କଃରି ତୁମାର୍‌ ହାୟ୍‌ ଦିଆନ୍‌ ଦେଉଁଲା ।

ପିଲିପିୟ 4:2

ମାପ୍ରୁର୍‌ ତଃୟ୍‌ ଗଟେକ୍‌ ମଃନ୍ ଅଃଉଁକେ ମୁୟ୍‌ଁ ଇୟଦିଆ ଆର୍‌ ସନ୍ତୁକି ଦୁୟ୍‌ଲକେ ଗଃଉଆରି କଃରୁଲେ ।

କଲସୀୟ 2:5

କାୟ୍‌ତାକ୍‌ବଃଲେକ୍‌ ଜଦି ନିଜ୍‌ ଗଃଗାଳେ ମୁୟ୍‌ଁ ସେତି ନାୟ୍‌, ଅୟ୍‌ଲେକ୍‌ ହେଁ ଆତ୍ମାୟ୍‌ ତୁମିମଃନାର୍‌ ସଃଙ୍ଗ୍ ଆଚି । ତୁମିମଃନାର୍‌ ନିକରି ଆର୍‌ କ୍ରିସ୍ଟର୍‌ ତଃୟ୍‌ ଜଃବର୍‌ ବିସ୍ୱାସି ଇରି ଦଃକି ସଃର୍ଦା ଅଃଉଁଲେ ।

୨ ତେସଲନିକି 2:13

ମଃତର୍‌ ଏ ମାପ୍ରୁର୍‌ ଲାଡାର୍‌ ବାୟ୍‌ବେଣିମଃନ୍, ତୁମିମଃନାର୍‌ ଗିନେ ସଃବୁବଃଳ୍‌ ଇସ୍ୱର୍‌କେ ଦନ୍ୟବାଦ୍‌ କଃର୍ତାର୍‌ ଅଃମିମଃନାର୍‌ ଲଳା, କାୟ୍‌ତାକ୍‌ବଃଲେକ୍‌ ଇସ୍ୱର୍‌ ଆତ୍ମାର୍‌ ନିର୍ମୁଲ୍‌ ଆର୍‌ ସଃତ୍‌ ତଃୟ୍‌ ବିସ୍ୱାସ୍‌ କଃରି ମୁକ୍‌ଳୁକ୍‌ ତୁମିମଃନ୍‌ ହଃର୍ତୁ ଉଦାର୍‌ ହାଉଆସ୍‌ ଆର୍‌ ଗଟେକ୍‌ ପବିତ୍ର ଜାତି ଅଃଉଆସ୍‌ ।

୨ ତିମତି 1:4

ମୁୟ୍‌ଁ ଜଃନ୍‌କଃରି ସଃର୍ଦାୟ୍‌ ହୁରା ଅୟ୍‌ନ୍ଦ୍, ଇତାର୍‌ ଗିନେ ତର୍‌ ଆସୁ ଏତାୟ୍‌ କଃରି ତକ୍‌ ଦଃକୁକେ ଅଃନାୟ୍‌ ମଃନ୍‌ କଃରୁଲେ ।

ପିଲିମନ୍ 1:20

ହେଁ, ମର୍‌ ବାୟ୍‌, ମାପ୍ରୁର୍‌ ସଃଙ୍ଗ୍ ରେତାର୍‌ ତର୍‌ ଗିନେ ମର୍‌ ଲାବ୍‌ ଅଃଉଅ, କ୍ରିସ୍ଟର୍‌ ତଃୟ୍‌ ମର୍‌ ମଃନ୍‌କେ ସୁସ୍ତା ଦେ ।

୨ ଜହନ୍‌ 1:4

ତୁମାର୍‌ ହିଲାମଃନାର୍‌ ବିତ୍ରେ କଃତେକ୍‌ ଉବାର୍‌ ତଃୟ୍‌ହୁଣି ହାୟ୍‌ରିଲା ବିଦି ହଃର୍କାରେ ସଃତେ ଚାଲ୍‌ଚାଲ୍‌ତି ଜାଣି ମୁଁୟ୍‌ ବଃଡେ ସଃର୍ଦା ।

୩ ଜହନ୍‌ 1:4

ମର୍‌ ହିଲାମଃନ୍ ଜେ ସଃତେ ରଃୟ୍‌ ଜିବନ୍ କାଟୁଲାୟ୍‌ ବଃଲି ସୁଣ୍‌ଲେକ୍‌ ମୁଁୟ୍‌ ବଃଡେ ସଃର୍ଦା ଅୟ୍‌ନ୍ଦ୍ ।