୨ ତିମତି 3:13 - ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

¹³ ମଃତର୍‌ ଦୁସ୍ଟ୍‌ଲକ୍‌ ଆର୍‌ ମିଚୁଆମଃନାର୍‌ ବାଟ୍‌ ମଃର୍ନ୍‌ ହାକ୍‌ କାଡାୟ୍‌ ନଃୟ୍‌ଦ୍‌, ସେମଃନ୍ ବିନ୍ ଲକେ ବୁଲ୍‌କାୟ୍‌ କଃରି ହଃଚେ ନିଜ୍‌କେ ଜଃଟେଦ୍‌ ।

ବ୍‌ଡ଼୍ ହ୍‌ର୍‌ଜା ବାଇବଲ

¹³ ମ୍‍ତର୍ ଦୁଷ୍ଟ ଲକ୍‍ମ୍‍ନ୍ ଆର୍ ଟକ୍‍ତା ଲକ୍‍ମ୍‍ନ୍ ବିନ୍‌ସ୍‌ବୁ ଲକ୍‌ମ୍‍ନ୍‌କେ ଟକ୍‌ତି, ଆର୍ ହ୍‌ଚେ ସେମ୍‍ନ୍ ନିଜେ ଟକି ଅଇକ୍‌ରି ନ୍‍ଷ୍ଟ୍‌ ଅଉତି।

୨ ତିମତି 3:13 Iomraidhean Croise

୨ କରନ୍ତି 6:8

ଅଃମି ମାନ୍‌ତି ଆର୍‌ ଅମାନ୍ୟାର୍‌ ହାୟ୍‌ଆଚୁ । ଅଃମି ଲାଜ୍‌ ହାୟ୍‌ଆଚୁ ଆର୍‌ ଗୁଣ୍‌ଗିତ୍‌ ହାୟ୍‌ଆଚୁ । ମିଚ୍ କଃଉତା ଲକାର୍‌ ହର୍‌ ଅୟ୍‌ ଆଚୁ ମଃତର୍‌ ଅଃମି ସଃତ୍‌ କଃଉତା ଲକ୍‌,

୧ ତିମତି 4:1

ସେସ୍‌କାଳେ କଃତେକ୍‌ ଲକ୍‌ ମିଚୁଆ ଗୁରୁମଃନାର୍‌ କଃତାୟ୍‌ ହଃଳି ବିସ୍ୱାସ୍‌ ଚାଡ୍‌ତି ଟକ୍‌ଗୁରୁ ମଃନାର୍‌ ବିସ୍ୱାସ୍‌ କଃର୍ତିରିଲା ହାହ୍‌ ଆତ୍ମାର୍‌ ବିସ୍ୱାସେ ଜାତି ଆର୍‌ ଜଃତ୍‌କଃତ୍‌ ଅଃଉତି ।

୨ ତିମତି 3:8

ଆର୍‌ ଜଃନ୍‌କଃରି ଜନିସ୍‌ ଆର୍‌ ଜମ୍ବ୍ରିସ୍‌ ମସାର୍‌ ବାଦା ଦେତି ରିଲାୟ୍‌, ସେନ୍‌କଃରି ଇ ଲକ୍‌ମଃନ୍ ହେଁ ସଃତାର୍‌ ବାଦା ଦେତି; ମୁଣ୍ଡ୍‍ବଃୟା ଅୟ୍‌ ବିସ୍ୱାସ୍‌ କଃତାୟ୍‌ ଟିକ୍‌ ଗ୍ୟାନେ ହୁର୍ନ୍‌ ନଃଉତି ।

ତିତସ୍‌ 3:3

କାୟ୍‌ତାକ୍‌ବଃଲେକ୍‌ ହଃର୍ତୁ ଅଃମିମଃନ୍‌ ହେଁ ନିର୍ବୁଦିଆ, ଅମାନ୍ୟାକାରି, ବାଣା ଆର୍‌ ନାନା ରଃକମାର୍‌ କଃରାବ୍‌ ବୟ୍‌ଗ୍‌ ଆର୍‌ ସୁକ୍‌ ବୟ୍‌ଗାର୍‌ ଗତିଦଃଙ୍ଗ୍‌ଳା ରିଲୁ, ଆକାର୍‌, ଆର୍‌ ଡାରା କଃତାୟ୍‌ ଦିନ୍ କାଟତି ରିଲୁ, ଲକ୍‌କେ ଲାଡ୍‌ ନଃକେର୍ତି ରିଲୁ ଆର୍‌ ବିନ୍ ଲକ୍‌ମଃନ୍‌ ହେଁ ଅଃମିକ୍‌ ଗିଣ୍ କଃର୍ତି ରିଲାୟ୍‌ ।

2 ପିତର୍ 2:20

ବଃଲେକ୍‌ ସେମଃନ୍ ଜଦି ମାପ୍ରୁ ଆର୍‌ ମୁକ୍ତିକାରି ଜିସୁ କ୍ରିସ୍ଟର୍‌ କଃତାର୍‌ ଗିଆନାର୍‌ ଗିନେ ଜଃଗତାର୍‌ ବିଟାଳେ ହୁଣି ରଃକ୍ୟାହାୟ୍‌ ଆରେକ୍‌ ଗଟ୍‌ତର୍‌ ସେତିର୍‌ ବାନ୍ଦୁଣେ ବାନ୍ଦି ଅୟ୍‌ ଆରେକ୍‌ ଜାତି, ତଃନ୍‌ଅୟ୍‌ଲେକ୍‌ ସେମଃନାର୍‌ ହଃର୍ତୁ ଦଃସା ତଃୟ୍‌ ହୁଣି ସଃରାସଃରି ଦଃସା ଅଃଦିକ୍‌ ମଃନ୍ଦ୍‌ ଅୟ୍‌ଦ୍‌ ।

2 ପିତର୍ 3:3

ହଃର୍ତୁ ଇରି ଜାଣା ଜେ, ଇ ସେସ୍‌କାଳେ କଃତେକ୍‌ ନିଜାର୍‌ କଃରାବ୍‌ ଇଚା ହଃର୍କାରେ ଚାଲ୍‌ତା ସଃତ୍‌କେ ଗେଙ୍ଗ୍ରାଉତି ।

ପ୍ରକାସିତ୍‌ 12:9

ସେତାକ୍‌ ସଃବୁ ଜଃଗତ୍‌କେ ଟକଃତାର୍‌, ଦିଆବଳ୍‌ ଆର୍‌ ସୟ୍‌ତାନ୍‌ ନାଉଁଏ ଡାକ୍‌ ହୁଟ୍‌ଲା ସେ ବଃଡ୍ ସାହ୍‌, ସେ ହଃର୍ନା ନାଗ୍, ସେ ଅଃହ୍‌ଣାର୍‌ ଦୁତ୍‌ମଃନାର୍‌ ସଃଙ୍ଗ୍ ହୁର୍ତି ତଃୟ୍‌ ହଃକାୟ୍‌ ଅୟ୍‌ଲି ।

ପ୍ରକାସିତ୍‌ 13:14

ଆର୍‌ ସେ ଜଃତୁର୍‌ ଦଃକ୍‌ଣେ ଜୁୟ୍‌ କାବା ଅଃଉତା କାମ୍‌ କଃରୁକେ ସେ ଅଃଦିକାର୍‌ ହାୟ୍‌ରିଲି, ସେତାର୍‌ ସଃଙ୍ଗ୍ ସେ ହୁର୍ତିଏ ବାସା କଃର୍ତା ଲକ୍‌ମଃନ୍‌କେ ବୁଲ୍‌କାୟ୍‌ କଃରି, ଜୁୟ୍‌ ଜଃତୁ କଃଣ୍ଡା ସଃଙ୍ଗ୍ ମାଡ୍ କାୟ୍‌ ରିଲେକ୍‌ ହେଁ ଜିବନ୍‌ ରିଲି, ତାର୍‌ ଗଟେକ୍‌ ମୁର୍ତି ତିଆର୍‌ କଃରୁକେ ସେମଃନ୍‌କେ ଆଦେସ୍‌ ଦିଲି ।

ପ୍ରକାସିତ୍‌ 18:23

ତର୍‌ ତଃୟ୍‌ ଆରେକ୍‌ କଃବେ ହେଁ କୁପି ଉଜାଳ୍‌ ନଃଲାଗେ; କି ବଃର କଃନ୍ୟାର୍‌ କଃତା ସୁଣା ନଃଜାୟ୍‌ଁ । କାୟ୍‌ତାକ୍‌ବଃଲେକ୍‌ ତର୍‌ ବେପାରିମଃନ୍ ହୁର୍ତିଏ ବଃଡ୍ ସଃକ୍ତିସାଳି ଅୟ୍‌ରିଲାୟ୍‌, ତର୍‌ ଜାଦୁ ବିଦ୍ୟା ତଃୟ୍‌ ଜୁୟ୍‌ ହୁର୍ତିବିର୍‌ ସଃବୁ ଲକ୍‌କେ ବାମ୍‌ଳାୟ୍‌ କଃରି ସଃଙ୍ଗାୟ୍‌ ରିଲିସ୍‌ ।”